| Voluntarios salvan do lixo ducias de vellos PC mediante o uso de Software Libre |
|
|
|
| escrito por mancomun.org o Mércores, 12 de Decembro do 2007 | |
|
No diario "A nosa Terra" vemos publicada a seguinte nova sobre a colaboración do GRUVI, GALPON, GULO e a Universidade de Vigo para a recuperación de computadores vellos empregando Software Libre: "Hai unha alternativa galega para que os computadores obsoletos non acaben no vertedoiro. Funciona na Universidade de Vigo grazas ao altruísmo de dous grupos a prol do software libre de Pontevedra e Ourense. Montar computadores con pezas de aparatos vellos condenados ao lixo. Isto é o que fan no Grupo de Reciclaxe Informático da Universidade de Vigo (GRUVI), unha iniciativa única no país para regalar ordenadores a organizacións sen ánimo de lucro. No GRUVI colabora a Universidade co Grupo de Amigos de Linux de Pontevedra (GALPON) e de Ourense (GULO). E é que o Software Libre, os programas que calquera pode copiar e mellorar, xogan un rol clave neste pioneiro proxecto... Carlos Rodríguez, presidente de GALPON, explica que “neste dous anos recollemos uns 200 equipos obsoletos e coas pezas conseguirmos montar uns 50 computadores plenamente funcionais”. Unha vez montados, os activistas instálanlle programas libres “moi lixeiros”, que permiten realizar as tarefas básicas -como escribir textos ou navegar pola rede. O destino das máquinas son organizacións sen ánimo de lucro -asociacións culturais, por exemplo- que se poden apuntar a unha convocatoria pública anual da Universidade.
Podes ver a nova completa na súa fonte orixinal:    Artigos relacionados
|
