A Área de E-learning do Centro de Supercomputación de Galicia (CESGA) vai participar nas xornadas sobre “Plataformas web de Software Libre para organizacións da sociedade civil” que organiza a Vicerreitoría de Coordinación do Campus de Lugo, a Aula TIC Pemes da Universidade de Santiago de Compostela e a Concellería de Servizos Xerais do Concello de Lugo.

Deste xeito, a Área de E-learning do Cesga impartirá o vindeiro venres 30 de novembro un taller sobre a utilización do sistema de xestión da aprendizaxe Dokeos.

Estas xornadas, dirixidas a organizacións da sociedade civil, teñen como obxectivo amosar ás organizacións das sociedade civil unha ampla variedade de plataformas web de código aberto de utilidade para:

• A presenza na rede e difusión de actividades,

• A xestión da aprendizaxe e do coñecemento,

• A creación de secretarías virtuais e

• A organización de e-comunidades sociais.
  

Estas xornadas vanse celebrar os días 29 e 30 de novembro así como o 1 de decembro no Campus de Lugo...

Para máis información dirixirse ao correo electrónico atpemes@usc.es ou ao teléfono 982285900 Ext. 24471 da Aula TIC Pemes da USC.

Fonte:
http://weblog.cesga.es

Evento engadido á Axenda de eventos de Mancomun.org.

---

Artigos relacionados

• Mancomún debate hoxe en Santiago sobre os procesos de mercantilización do coñecemento e do software
• Mancomún participará no curso de verán da UDC: Novas tecnoloxías e dinamización lingüística
• Openbravo mostra ás Pemes españolas as vantaxes de traballar con ERP en SwL
• Codeka, nova aplicación de facturación, terminal de punto de venda e control de almacéns para a PEME
• Oferta de emprego na Oficina de Software Libre da USC