O Concello de Melide acolle a celebración da I Xornada de divulgación de Software Libre en Melide. Este evento, organizado a título persoal por Rafael Rodríguez e Jorge Lama, está orientado á difusión do Software Libre.

No transcurso do evento farase unha breve introdución aos conceptos básicos do Software Libre e abrirase a quenda de intervencións para resolver calquera dúbida dos asistentes. A continuación está prevista a realización dun taller práctico, ao que os asistentes poderán traer os seus terminais portátiles co propósito de proceder á instalación real do sistema operativo GNU/Linux e amosar as potencialidades do mesmo.

Á xornada están convidados os distintos organismos de Melide, así como calquera persoa que estea interesado no asunto.

---

Artigos relacionados

• As empresas implantadoras propoñen solucións libres empresariais
• I Xornadas de Software Libre en Donostia
• Primeiras Xornadas de Coñecemento Libre e Dereito nas TIC
• Relatorio de seguridade sobre Debian nas Xornadas de Seguridade 2008 da Facultade de A Coruña
• A actualización do DVD "Ferramentas informáticas para a PEME" debatirase co tecido TIC do SwL