A área de e-learning do Centro de Supercomputación de Galicia (CESGA) vai participar o venres 23 de novembro no IV congreso internacional sobre o Camiño de Santiago que se celebra no Centro Comarcal A Ulloa, en Palas de Rei, e que nesta edición leva por subtítulo “Coñecemento e  evolución”.

Na conferencia que corre a cargo da área de e-learning do CESGA, englobada nos relatorios sobre os límites do coñecemento humano, e denominada “Sistemas de Xestión da Aprendizaxe 2.0”, vanse dar a coñecer as características e funcionalidades máis relevantes dos Entornos Virtuais de Ensino-Aprendizaxe de Software Libre de última xeración...