Os desenvolvedores de KDE España fan un chamamento a toda a comunidade de usuarios e desenvolvedores amantes de KDE para a organización da Akademy-es 2008. A petición de propostas de ubicación lanzada dende a web oficial do proxecto especifica a necesidade de “axuda dun grupo/asociación que poida axudar a organizar o evento na súa Universidade/cidade/grupo de usuarios, etc”.

 

Os interesados que poidan ter esta posibilidade deberán cumprimentar un formulario e envialo ao enderezo de Akademy-es.

• Localización: datos concretos do sitio. Un sitio onde haxa internet e poidan darse charlas de libre acceso.
• Que institución ou organismos o promoven ou colaborarían.
• Estimación de persoas colaborando na organización do evento.
• Propostas de hospedaxe alcanzable para todo aquel interesado en acudir desde outras cidades.
• Como se pode chegar ao sitio via avión, tren, bus, ... Asi como distancia do lugar do evento á hospedaxe.
• Se existe a posibilidade de contar con subvencións proporcionadas por algunha institución para a organización do evento.
• Datas posibles nas que podería organizarse o evento. (suxerido Novembro) O evento debe ser en fin de semana.