O Concello de Lugo, a través da Concellería de Servizos Xerais, organiza para os vindeiros días 1, 2, e 3 de decembro de 2006, unha party denominada LUDUS Party Net. No programa do evento está anunciado un obradoiro de Instalación e uso básico de Linux e dúas charlas sobre Software Libre.

 

O curso vai dirixido a principiantes e ensina os fundamentos básicos de GNU/Linux desde cero. Será un curso de 6 horas repartido en tres días. O sábado 2 ás 19 horas haberá unha charla que intentará explicar que é o OpenSource e as licenzas GNU e GPL. O domingo 3 ás 12 da mañá terá lugar unha charla sobre Software Libre e empresa. O prazo de inscrición remata o día 29.