Os desenvolvedores dos escritorios libres KDE e GNOME tiveron unha fin de semana intensa na GUADEMY celebrada na Facultade de Informática da Coruña e organizada por GPUL. Durante tres días participantes de ámbolos proxectos colaboraron co intercambio de ideas e coñecemento neste importante evento que reuniu a máis de 100 participantes.

A inauguración das xornadas tivo lugar o pasdo venres ás 10:15 horas no salón de actos da facultade coa presenza de Antonio Pérez Casas, asesor da Consellería de Innovación e Industria, Alberto Valderruten, decano da Facultade de Informática, e Emilio Padrón, presidente de GPUL. Ademais do apoio da Universidade da Coruña e a Consellería de Innovación a Guademy contou ademais co patrocinio das empresas Trolltech e Igalia.

O evento, centrado no ámbito de desenvolvedores estatal, contou tamén con participantes doutros países. Trátase dun dos maiores eventos encamiñados á harmonización entre os dous escritorios celebrados ata o de agora.   

---

Artigos relacionados

• Akademy-es busca ubicación para a súa edición 2008
• A recén saída KDE 4.1 está dispoñible en galego
• Utilidades de KDE
• O xestor de ficheiros Nautilus de GNOME terá separadores na versión 2.24 de GNOME
• Dispoñible digiKam 0.10.0-beta1 para KDE4