| A Conferencia Internacional de Software Libre 2008 fai un chamamento á colaboración voluntaria |
|
|
|
| escrito por Mancomún o Martes, 22 de Xullo do 2008 | |
|
Mancomún coordinará a presencia da comunidade de Software Libre en Galiza  A Conferencia Internacional de Software Libre 2008 contará con voluntariado que colabore na organización do evento. As listas para inscribirse están xa abertas e brindan unha oportunidade única para todos os interesados en coñecer os detalles dun acontecemento que moverá a máis de 8.000 persoas de todas as nacionalidades. As funcións serán diversas: atención aos relatores, asistencia técnica, información e recepción dos asistentes, guías de grupos, dinamización de zonas, apoio á organización, etc.Co propósito de facer partícipe a toda a comunidade, a organización asumirá todos os gastos de desprazamento, aloxamento e manutención, ademais de que acreditará a labor de todos os voluntarios cun certificado de asistencia. A asociación pola Formación, a Cultura e a Solidariedade, Iniciativa Focus, será a encargada de coordinar aos voluntarios e ás voluntarias que presten o seu tempo para a celebración deste evento. A quinta edición da Conferencia Internacional de Software Libre celebrarase os días 20, 21 e 22 de outubro, no Palacio de Feiras de Málaga. Este evento constitúe un encontro de asistencia obrigada para toda a comunidade de Software Libre. A comunidade galega no CISL Nesta quinta edición do evento, a comunidade galega de Software Libre participará do encontro adquirindo un maior protagonismo. Dado o recoñecemento e as expectativas que está a espertar Mancomún en Europa, a Dirección Xeral de Promoción Industrial e da Sociedade da Información promoverá a través do Centro de Referencia e Servizos de Software Libre de Galiza (Mancomún) a coordinación dunha delegación galega. Fonte: Iniciativa Focus    Artigos relacionados |
