SIESTTA é unha aplicación que permite xestionar vía web toda a información xerada durante o proceso educativo, dentro e fóra da aula. Trátase dun software creado por docentes para docentes. Distribúese cunha licenza GPL e polo momento está en versión BETA.

Mediante esta aplicación, o docente terá un acceso rápido e sinxelo a todos os datos dos seus alumnos así como a posibilidade de xerar informes actualizados.

En breve estará dispoñible para a súa descarga a última versión que inclúe moitas melloras, como o módulo de comunicación coas familias, mediante o que estas poderán estar ao día da información que lles interesa sobre os seus fillos tanto por vía web como mediante documentos escritos.

Para as familias:

• Acceso aos datos de asistencia, cualificacións, tarefas e observacións rexistrados polos docentes.
• Comunicación cos docentes mediante mensaxería interna.
• Recepción de correspondencia e boletíns coa frecuencia que desexen sen que supoña un esforzo adicional.

Fonte: Web do autor de SIESSTA