Produtos
Anterior
  • GIMP

    GIMP (GNU Image Manipulation Program) é un programa para a edición de gráficos bitmap empregado habitualmente para retoque fotográfico, composición ou creación de imaxes....

    Máis información
  • Pidgin

    Pidgin é un cliente de mensaxería instantánea multiprotocolo, o que quere dicir que funciona cos protocolos de mensaxería máis comunmente usados, incluíndo: Yahoo! Messenger, MSN Mes...

    Máis información
  • Thunderbird

    O Mozilla Thunderbird é un cliente de correo libre desenvolvido dentro do proxecto Mozilla.org. Inclúe lector de RSS, cliente de Usenet e filtro antispam, entre outras moitas ferramenta...

    Máis información
  • GONG

    GONG (Gestión para ONGs) é un aplicativo para a xestión de ONGs de cooperación, é dicir, enfocada para ONGDs ( "D" de desenvolvemento)....

    Máis información
  • Firefox

    O Mozilla Firefox é un navegador web gratuíto, multiplataforma e de código aberto.Xa está dispoñíbel en Galego. Firefox 3 é máis rápido, seguro e lixeiro ca nunca. Con máis de 15 000 ...

    Máis información
Anterior

ACTIVIDADES

  • Axudámosche
  • Para a comunidade
  • Empresas
  • GNOME 3.12 dispoñible 100% en galego

    Publicado por Mancomún
    Martes, 1 de Abril de 2014
    • Valoración 2.97
    • Lecturas 604

    Fieis á súa cita, seis meses despois da última publicación, o equipo galego de tradución de GNOME anuncia que xa está dispoñible a nova versión do contorno de escritorio GNOME 3.12 completamente traducida ao galego.

    Captura do escritorio GNOME 3.12Segundo indican na súa nota, esta nova publicación ven cargada de novidades no software e tamén dun gran traballo de tradución, xa que manteñen o nivel de tradución da interface no 100% aínda que retroceden lixeiramente na porcentaxe de tradución da documentación motivado polo incremento do traballo (gran parte da documentación foi reescrita) e polo baixo número de recursos humanos cos que conta o equipo galego de tradución de GNOME. Para facernos unha idea do volume de traballo realizado, destacar que a tradución da interface foron 36.881 cadeas e 171.094 palabras e no caso da documentación, 7132 cadeas e 75650 palabras.

    Os interesados en botar unha man a este equipo e contribuír a manter este escritorio así como a súa documentación dispoñibles en galego, poden unirse ao grupo sen máis que darse de alta. O equipo galego de tradución de GNOME conta cunha serie de manuais de introdución aos procedementos de tradución de GNOME para orientar aos novos colaboradores.

    [Ler máis]
  • Gpul organiza un novo relatorio “Como liberar o teu traballo cunha licenza libre"

    Publicado por Mancomun
    Luns, 31 de Marzo de 2014
    • Valoración 2.76
    • Lecturas 494

    Cartel do relatorioDende GPUL informan dun novo relatorio dentro do seu ciclo Xoves Libres. Desta volta é a quenda de achegar aos asistentes a Como liberar o traballo cunha Licenza Libre.

    Nesta ocasión, os encargados de achegar a súa experiencia serán Rafael Rodríguez Gaioso, Coordinador da Oficina de Software Libre do CIXUG e Pablo Belay desenvolvedor e responsable da comunidade da aplicación SIX XeoPesca e gañador do Premio ao mellor proxecto de fin de carreira con licenza libre do ano 2013, entre outros galardóns.

    O relatorio celebrarase o xoves 3 de abril, a partir das 19:00 horas, no laboratorio 0.1W da Facultade de Informática da UDC. Como sempre, esta actividade é de carácter gratuíto, e está aberta á participación do público en xeral, estando especialmente indicada para os estudantes de carreiras técnicas que estean desevolvendo os seus proxectos de fin de carreira ou traballo técnicos nos seus estudos.

    [Ler máis]
  • A AMTEGA publica unha guía de boas prácticas para a liberación de documentos da administración autonómica

    Publicado por Mancomún
    Venres, 28 de Marzo de 2014
    • Valoración 2.74
    • Lecturas 593
    • Coincidindo co Día da Liberdade de Documentos, a Amtega presentou esta guía que fai fincapé no uso de formatos abertos así como de licenzas Creative Commons nas publicacións da Xunta
    • Está dispoñible nas webs de imit.xunta.es e mancomun.org
    • O Goberno autonómico vén impulsando dende o ano 2011 o uso de formatos abertos na presenza na Internet do Sector Público Galego

    A Axencia para a Modernización Tecnolóxica de Galicia (Amtega) vén de publicar a “Guía de boas prácticas para a Liberación de Publicacións da Xunta de Galicia” que explica as vantaxes de empregar tanto formatos abertos como licenzas libres nas publicacións elaboradas pola Xunta de Galicia.

    A guía presentouse o pasado 26 de marzo, coincidindo co Día Internacional da liberdade Documentos (DFD), unha iniciativa a nivel mundial promovida pola Free Software Foundation Europe, que se celebra o derradeiro mércores do mes de marzo co obxectivo de chamar a atención sobre a importancia de conservar os documentos dixitais en formatos libres e estándares abertos.

    Así a Amtega uniuse aos actos e xornadas que se celebraron a nivel mundial e, concretamente na nosa Comunidade, da man de dúas asociacións de usuarios de software libre, GALPon e GPUL, nas universidades de Vigo e Coruña respectivamente, contribuíndo ao fomento e implantación dos estándares abertos na administración pública. A Amtega participou na mesa de debate organizada na Xornada sobre a necesidade de liberar a documentación académica e de investigación na Universidade de Vigo.

    [Ler máis]
  • GPUL únese ao Día da Liberdade dos Documentos

    Publicado por Mancomún
    Luns, 24 de Marzo de 2014
    • Valoración 2.76
    • Lecturas 475

    Como vos informabamos hai unhas semanas, este mércores 26 de marzo é o Día Internacional da liberdade dos Documentos (DFD), unha iniciativa a nivel mundial promovida pola Free Software Foundation Europe que se celebra o derradeiro mércores do mes de marzo co obxectivo de chamar a atención sobre a importancia de conservar os nosos documentos dixitais en formatos libres e estándares abertos. Para contribuír á consecución dos obxectivos de difusión desde día, organízanse numerosos actos e xornadas por todo o planeta, e un ano máis a nosa comunidade amósase moi activa nestas celebracións.

    Cartel da xornada do Document Freedom Day 2014 de GPULAsí á xornada sobre a necesidade de liberar a documentación académica e de investigación, organizada por GALPon na Universidade de Vigo uniuse nos últimos días unha nova xornada conmemorativa do Document Freedom Day organizada por GPUL que terá lugar tamén o mércores 26 a partires das 18:00 horas na Facultade de Informática da UDC para amosarlle ao público as grandes vantaxes que teñen os estándares abertos.

    Esta xornada contará coas seguintes intervencións:

    [Ler máis]

Repositorio Documental FLOSS

Consulta a documentación no wiki de Mancomún

Máis información