Produtos
Anterior
  • GIMP

    GIMP (GNU Image Manipulation Program) é un programa para a edición de gráficos bitmap empregado habitualmente para retoque fotográfico, composición ou creación de imaxes....

    Máis información
  • Pidgin

    Pidgin é un cliente de mensaxería instantánea multiprotocolo, o que quere dicir que funciona cos protocolos de mensaxería máis comunmente usados, incluíndo: Yahoo! Messenger, MSN Mes...

    Máis información
  • Thunderbird

    O Mozilla Thunderbird é un cliente de correo libre desenvolvido dentro do proxecto Mozilla.org. Inclúe lector de RSS, cliente de Usenet e filtro antispam, entre outras moitas ferramenta...

    Máis información
  • GONG

    GONG (Gestión para ONGs) é un aplicativo para a xestión de ONGs de cooperación, é dicir, enfocada para ONGDs ( "D" de desenvolvemento)....

    Máis información
  • Firefox

    O Mozilla Firefox é un navegador web gratuíto, multiplataforma e de código aberto.Xa está dispoñíbel en Galego. Firefox 3 é máis rápido, seguro e lixeiro ca nunca. Con máis de 15 000 ...

    Máis información
Anterior

  • Axudámosche
  • Para a comunidade
  • Empresas
  • Contribúe co Software Libre no verán e consegue que che paguen por elo

    Publicado por Mancomún
    Martes, 10 de Marzo de 2015
    • Valoración 2.67
    • Lecturas 926

    Cartel do relatorioVolven os XovesLibres de GPUL un ano máis á Facultade de Informática da UDC. Este xoves 12 de marzo, a partir das 17:00 horas terá lugar no Lab 0.1w da FIC unha pequena charla informativa sobre os programas de colaboración con proxectos libres promovidos por Google e Gnome, como son o Google Summer of Code, o Outreachy (antigo Outreach Program for Women), o Google Code-In, etc.

    Tanto se xa coñeces estes programas e estás interesado en participar como se non os coñeces, esta charla será de moito interese e axuda. Persoas que participaron nestes programas en anos anteriores falarán da súa experiencia, e darán consellos á hora de participar neles.

    Para quen non coñeza estas iniciativas, trátase a grandes rasgos, de programas de mentorización de estudantes nos que estes poden colaborar no desenvolvemento dun proxecto de software libre durante un breve período de tempos (en torno a 3 meses) e a cambio, ademais de aprender as dinámicas de traballo do software libre, colaborar con proxectos e comunidades interesantes, obteñen unha remuneración económica polo traballo desenvolvido.

    [Ler máis]
  • Xornada divulgativa sobre a aplicación Xeshostal no CDTIC o mércores 11 de Marzo

    Publicado por Mancomún
    Luns, 9 de Marzo de 2015
    • Valoración 1
    • Lecturas 638
    • Trátase dunha ferramenta pioneira, creada pola Axencia de Turismo, para mellorar a xestión dos pequenos aloxamentos turísticos.
    • Xeshostal está dispoñible no CDTIC Virtual, un servizo permite ás empresas a posibilidade de analizar e probar solucións empresarias libres que están aloxadas na nube.

    O CDTIC acolle, este mercores 11 de marzo, unha sesión demostradora sobre Xeshostal, un software para a xestión hoteleira, desenvolvido pola Axencia de Turismo da Xunta e liberado no Repositorio de Software Libre de Galicia en colaboracion coa Amtega.
    Banner da xornada de demostración de Xeshostal
    Na  xornada, que se desenvolverá en horario de 16.30 a 18.00 horas, amosarase o funcionamento da aplicación Xeshostal, unha ferramenta deseñada para que os pequenos establecementos hoteleiros poidan xestionar as súas reservas e facturas nunha base de datos ordenada de clientes. Así mesmo, permite fixar e modificar os prezos dos cuartos en función das súas características e obter informes de xestión e planificación semanais ou mensuais de limpeza, de datos de ocupación etc.   

    Esta sesión está destinada a profesionais do sector turístico, principalmente os do sector hoteleiro. A demostración correrá a cargo de Antón Macías de Miguel, enxeñeiro en Informática de Sistemas cunha longa experiencia como programador tanto no sector público coma no privado, e con experiencia no mantemento do aplicativo Xeshostal.

    [Ler máis]
  • Liberado o software do proxecto DESOURB no Repositorio de Software Libre da Xunta de Galicia

    Publicado por Mancomún
    Venres, 6 de Marzo de 2015
    • Valoración 1.33
    • Lecturas 779
    • O proxecto DESOURB (Desenvolvemento Sostible Urbano) ten como obxectivo a definición dun modelo para a análise, diagnóstico e monitorización, que facilite a xestión sostible do territorio.
    • O software desta iniciativa está publicado desde hoxe no Repositorio de Software Libre da Xunta para facilitar a súa reutilización así como a colaboración para a súa mellora.

    Logo do proxecto DESOURBA Axencia para a Modernización Tecnolóxica de Galicia (Amtega), en colaboración co Instituto de Estudos do Territorio (IET) da Consellería de Medio Ambiente, Territorio e Infraestruturas, vén de publicar con licenza libre o software para o proxecto DESOURB (Desenvolvemento Sostible Urbano).

    Esta ferramenta informática está xa dispoñible no Repositorio de Software Libre da Xunta, onde se pode atopar, tanto o código fonte completo da aplicación como a súa documentación. Deste xeito, facilítase a súa reutilización así como a colaboración para a súa mellora.

    A liberación do software do proxecto supón a posta a disposición dos cidadáns dunha plataforma moi potente para a xestión do territorio, que pode ser empregada, por exemplo, polos concellos, mancomunidades ou calquera administración ou entidade de xeito gratuíto.

    [Ler máis]
  • Seguridade nas comunicacións e nas transaccións en entornos libres, 3º obradoiro dos Sábados Libres da Altamar

    Publicado por Mancomún
    Venres, 6 de Marzo de 2015
    • Valoración 1.6
    • Lecturas 872

    Continuando co 3º ciclo dos sábados libres na Altamar, GALPon organiza para o vindeiro sábado 11 de abril, en horario de 10:00 a 18:30 horas, o obradoiro correspondente ao mes de Marzo que desta volta ten por tema “Seguridade nas comunicacións e nas transaccións en entornos libres”.

    Imaxe do 3º obradoiro do ciclo de obradoiros libres na Altamar

    Os asistentes a este obradoiro poderán aprender como empregar sinatura electrónica nas súas comunicacións por correo electrónico así como nas comunicacións coa administración a través das sedes electrónicas das mesmas. Todo isto realizado dende contornos libres, é dicir con sistema operativo e aplicativos con licenza libre.

    O obradoiro dividirase en dous bloques temáticos. Nun primeiro bloque centrarase en achegar aos asistentes ao “Cifrado e descifrado de correo electrónico con GnuPG”, que estará dirixido por Julio J. Herrero Arias (aka julher). O segundo bloque estará dirixido por Chema Casanova (@txenoo), socio de Igalia e asesor de tecnoloxías libres para a administración pública, que versará sobre “Sinatura electrónica con @firma, ecofirma e DNIe en entornos libres”.

    [Ler máis]

En profundidade

Solucións de planificación e xestión dos recursos empresarias (ERP) con Software Libre: Odoo/OpenERP Máis información

Repositorio Documental FLOSS

Consulta a documentación no wiki de Mancomún

Máis información