RSS enviar por correo-e Imprimir

Mancomún

  • Lugo acolle a celebración do Arduino Day 2015 en Galicia

    Publicado por Mancomún
    Martes, 24 de Marzo de 2015
    • Valoración 1
    • Lecturas 729

    Mapa de celebracións do Arduino Day 2015 en EspañaA asociación makers.lugo únese por segundo ano ás celebracións globais do Arduino Day 2015, nas que máis de 250 cidades contarán con eventos para conmemorar a creación desta plataforma de hardware libre.

    Makers.lugo organiza pois o vindeiro sábado 28 de Marzo un evento aberto e para todos os públicos, no que se haberá unha exposición de distintas iniciativas relacionadas con Arduino, provenientes de toda Galicia. Haberá makers chegados de todos os recunchos de Galicia: Coruña, Pontevedra, Santiago, Ourense, Vigo, … que configuran unha axenda do máis interesante.

    Ao longo de todo o día, os visitantes poderán coñecer unha ampla variedade de proxectos, dende impresoras 3D ata control enerxético do fogar, pasando por robótica educativa, árbores de nadal ou invernadoiros controlados por Arduino.

    [Ler máis]
  • Xeopesca organiza a Mapping Party Poio 2015

    Publicado por Mancomún
    Luns, 23 de Marzo de 2015
    • Valoración 1
    • Lecturas 754

    Cartel da Mapping PartyA asociación Xeopesca, organiza para o vindeiro sábado 11 de abril, a Mapping Party Poio’15, no Centro Xaime Illa de Raxó ( Poio) co obxectivo de mellorar a cartografía da contorna marítima do Concello de Poio en OpenStreetMap.

    Unha mapping party, é un encontro de persoas con intereses comúns no proxecto OpenStreetMap, nos datos xeográficos e na cultura libre, que se reúnen para cartografar de forma colectiva un determinado lugar, zona, etc. Estes encontros soen contar coa participación de xente experta e tamén teñen o interese de atraer a principiantes para introducilos na forma de traballar e contribuír a proxecto colectivo OpenStreetMap e contribuír deste xeito a incrementar os datos xeográficos libres.

    [Ler máis]
  • Seminario de xestión avanzada de Wordpress no CDTIC

    Publicado por Mancomún
    Luns, 23 de Marzo de 2015
    • Valoración 1
    • Lecturas 575

    O CDTIC organiza un novo obradoiro de formación sobre sistemas de xestión de contidos con licenza libre, desta volta trátase do seminario “Xestión avanzada de WordPress”. Terá lugar o próximo xoves 26 de Marzo, de 16:00 a 20:00 horas nas instalacións do CDTIC en Santiago de Compostela.

    Banner do seminario de Wordpress

    O seminario está fundamentalmente dirixido a profesionais das TIC, responsables da xestión web da empresa, autónomos etc. que queiran crear unha páxina web en WordPress ou ben xa administran unha e desexan afondar na súa utilización e na incorporación de máis funcións

    Os asistentes profundarán na utilización e configuración de WordPress con características avanzadas do sistema. Contarán cun equipo informático para pór en práctica os conceptos e as ferramentas descritas na clase.

    O seminario será impartido por D. David Arias Vázquez, responsable de desenvolvemento de software en Ingenyus, Marketing Inteligente S.L.

    [Ler máis]
  • Contribúe co Software Libre no verán e consegue que che paguen por elo

    Publicado por Mancomún
    Martes, 10 de Marzo de 2015
    • Valoración 2
    • Lecturas 855

    Cartel do relatorioVolven os XovesLibres de GPUL un ano máis á Facultade de Informática da UDC. Este xoves 12 de marzo, a partir das 17:00 horas terá lugar no Lab 0.1w da FIC unha pequena charla informativa sobre os programas de colaboración con proxectos libres promovidos por Google e Gnome, como son o Google Summer of Code, o Outreachy (antigo Outreach Program for Women), o Google Code-In, etc.

    Tanto se xa coñeces estes programas e estás interesado en participar como se non os coñeces, esta charla será de moito interese e axuda. Persoas que participaron nestes programas en anos anteriores falarán da súa experiencia, e darán consellos á hora de participar neles.

    Para quen non coñeza estas iniciativas, trátase a grandes rasgos, de programas de mentorización de estudantes nos que estes poden colaborar no desenvolvemento dun proxecto de software libre durante un breve período de tempos (en torno a 3 meses) e a cambio, ademais de aprender as dinámicas de traballo do software libre, colaborar con proxectos e comunidades interesantes, obteñen unha remuneración económica polo traballo desenvolvido.

    [Ler máis]
  • Xornada divulgativa sobre a aplicación Xeshostal no CDTIC o mércores 11 de Marzo

    Publicado por Mancomún
    Luns, 9 de Marzo de 2015
    • Valoración 1
    • Lecturas 595
    • Trátase dunha ferramenta pioneira, creada pola Axencia de Turismo, para mellorar a xestión dos pequenos aloxamentos turísticos.
    • Xeshostal está dispoñible no CDTIC Virtual, un servizo permite ás empresas a posibilidade de analizar e probar solucións empresarias libres que están aloxadas na nube.

    O CDTIC acolle, este mercores 11 de marzo, unha sesión demostradora sobre Xeshostal, un software para a xestión hoteleira, desenvolvido pola Axencia de Turismo da Xunta e liberado no Repositorio de Software Libre de Galicia en colaboracion coa Amtega.
    Banner da xornada de demostración de Xeshostal
    Na  xornada, que se desenvolverá en horario de 16.30 a 18.00 horas, amosarase o funcionamento da aplicación Xeshostal, unha ferramenta deseñada para que os pequenos establecementos hoteleiros poidan xestionar as súas reservas e facturas nunha base de datos ordenada de clientes. Así mesmo, permite fixar e modificar os prezos dos cuartos en función das súas características e obter informes de xestión e planificación semanais ou mensuais de limpeza, de datos de ocupación etc.   

    Esta sesión está destinada a profesionais do sector turístico, principalmente os do sector hoteleiro. A demostración correrá a cargo de Antón Macías de Miguel, enxeñeiro en Informática de Sistemas cunha longa experiencia como programador tanto no sector público coma no privado, e con experiencia no mantemento do aplicativo Xeshostal.

    [Ler máis]
  • Liberado o software do proxecto DESOURB no Repositorio de Software Libre da Xunta de Galicia

    Publicado por Mancomún
    Venres, 6 de Marzo de 2015
    • Valoración 1.5
    • Lecturas 717
    • O proxecto DESOURB (Desenvolvemento Sostible Urbano) ten como obxectivo a definición dun modelo para a análise, diagnóstico e monitorización, que facilite a xestión sostible do territorio.
    • O software desta iniciativa está publicado desde hoxe no Repositorio de Software Libre da Xunta para facilitar a súa reutilización así como a colaboración para a súa mellora.

    Logo do proxecto DESOURBA Axencia para a Modernización Tecnolóxica de Galicia (Amtega), en colaboración co Instituto de Estudos do Territorio (IET) da Consellería de Medio Ambiente, Territorio e Infraestruturas, vén de publicar con licenza libre o software para o proxecto DESOURB (Desenvolvemento Sostible Urbano).

    Esta ferramenta informática está xa dispoñible no Repositorio de Software Libre da Xunta, onde se pode atopar, tanto o código fonte completo da aplicación como a súa documentación. Deste xeito, facilítase a súa reutilización así como a colaboración para a súa mellora.

    A liberación do software do proxecto supón a posta a disposición dos cidadáns dunha plataforma moi potente para a xestión do territorio, que pode ser empregada, por exemplo, polos concellos, mancomunidades ou calquera administración ou entidade de xeito gratuíto.

    [Ler máis]
  • Actualizados os materiais formativos para a preparación da Certificación Galega de Competencias Dixitais en Ofimática

    Publicado por Mancomún
    Xoves, 5 de Marzo de 2015
    • Valoración 1
    • Lecturas 864

    Vén de publicarse unha actualización dos materiais formativos da Certificación galega de competencias dixitais en ofimática coas correccións realizadas aos mesmos, logo dos erros ou eivas detectadas durante a impartición dos cursos do pasado ano 2014.

    Imaxe das portadas das unidades formativas publicadas do CODIX

    Lembramos que estes materiais, están dispoñibles coa licenza libre CC-by-sa e en diversos formatos (pdf, epub, scorm e elp) para a súa reutilización por parte de calquera persoa interesada. Así poden ser de utilidade para a autoformación da cidadanía, ou mesmo para centros educativos, interesados en ofrecer formación para a obtención da certificación galega de competencias dixitais en ofimática, CODIX.

    Esta formación no uso do sistema operativo GNU/Linux e a suite ofimática LibreOffice está sen dúbida a ter unha moi boa acollida pola cidadanía, xa que as 180 prazas ofertadas o pasado 10 de febreiro pola Amtega na primeira convocatoria deste ano para obter o CODIX, rematáronse en tan só unha hora. Estas persoas admitidas deberán superar un exame presencial, unha vez rematado o curso de teleformación titorizada a través da rede CeMIT.

    [Ler máis]
  • Seminario sobre vNext no CNTG

    Publicado por Mancomún
    Martes, 24 de Febreiro de 2015
    • Valoración 2.25
    • Lecturas 721

    Imaxe do CNTGMañá mércores 25 de febreiro, o Centro de Novas Tecnoloxías de Galicia (CNTG) da Consellería de Traballo e Benestar ofrece un seminario sobre vNext, proxecto orientado ao desenvolvemento web multiplataforma e Open Source.

    O seminario terá lugar no salón de actos do centro en horario de 16:30 a 20:00 horas. O acceso ao seminario, previa inscrición a realizar en liña a través do portal web do CNTG, é de balde e condicionado ao aforo do local. O acceso ao acto para aquelas persoas NON inscritas estará condicionado á existencia de prazas libres o día de realización do evento.

    vNext supón a creación dun novo framework .NET, optimizado para traballar na nube, con maior rendemento, menor consumo de memoria, multiplataforma e de código aberto. O obxectivo principal do seminario consiste en dar a coñecer aos asistentes en que consiste e cales son as melloras que aporta vNext, mostrándose, para tales efectos, exemplos de aplicacións funcionando en Mac, GNU/Linux e Windows.

    [Ler máis]
  • Obradoiro Xestor de Contidos Joomla en Vigo

    Publicado por Mancomún
    Luns, 16 de Febreiro de 2015
    • Valoración 2.5
    • Lecturas 802

    O CDTIC organiza un novo obradoiro de formación sobre sistemas de xestión de contidos con licenza libre. O obradoiro “O sistema de xestión de contidos Joomla” terá lugar na sala de formación da aula CeMIT de Vigo o vindeiro xoves 26 Febreiro 2015 de 18:00 a 20:00 horas.

    Banner obradoiro joomla

    Será impartido por Pablo Arias, desenvolvedor, asesor e consultor web autónomo especializado en Joomla, así como docente en diversos cursos de deseño web. Posúe estudos universitarios de Enxeñería Técnica Electrónica, pero, é sobre todo, entusiasta do software e hardware de fontes abertas e libres.

    O seminario está dirixido a profesionais TIC, responsables da xestión web das empresas, autónomos etc. que queiran crear unha páxina web en Joomla ou ben xa administran unha e queiran afondar en como se utiliza e como se lle engaden máis funcións.

    [Ler máis]
  • Taller TIC sobre voz IP. Xestión de custos e aforro coa tecnoloxía do futuro

    Publicado por Mancomún
    Xoves, 12 de Febreiro de 2015
    • Valoración 3
    • Lecturas 704

    Mañá venres de 11:00 a 13:00 horas terá lugar nas instalacións do Centro Demostrador TIC unha xornada sobre voz IP da man da empresa Northwest Advisors. Presentará a súa solución de voz IP, baseada na solución libre Asterisk, coa que permiten que as empresas poidan mellorar a xestión dos custos das súas comunicacións así como acadar un importante aforro.

    Banner do taller de voip

    A xornada está dirixida a Responsables TIC ou xerentes de todo tipo de empresas. A asistencia ao seminario é completamente gratuíta, sendo unicamente preciso a inscrición previa través do Espazo Usuario do portal web do CDTIC.

    [Ler máis]
Sindicación RSS Sindicación RSS: Novas