RSS enviar por correo-e Imprimir

Mancomún

  • Xornadas de achegamento ao software e hardware libre no campus de Ourense

    Publicado por Mancomún
    Martes, 24 de Novembro de 2015
    • Valoración 5
    • Lecturas 624

    Cartel de difusión das xornadasA Asociación Educativa LiGNUx organiza para os vindeiros días 2 e 3 de decembro as “II Xornadas de achegamento teórico-practico ao software e hardware libre no ámbito socioeducativo” para o que contan coa colaboración da Asociación Pedagógica y Cultural Educere e coa axuda da Universidade de Vigo (Vicerrectoría do Campus de Ourense, Escola Superior de Enxeñería Informática e a Facultade de Ciencias da Educación). A organización agarda repetir o éxito de convocatoria do pasado ano, cando reuniron máis de 60 persoas.

    O obxectivo destas xornadas son, como o seu nome indicada, contribuír ao achegamento da cultura libre aos asistentes, a través de relatorios sobre software e hardware libre, sempre cunha orientación socioeducativa.

    As xornadas celebraranse terán lugar no Edificio de Facultades, Universidade de Vigo, Campus de Ourense en horario de tarde de 18:30 a 21:00 horas. O mércores 2 de decembro celebrarase na aula 0.9 na planta baixa e o día 3 de decembro na aula 1.5 da primeira planta.

    [Ler máis]
  • Odoo e CiviCRM incorpóranse á oferta de aplicacións do CDTIC Virtual

    Publicado por Mancomún
    Xoves, 19 de Novembro de 2015
    • Valoración 6
    • Lecturas 683
    • A Amtega ofrece a empresas e entidades do terceiro sector dúas novas solucións libres na nube do CDTIC virtual: Odoo e CiviCRM.
    • Odoo é un xestor de recursos empresarial para as actividades de produción e distribución e CiviCRM é unha ferramenta de xestión das relacións con clientes orientada para organizacións do terceiro sector
    • As solicitudes de acceso ao CDTIC Virtual realízanse a través da páxina web do CDTIC: http://cdtic.xunta.es/

    A Axencia para a Modernización tecnolóxica de Galicia (Amtega) pon hoxe a disposición das empresas e entidades do terceiro sector dúas novas aplicacións de software libre no Centro Demostrador TIC Virtual, o servizo de proba de solucións TIC na nube.

    Imaxe dos novos aplicativos do VCDTIC

    Polo tanto xa é posible probar o xestor de recursos empresarial (ERP) “Odoo”, orientado á xestión dos procesos internos dunha empresa, como a facturación, a contabilidade, o almacén ou o proceso de produción. Tamén está dispoñible o xestor de relacións cos clientes CiviCRM orientado a mellorar a comunicación coa masa social e á realización de campañas de captación de fondos en entidades do terceiro sector.

    A través da páxina web do CDTIC (http://cdtic.xunta.es/) pódese solicitar xa un período de proba de calquera destas dúas solucións de software libre.

    [Ler máis]
  • GPUL labs, o novo proxecto de GPUL

    Publicado por Mancomún
    Mércores, 18 de Novembro de 2015
    • Valoración 12
    • Lecturas 806

    Cartel de GPUL labsGPUL vén de anunciar a súa nova iniciativa para, segundo as súas palabras, “recuperar o P de Programadores do nome da asociación e tratar de volver a xerar ese sentimento de comunidade dentro do software libre da cidade da Coruña”.

    GPUL, como é coñecido, conta unha longa traxectoria na organización de distinto tipo de actividades de difusión e fomento do software libre, dende pequenas xornadas dirixidas aos novos estudantes da FIC, install parties, ata a organización de grandes eventos de carácter internacional como a GUADEC ou a AKADEMY, entre moitas outras. Mais este ano querían innovar no xeito de organizar e planificar as súas actividades, e así é como nace GPUL Labs.

    GPUL labs

    A idea detrás de GPUL Labs, é aprender tecnoloxías e metodoloxías de desenvolvemento modernas en torno a un proxecto de desenvolvemento en aberto que comezarán dende o principio. Os fíos condutores deste proxecto serán IoT, desenvolvemento web e cloud.

    [Ler máis]
  • Nova edición da Open Source Hardware Demonstration na Coruña

    Publicado por Mancomún
    Martes, 3 de Novembro de 2015
    • Valoración 11
    • Lecturas 552

    Cartel da OSHWDEM 2015Esta fin de semana terá lugar a IV edición da Open Source Hardware Demonstration (OSHWDEM 2015) na Domus. Un ano máis esta feira da tecnoloxía aberta chega da man de Bricolabs.

    A principal novidade deste ano, é a celebración dun concurso de robótica escolar que terá lugar o xoves 5 de novembro durante a mañá. Trátase dunha competición de robots segue liñas para equipos de estudantes de segundo ciclo de ESO e Bacharelato cuxos centros educativos se inscribiran no mesmo antes do 15 de outubro. Esta competición será ademais puntuable para a LNRC (Liga Nacional de Robótica de Competición) na categoría de estudantes.

    As tardes dos xoves e venres estarán adicadas á celebración de obradoiros relacionados co Hardware libre a fin de difundir esta filosofía e achegar o coñecemento a todas as persoas interesadas en plataformas e ferramentas libre, mentres que o sábado comezará ás 10 da mañá a exhibicion propiamente en paralelo con novos obradorios, relatorios e concursos.

    [Ler máis]
  • I Hackaton Solidario "Intro para todos" na aula CeMIT de Padrón

    Publicado por Mancomún
    Martes, 3 de Novembro de 2015
    • Valoración 7
    • Lecturas 748

    Mañá mércores, 4 de novembro, celebrarase na aula CeMIT de Padrón o I Hackatón solidario "Intro para todos" , que ten por obxectivo mellorar a usabilidade e accesibilidade de ordenadores da aula CeMIT, a través dun dobre desafío:

    • Atopar un sistema de autenticación alternativo para os PCs da aula CeMIT, adaptado a persoas con necesidades específicas (persoas maiores, persoas con discapacidade intelectual), con ou sen competencias en lectoescritura.
    • Desenvolver un perfil de escritorio accesible cognitivamente, mediante a presentación en pictogramas, das principais ferramentas e aplicacións utilizadas polas persoas con discapacidade intelectual (PcDI).

    Trátase de dar forma, propor e desenvolver unha ferramenta, baseada en software libre, que permita facer realidade este reto.

    Banner do hackatón

    A convocatoria para participar neste hackatón está aberta a programadores, deseñadores, estudantes, emprendedores e en xeral calquera persoa con interese en colaborar nesta iniciativa solidaria, que poida achegar ideas no seu deseño, definición e/ou desenvolvemento. Aínda é posible apuntarse durante todo o día de hoxe a través da web http://cemitpadron.blogspot.com.es.

    [Ler máis]
  • Unha aplicación web para a análise do comportamento humano en vídeos é a gañadora do premio ao mellor proxecto universitario con licenza libre

    Publicado por Mancomún
    Luns, 26 de Outubro de 2015
    • Valoración 17
    • Lecturas 3383
    • O gañador foi Xoan Iago Suárez Canosa polo proxecto Aplicación web para a análise do comportamento humano en zonas transitadas.
    • O segundo premio foi para Pablo Grela Palleiro polo Sistema de xestión de asociados de CuacFM.
    • O galardón busca o achegamento dos universitarios galegos ao software libre, e a apertura a novas posibilidades de emprego relacionado coas tecnoloxías da información e da comunicación.

    Foto do xurado e os 5 finalistas do premio

    A Axencia para a Modernización Tecnolóxica de Galicia (Amtega) concedeu o venres á tarde o premio ao Mellor Proxecto Fin de Carreira con Licenza Libre 2015 a Xoan Iago Suárez Canosa polo proxecto Aplicación web para a Análise do comportamento humano en zonas transitadas, aplicación que se encarga de detectar a todos aqueles obxectos ou persoas que aparecen nunha secuencia de vídeo, aplicando un algoritmo para medir o “grao de anormalidade” da súa conduta, en base aos movementos que realizan. Este recoñecemento ten unha dotación económica de 1.500 euros achegada polo CIXUG ao abeiro do Convenio de colaboración asinado coa AMTEGA.

    Ademais, concedeuse tamén un segundo premio a Pablo Grela Palleiro polo Sistema de xestión de asociados de CuacFM. Trátase dun sistema de xestión de socios que inclúe pagos a través de paypal, remesas bancarias conforme á norma SEPA, así como en efectivo. Tamén posúe un xestor de actividades tales como formación e programas. Este segundo premio conta cunha dotación económica de 750€ achegados pola Asociación GPUL, colaboradora da iniciativa ao abeiro do convenio de colaboración asinado coa AMTEGA.

    [Ler máis]
  • I Xornada de radio libre en Melide

    Publicado por Mancomún
    Mércores, 21 de Outubro de 2015
    • Valoración 23
    • Lecturas 3361

    Cartel da xornadaEste venres 23 de outubro a partir das 9:00 da mañá terá lugar no IES de Melide, a I Xornada de Radio Libre, organizada pola asociación Melisa.

    A xornada contará con obradoiros e charlas sobre o mundo da radio: como gravar e montar un programa, linguaxe radiofónica, guións, posprodución con Audacity, produción musical con ferramentas libres e licenzas para publicar contidos libres. A xornada estará organizada en sesións de tarde e mañá, e consta dun programa con diferentes actividades para diferentes públicos (tanto xuvenil, como para adultos). A entrada é de carácter gratuíto e de libre acceso ao público en xeral.

    [Ler máis]
  • Dispoñible a nova PicarOS Diego 2015

    Publicado por Mancomún
    Luns, 19 de Outubro de 2015
    • Valoración 41
    • Lecturas 3652

    Carátula de PicarOS 2015GALPon anuncia a nova versión da súa distribución para os máis cativos da casa, PicarOS Diego 2015.

    Segundo se pode ler no anuncio desta nova versión, esta vén cargada de novidades resultado de axuste de detalles, suxestións dos mestres que a están a empregar dende hai varios cursos nas aulas, de corrección de bugs, da incorporación de novos programas ou a modificación dos existentes para adaptarse mellor aos seus destinatarios, etc.

    Entre estas novidades atopamos por exemplo novas aplicacións ofimáticas, como un engadido para LibreOffice que separa as sílabas das palabras por cores, ou un curso completo de mecanografía para Ktouch con 500 leccións.; un programa que le calquera texto seleccionado nunha aplicación; incorporación de novos xogos para todas as idades; actualización dos navegadores de internet e adaptación para o seu funcionamento en webs educativas de uso extendido; novas aplicacións para a aprendizaxe e práctica musical; melloras no sistema para a configuración e rendemento do mesmo; etc

    [Ler máis]
  • A Amtega convoca máis de 500 prazas para as probas de obtención da certificación galega de competencias dixitais en ofimática (CODIX)

    Publicado por Mancomún
    Luns, 19 de Outubro de 2015
    • Valoración 14
    • Lecturas 3510
    • Os exames presenciais celebraranse a finais de novembro nas aulas CeMIT de 44 concellos de toda Galicia
    • O certificado CODIX emitido pola Amtega acredita a formación en materia ofimática da persoa titular ante calquera instancia pública ou privada

    A Axencia para a Modernización Tecnolóxica de Galicia (Amtega) convocou máis de 500 prazas de avaliación para a obtención da certificación galega en competencias dixitais en ofimática (CODIX). A convocatoria está orientada a aquelas persoas que xa posúen os coñecementos necesarios das aplicacións informáticas que compoñen o módulo formativo MF0233_2 «Ofimática» baixo o paquete de LibreOffice ou ben para aquelas que opten pola modalidade de autoformación.

    A convocatoria publicouse no Diario Oficial de Galicia o pasado día 13 cun prazo de inscrición de 7 días naturais dende o seguinte ao da publicación. As persoas que desexen participar nestas probas presenciais deberán inscribirse na páxina web de CeMIT.

    [Ler máis]
  • Obradoiro de edición de textos con Latex na residencia Altamar

    Publicado por Mancomún
    Venres, 16 de Outubro de 2015
    • Valoración 23
    • Lecturas 437

    O sábado 24 de outubro, celebrarase o próximo obradoiro correspondente ao 3º ciclo dos Sábados Libres na Altamar organizado por GALPon, que desta volta adícase á Edición de textos con LaTeX. Coma sempre, terá lugar na Residencia Xuvenil Altamar.

    Banner do obradoiro de LaTeX

    Este obradoiro de introdución a LaTeX estará dirixido por Miguel Cacho, usuario de LaTeX e profesor investigador na Universidade de Vigo. O horario do mesmo será o habitual, de 10.00 a 14.00 e de 16.00 a 18.30 podendo prologarse o remate en función dos contidos.

    [Ler máis]
Axencia para a Modernización Tecnolóxica de Galicia
Galicia