buy viagra australia
how to get cialis no prescription
best prices for cialis 20mg
cialis softtabs
viagra online deals
viagra tablet cutters
canadian viagra sales comparison
viagra tablets usage
overnight cheap viagra
viagra doses
RSS enviar por correo-e Imprimir

Mancomún

  • Coñece a experiencia de empresas galegas usuarias e provedoras de Owncloud

    Publicado por Mancomún
    Venres, 7 de Novembro de 2014
    • Valoración 2.33
    • Lecturas 1038
    • Publicado o artigo de difusión “Solucións empresarias de almacenamento na nube con software libre: owncloud”.
    • Adaptabilidade e privacidade son os aspectos máis valorados tanto polas empresas usuarias, Igenoma e Inprosec, como polos provedores, OpenInnova e Tegnix, entrevistados.

    Hoxe publicamos no portal mancomún o primeiro artigo dunha serie de artigos de difusión tecnolóxica: Solucións empresarias de almacenamento na nube con software libre: owncloud.

    Neste artigo descríbese brevemente esta solución tecnolóxica como alternativa para cubrir as necesidades empresariais no ámbito do almacenamento na nube para presentar despois a experiencia no uso da solución de dúas empresas usuarias, así como a opinión de dous provedores tecnolóxicos expertos nela.

    [Ler máis]
  • Hoxe comeza a III Feira da Tecnoloxía Aberta, a OSHWDEM 2014

    Publicado por Mancomún
    Venres, 7 de Novembro de 2014
    • Valoración 1.67
    • Lecturas 718

    Cartel da OSHWDEM 2014Hoxe comenza na coruña, na Domus a III Feira da Tecnoloxía Aberta, a OSHWDem 2014, organizada por Bricolabs , e que conta coa colaboración da asociación Ghandalf ao abeiro do Convenio de colaboración asinado coa AMTEGA para a difusión do software libre.

    Esta feira contará como nas dúas edicións pasadas cunha serier de obradoiros relacionados co Hardware libre que pretenden difundir esta filosofía e achegar o coñecemento a todas as persoas interesadas en plataformas e ferramentas libres.

    Durante toda a tarde de hoxe haberá obradoiros de acceso libre e gratuíto, aínda que con prazas limitadas, polas características dos obradoiros e as aulas nas que se imparten, polo que é imprescindible inscribirse previamente. Ademais, dado que esta tarde non haberá feira demostrativa, só poderá acceder ao recinto que estea inscrito. Os obradoiros celébranse en paralelo a partir das 16:30 horas, polo que só se poderá asistir a un.

    O sábado 8 de novembro , a partir das 10:00 da mañá comezará a exhibición da OSHWDem nas salas dedicadas da segunda planta e ao mesmo tempo haberá relatorios, competicións e concursos tanto no espazo de exhibición como noutras dependencias do museo.

    [Ler máis]
  • Publicados os gañadores dos premios ao mellor software libre de Portal Programas

    Publicado por Mancomún
    Venres, 31 de Outubro de 2014
    • Valoración 2.33
    • Lecturas 905

    Cartel dos gañadores dos premios PortalProgramas.comDende PortalProgramas anunciaron esta semana a lista de gañadores da VI edición dos premios ao mellor software libre de 2014. Segundo os datos proporcionados pola organización, este ano foron nomeados aos premios un total de 100 programas nas 10 categorías dispoñibles.

    Dende PortalProgramas afirman que como noutros eventos e actos relacionados co software libre, o gañador real é o propio software libre xa que se pon de manifesto o interese desta comunidade e usuarios. Dunha forma ou outra en cada certame o software libre avanza.

    Os gañadores das 10 categorías son:

    [Ler máis]
  • Libreoffice permitirá asinar dixitalmente documentos pdf

    Publicado por Mancomún
    Xoves, 30 de Outubro de 2014
    • Valoración 1.67
    • Lecturas 1070

    Logo de LibreofficeA raíz da pasada Conferencia de LibreOffice, que tivo lugar en Berna a comezos de setembro, xurdiu unha campaña de crowdfunding para desenvolver en LibreOffice a posibilidade de incluír sinaturas dixitais nos documentos PDF.

    O grupo suízo de código aberto Wilhelm Tux mantivo durante a conferencia conversas con desenvolvedores de Libreoffice, e posteriormente contactaron con diferentes organizacións descubrindo que había un alto interese nesta funcionalidade polo que concluíron que a sinatura dixital de documentos PDF era unha demanda real das empresas, administracións públicas e individuos suízos! Así decidiron abrir unha campaña de crowdfunding para recadar fondos que permitiran contratar dito desenvolvemento.

     Efectivamente había moito interese xa que en só tres días superouse o seu obxectivo marcado de 10.000 CHF (uns 8000 euros) o que permitirá engadir soporte para sinaturas dixitais en documentos PDF ao LibreOffice. O proxecto se lle atribúe a Collabora, un provedor de servizos TIC de código aberto, que vai entregar a nova funcionalidade en abril de 2015. Ata agora, 90 organizacións, empresas e individuos contribuíron a esta campaña. Un dos patrocinadores é Swiss Post Solutions, unha división do servizo público de correos suízo.

    Isto demostra unha vez máis unha das grandes vantaxes do software libre; a capacidade de adaptación e mellora ás nosas necesidades. 

    [Ler máis]
  • O galego entre os 10 idiomas do mundo aos que a nova Ubuntu 14.10 está 100% traducida

    Publicado por Mancomún
    Mércores, 29 de Outubro de 2014
    • Valoración 2.4
    • Lecturas 1431

    Fieis ao seu calendario Canonical publicou o pasado 23 de outubro a nova versión da súa distribución GNU/Linux, Ubuntu 14.10, con nome en clave Utopic Unicorn. Trátase dunha versión de mantemento que terá un período de vixencia de 9 nove meses, a partir deste mes.

    Segundo informan dende a OSL do CIXUG, esta nova versión volve estar dispoñible integramente en galego, grazas unha vez máis á comunidade de tradución ao galego de Ubuntu.

    Estatísticas de tradución de Ubuntu 14.10 

    Esta comunidade, na que segundo se pode ver na súa páxina web participan actualmente 14 voluntarios, é quen de manter a adaptación de Ubuntu á nosa lingua local nun altísimo nivel. Así sitúan ao galego entre os únicos 10 idiomas do mundo que acadan o 100%, por riba de linguas coma o chinés e xunto ao alemán, ao español ou ao portugués cunhas comunidades de usuarios e colaboradores moito máis numerosas, polo que só cabe dicir que o equipo galego suple cantidade con calidade e esforzo.

    Cómpre lembrar que moito do traballo de tradución preciso para dispoñer de Ubuntu en galego é herdado dos proxectos orixe que integran este sistema operativo como por exemplo o escritorio GNOME, o navegador Firefox ou a Suite ofimática LibreOffice, entre outros moitos, todos eles agrupados baixo o proxecto Trasno.

    [Ler máis]
  • Sangue novo e apoio institucional, demandas da comunidade de tradución de software libre

    Publicado por Mancomún
    Martes, 28 de Outubro de 2014
    • Valoración 3
    • Lecturas 881
    • Dúas das principais demandas recollidas nas conclusións do I Encontro Ibérico de Tradutores de Software Libre a Linguas Minorizadas son a necesidade de maior apoio institucional e o relevo xeracional.
    • A dispoñibilidade de software libre na nosa lingua non é algo que se obtén maxicamente, é froito do traballo e esforzo altruísta de pequenos grupos de voluntarios.
    • O asentamento terminolóxico é un dos aspectos no que as autoridades lingüísticas poden contribuír coas comunidades de tradución de software libre.

    Banner do Encontro Ibérico de tradutores de software libre

    Como informamos no seu día, a fin de semana do 4-5 de outubro celebrouse na cidade de Santiago de Compostela o I Encontro Ibérico de Tradutores de Software Libre a Linguas Minorizadas. Durante dous días os grupos de voluntarios que fan posible que Firefox, Libreoffice, Ubuntu e moitos máis aplicativos estean dispoñibles en Asturiano, Aragonés, Catalán, Galego e Eusquera debateron e traballaron conxuntamente para por en común os seus métodos de traballo e fortalezas a fin de detectar posibles sinerxías e tamén as súas problemáticas para detectar problemas comúns que poidan resolver colectivamente de forma máis eficaz.

    Uns días despois de rematado o encontro, publicaron as conclusións do mesmo nun documento conxunto, que pode consultarse no web deste I Encontro Ibérico de Tradutores de Software Libre a Linguas Minorizadas. A continuación recollemos as principais demandas e conclusións, recomendando en calquera caso unha lectura íntegra do documento orixinal.

    Sangue novo e relevo xeracional

    A maioría dos tradutores teñen arredor de 10 anos de traballo voluntario detrás e teñen certa inquedanza ao ver que non hai un fluxo de xente nova que poida dar relevo aos voluntarios que por cansazo, enfermidade, motivos laborais, persoais ou familiares, precisen minorar o tempo adicado a ou mesmo ceder completamente as súas responsabilidades por falta de tempo. É importante resaltar que esta labor é voluntaria e totalmente altruísta, desenvolvida principalmente roubando tempo ao seu lecer ou mesmo á súa familia, cuestións que normalmente é complexo manter de forma continuada no tempo.

    [Ler máis]
  • Xornada informativa sobre a aceleradora de proxectos Finodex

    Publicado por Mancomún
    Luns, 27 de Outubro de 2014
    • Valoración 1.67
    • Lecturas 808

    Logo de FinodexEste mércores 29 de outubro, de 9:00 a 14:00 horas, celebrarase a primeira xornada informativa sobre a aceleradora de proxectos Finodex, organizada por AGASOL en colaboración con ASOLIF no Centro de Novas Tecnoloxias de Galicia de Santiago de Compostela.

    Durante esta xornada presentarase que é Finodex e as condicións da primeira convocatoria de financiamento de proxectos innovadores. De forma moi resumida Finodex ten como obxectivo a xestión dun fondo de 4,64 millóns de euros destinados ao apoio de pemes e persoas emprendedoras con ideas de proxectos relacionados con aplicacións, produtos e servizos de datos abertos empregando a plataforma aberta FIWARE.

    Esta xornada en definitiva tratará de achegar ás pemes e persoas asistentes a información sobre como poder presentar os seus proxectos e ideas innovadoras a esta convocatoria e acadar así o apoio económico que precisan para sacalo adiante.

    [Ler máis]
  • Nova versión de GALPon MiniNo PicarOS

    Publicado por Mancomún
    Luns, 27 de Outubro de 2014
    • Valoración 3
    • Lecturas 829

    Logo de PicarosSe a comezos do pasado mes de setembro informabamos da publicación da nova versión de MiniNo Ártabros con numerosas novidades, desta volta a protagonista é MiniNo Picaros, a adaptación para os máis cativos da casa. Así a comezos deste mes de outubro, o equipo de desenvolvemento de MiniNo anunciaba a nova versión MiniNo Picaros Diego 2014.

    Apenas 15 días despois do lanzamento, segundo a información facilitada polos desenvolvedores, xa levan máis de 2.000 descargas.

    Entre as novidades desta nova Picaros, o equipo informa que traballaron a prol de facerlle a vida un chisco máis cómoda aos mestres e mestras de Primaria ademais de axustar os programas a este nivel educativo e preparalos para o uso na aula ou na casa.

    Destacar por exemplo a inclusión de numerosas utilidades e aplicativos para o uso dos Encerados Dixitais Interactivos, inclusión de novos xogos para os máis pequenos, inclusión de aplicativos para facilitar a lectura de nenos con problemas de dislexia, novos programas específicos para as áreas de música ou inglés, etc a maior parte deles a petición de mestres que veñen empregando xa esta distribución nas súas aulas e comunican as súas necesidades e desexos aos desenvolvedores.

    [Ler máis]
  • Hoxe comezan as VI Xornadas hispanas do software estatístico R

    Publicado por Mancomún
    Xoves, 23 de Outubro de 2014
    • Valoración 2
    • Lecturas 673

    Esta mañá comezaron as VI Xornadas hispanas de usuarios do Software Estatístico R, organizadas pola Asociación Melisa, e que durante dous días acollerán a máis de 160 persoas nas instalacións do Centro de Novas Tecnoloxías de Santiago de Compostela.

    Ademais do público asistente, outras 100 persoas máis estaban inscritas para seguir as xornadas en remoto grazas á que están a ser retransmitidas en directo por streaming.

    Foto da mesa de inauguración das Xornadas

    A inauguración das xornadas correu a cargo de Rafael Rodríguez, presidente de Melisa, Miguel Ángel Rodríguez Muíños, Asociación R-Hispano, Juan Víctor Rodríguez Arós representante da AMTEGA e Alfonso Blasco Director do CNTG.

    Todos eles destacaron a alta participación de público nestas xornadas, mostra da gran comunidade que existe en torno a este software estatístico e á perfecta simbiose que semella existir no eido da investigación co software libre en xeral e a linguaxe R en particular.

    [Ler máis]
  • Hacklab de impresión 3D na Coruña

    Publicado por Mancomún
    Xoves, 23 de Outubro de 2014
    • Valoración 2.14
    • Lecturas 765

    Esta tarde, a partir das 16:30 horas, GPUL desenvolve un HackLab de impresión 3D na Aula 2.0b da Facultade de Informática da Coruña.

    Cartel do hacklab de impresión 3DEn GPUL son conscientes de que o mundo do hardware libre está a ter unha gran evolución, estando cada día máis presente na nosa sociedade. Un bo exemplo desta evolución e presencia na sociedade son as impresoras 3d que podemos ver a miúdo nos xornais e nos medios de comunicación.

    GPUL, non quere quedar atrás neste mundo e inicia a súa andaina con este HackLab, que se organizará en múltiples sesións, onde o obxectivo é rematar montando unha impresora 3D, partindo da información dispoñible no proxecto Clone Wars onde documentan como crear a nosa propia impresora 3D.

    [Ler máis]
Sindicación RSS Sindicación RSS: Novas