Fai un tempo xa que Nokia prometerá que ía liberar Symbian. Isto xa empeza a ser unha realidade xa que como se indica dende o blog de Symbian, o núcleo do sistema operativo Symbian, Epling, foi liberado baixo a licenza EPL.

Está é unha proba do compromiso de Nokia coa comunidade do software libre. Ademais agora Symbian ten integrado un kit de probas, para axudar aos usuarios a iniciarse nel, e así poder axudar a desenvolver esta plataforma e os controladores.

Con esta medida, Nokia quere darlle a posibilidade á comunidade de poder adaptar Symbian a todo tipo de dispositivos, como por exemplo os computadores portátiles. E deste xeito non limitar o seu uso ao eido da telefonía móbil.