- Inicio >
- Actualidade > Detalle de nova
Enviando o seu voto...
Curso gratuíto sobre OpenLayers orgnizado por XeoInquedos
Este venres 20 de maio celebrarase un curso de introdución a Openlayers, tecnoloxía para o desenvolvemento de visores de mapas na web con tecnoloxías JavaScript. O curso é de carácter gratuíto na ETS Enxeñeiros de Caminos, Canales e Portos a partir de las 16:00.
O curso está organizado polo grupo Xeoinquedos, que xorde en Galicia a raíz dun movemento de ámbito estatal denominado Geoinquietos que trata de aglutinar a nivel local a todas as persoas interesadas na temática xeomática, SIG. Esta actividade está incluída dentro das reunións que o grupo organiza habitualmente para compartir coñecementos, experiencias e un rato agradable.
O obxectivo do curso é realizar unha pequena introdución á creación dun visor de mapas web utilizando o estándar de facto: OpenLayers.O seminario terá un enfoque informal e práctico sendo moi benvida a participación por parte dos asistentes.
Os docentes serán Gracia Fernández López e Xurxo Méndez Pérez, que forman parte do equipo de GIS do Grupo de Arquitectura de Computadores da UDC e conta coa colaboración de Cartolab, que recentemente foi convidado a ser membro de honra da Asociación gvSIG, organismo que ten como obxectivo a sustentabilidade do proxecto gvSIG e o desenvolvemento da Xeomática Libre.
O temario do seminario é o seguinte:
- Introdución: breve explicación de OpenLayers, en que consiste e principais conceptos necesarios para o resto do seminario. Realizarase un exemplo básico: Hola Mundo (creación dun mapa cunha capa WMS)
- Manexo de capas: detallarase como incluír algunhas das capas máis usadas dentro das definidas en OpenLayers.
- Inclusión de Capas de Google
- Inclusión de Capas de OpenStreetMap
- Inclusión de Capas de Bing
- Inclusión de Capas WFS
- Controis: breve explicación das opcións de interacción co visor.
- Controis de visualización.
- Controis de edición.
- Definindo o noso propio control.
- Interacción co servidor a través dos estándares do OGC: detallarase a través de dous exemplos como se pode obter información do servidor de mapas mediante protocolos estándares.
- WMS GetFeatureInfo.
- WFS GetFeature.
Requisitos: coñecementos básicos en programación e en sistemas de información xeográfica. Será preciso que os asistentes leven un equipo cun servidor web configurado e instalado para a realización do curso.
O curso é gratuíto e os interesados só precisan inscribirse cubrindo o formulario de inscrición.
Sindicación RSS: