A extensión OpenOffice.org2GoogleDocs permíteche importar os teus documentos e follas de cálculo desde Google Docs a OpenOffice.org e viceversa, de maneira que podes traballar cos teus documentos independentemente de se estás conectado a Internet.

Pode sincronizar os seguintes tipos de ficheiros:

• Documentos de texto: OpenDocument text (.odt), StarOffice (.sxw), Microsoft Word (.doc, pero non MS XML) e formato de texto enriquecido (.rtf)
• Follas de cálculo:OpenDocument Spreadsheet (.ods), Microsoft Excel (.xls), e ficheiros separados por comas (.csv)
• Presentacións de Microsoft PowerPoint (.ppt, .pps)

Con esta aplicación terás sempre os teus documentos dispoñibles ademais de poder usala para facer unha copia de seguridade dos teus documentos en Internet.

A extensión é Software Libre e funciona en calquera sistema operativo onde teñas instalado o OpenOffice.org co único requisito de ter instalado Java 6...