- Inicio >
- Actualidade > Detalle de nova
Enviando o seu voto...
A Libre Software World Conference celébrase o 27 de outubro en Málaga
Hai unhas semanas dabamos conta da inesperada cancelación da Open Source World Conference prevista para os días 27 e 28 de outubro en Málaga, organizada polos gobernos rexionais da Junta de Andalucía e a Junta de Extremadura, e tamén da rápida reacción do sector empresarial para recoller a testemuña deixada pola administración.
Logo de dúas semanas de intenso traballo o sector do Software Libre de España demostra a súa madurez en Málaga organizando a Libre Software World Conference. O evento é patrocinado e organizado integramente polas empresas e asociacións membros de ASOLIF, Andalibre e o Concello de Málaga.
O xoves 27 de outubro, no Palacio de Congresos de Málaga, as empresas de ASOLIF, entidades públicas e privadas e grandes empresas de toda a xeografía española exporán a súa mellor oferta de software libre ás empresas, profesionais e usuarios interesados na rama da informática de maior crecemento actualmente en todo o mundo.
A completa axenda desta Conferencia estrutúrase en torno a mesas de debate, demostracións de produtos, relatorios e presentacións e conta con participación galega.
Así a empresa galega Igalia participará co relatorio “NavalPlan: Unha nova aplicación web de planificación” e tamén realizará unha demostración do produto. NavalPlan é un aplicativo desenvolvido co financiamento da Xunta de Galicia para mellorar a xestión da produción das empresas do sector auxiliar do Naval Galego. Está deseñado para dar resposta ás necesidades específicas de ditas empresas e a complexidade organizativa e de integración que presentan os procesos produtivos do sector naval.
Por outra parte a asociación Ghandalf , presentará o relatorio “Localización e tradución de documentación de alto nivel no que presentarán a metodoloxía de traballo que desenvolveron e puxeron en práctica para a tradución ao galego do libro Producing Open Source Software.
É de salientar a participación galega tamén na organización do evento, coa representación de Roberto Brenlla da empresa Tegnix, no comité de selección de contidos así como no desenvolvemento de contidos.
O programa completo inclúe:
Mesas de debate (Sala 1):
- Turismo en Software Libre
- Peritaxes e seguridade informática
- Liberación de produtos software
- Migracións a Software Libre en pequenas e medianas entidades
- Software Libre e Universidade
- Aplicacións Libres para Administracións Locais. Guía ALIAL. ASOLIF
Demostracións de produtos (Sala 2):
- Open Health Assstant, Ándago
- Sinadura, Irontec
- CoFleet, Emergya
- Steamshow e Academia Linux, Linux New Media
- Athento: Gestión Documental Inteligente, Yerbabuena Software
- Ximdex 3.0, Ximdex
- Liferay, Virtua
- eBox Platform, eBox Technologies
- Plone 4, CodeSyntax
- AbanQ ERP, AbanQ G2
- OpenERP, OPENTIA
- NavalPlan, Igalia
- OpenTPV, Open Sistemas
- Xiraxi, Fotón Sistemas Inteligentes
Relatorios (Sala 3):
- Mesa: "Comunidades e desenvolvemento industrial en España: un binomio necesario"
- Mesa: "Solucións web avanzadas"
- NavalPlan: Unha nova aplicación web de planificación
- Zentyal en Diputacións Provinciais: Diputación de Sevilla - Zentyal
- Localización e tradución de documentación de alto nivel: Ghandalf
- Tel Directory Creator
- Gestión Semántica de Contenidos con Ximdex
- "LinEx 2010: software libre sen complicacións": Junta de Extremadura
- KDE: o escritorio empresarial elegante: KDE España
- Desenvolvemento Colaborativo para Grandes Proxectos Empresariais
- Software Libre para a saúde
Presentacións (Sala 4):
- Yerbabuena Software
- D.I.M.S.,S.L.
- Correo e alternativas
- Competindo contra xigantes: Zentyal vs Windows SBS. IMPRO/eBox
- Presentación de proxectos de referencia: OPENTIA
- LibreGeoSocial: Realidade Aumentada en Android para Turismo: LibreSoft
- Yaco
- Acreditacións de Calidade en Software Libre: CESLCAM
- OpenOffice.org: Oracle
- Presentación Patronal AsturLibre
- Proxecto Tresnaola: Patronal ESLE
- CRF, Centro de Referencia de Formación ASOLIF
- Proxecto Andalibre: Patronal Andalibre
- Comunidade de Software Libre Morfeo: Telefónica I+D
Para obter máis información recoméndase consultar a web da Libre Software World Conference.
Fonte: Nota de prensa
Sindicación RSS: