Produtos
Anterior
  • GIMP

    GIMP (GNU Image Manipulation Program) é un programa para a edición de gráficos bitmap empregado habitualmente para retoque fotográfico, composición ou creación de imaxes....

    Máis información
  • Pidgin

    Pidgin é un cliente de mensaxería instantánea multiprotocolo, o que quere dicir que funciona cos protocolos de mensaxería máis comunmente usados, incluíndo: Yahoo! Messenger, MSN Mes...

    Máis información
  • Thunderbird

    O Mozilla Thunderbird é un cliente de correo libre desenvolvido dentro do proxecto Mozilla.org. Inclúe lector de RSS, cliente de Usenet e filtro antispam, entre outras moitas ferramenta...

    Máis información
  • GONG

    GONG (Gestión para ONGs) é un aplicativo para a xestión de ONGs de cooperación, é dicir, enfocada para ONGDs ( "D" de desenvolvemento)....

    Máis información
  • Firefox

    O Mozilla Firefox é un navegador web gratuíto, multiplataforma e de código aberto.Xa está dispoñíbel en Galego. Firefox 3 é máis rápido, seguro e lixeiro ca nunca. Con máis de 15 000 ...

    Máis información
Anterior

  • Axudámosche
  • Para a comunidade
  • Empresas
  • A asociación Xeopesca ven de realizar diversas actividades de difusión durante o mes de Agosto

    Publicado por Mancomún
    Martes, 1 de Setembro de 2015
    • Valoración -
    • Lecturas 57
    • A Asociación Xeopesca presentou a súa solución de Software Libre para a explotacion de información pesqueira.
    • Desenvolveronse actividades nas vilas mariñeiras de Moaña, Bueu e Combarro.

    Durante o mes de agosto a asociación Xeopesca realizou diferentes presentacións da aplicación xeoPesca e das vantaxes que aporta o software libre nun sector estratéxico como a pesca. Logo Asociación Xeopesca

    Estas actividades de difusion tiveron lugar nas vilas de Moaña, Bueu e Combarro (Poio), e contaron coa colaboración da Asociación Cultura e Recreativa Sueste, a Asociación os Galos e o Concello de Poio nas súas festas do mar. O numero total de asistentes que se interesaron polo proxecto foi de máis de 50 persoas.

    [Ler máis]
  • A asociación de usuarios de software libre MELISA porá en marcha un aula virtual no Centro Penitenciario de A Lama

    Publicado por Mancomún
    Venres, 14 de Agosto de 2015
    • Valoración -
    • Lecturas 448
    • Trátase dun proxecto piloto pioneiro en España, para poder ofrecer cursos en liña aos internos desde os propios servidores do centro.
    • Ademais, realizarase unha definición dunha nova tipoloxía de rede e unha reconfiguración da infraestrutura informática do centro empregando solucións libres, como GALPon MiniNo.

    Logo de melisa

    A Asociación de Usuarios de Software Libre da Terra de Melide (MeLiSA) porá en marcha en setembro un proxecto piloto para dotar ao centro penitenciario de A Lama dun servidor onde poder instalar unha aula virtual para ofrecer teleformación aos internos.

    Trátase dunha iniciativa pioneira en España, que permitirá que os reclusos de todos os módulos do centro penitenciario poidan ter acceso a cursos de formación en liña dende as respectivas aulas informáticas de cada módulo, que se conectarán co servidor interno no que estará albergado un servidor Moodle con distintos cursos de teleformación de introdución ao uso de novas tecnoloxías baseadas fundamentalmente en software libre. Dado que as aulas informáticas dos distintos módulos do centro penitenciario non teñen acceso externo a Internet, este proxecto piloto permitirá incrementar a oferta formativa para os reclusos a un custe baixo.

    Esta iniciativa é froito da colaboración da colaboración da Asociación Melisa co Programa de Voluntariado Dixital da Xunta de Galicia, e forma parte das actividades que esta asociación realiza ao abeiro do convenio de colaboración coa Axencia para a Modernización Tecnolóxica de Galicia (AMTEGA) no marco do Plan de Acción de Software Libre da Xunta de Galicia.

    [Ler máis]
  • A Coruña acolleu a presentación internacional dun novo sistema operativo móbil, Plasma Mobile de KDE

    Publicado por Mancomún
    Luns, 27 de Xullo de 2015
    • Valoración 5
    • Lecturas 791
    • A presentación tivo lugar o pasado sábado 25 durante a conferencia Akademy 2015 que se está a celebrar na Coruña, reunindo a máis de 200 expertos en Software Libre de todo o mundo
    • A asociación galega GPUL en colaboración con KDE e.V. , a Universidade da Coruña, a AMTEGA, e co apoio de numerosos patrocinadores, organizan o evento anual máis importante da comunidade KDE, e un dos máis importantes dentro do mundo do software libre.

    Imaxe de Plasma MobileA asociación GPUL e KDE e.V., en colaboración coa Universidade da Coruña, están organizando na Coruña (Facultade de Informática, Campus de Elviña) desde o pasado xoves 23 de xullo de 2015 e ata o 31 de xullo, a Akademy 2015, o evento anual máis importante para o desenvolvemento do Proxecto de Software Libre KDE.

    Este evento conta tamén co apoio da Axencia para a Modernización Tecnolóxica de Galicia (Amtega) grazas ao Convenio de colaboración para o fomento e difusión do Software Libre en Galicia asinado coas Asociacións de Usuarios de Software Libre de Galicia, entre as que se encontra GPUL.

    Un novo sistema operativo móvil

    O anuncio máis importante producido ata a data no evento é a presentación a nivel internacional dun novo sistema operativo móbil, desenvolvido por KDE, chamado Plasma Mobile, que será un novo competidor no mercado actual, dominado case na súa totalidade por Android e Apple.

    [Ler máis]
  • O vindeiro xoves 23 comeza a Akademy na Coruña

    Publicado por Macnomún
    Venres, 17 de Xullo de 2015
    • Valoración 1
    • Lecturas 851

    Como xa anunciamos no seu día, a Akademy 2015, a reunión anual da comunidade internacional de desenvolvedores e usuarios do contorno de escritorio KDE, vaise celebrar na cidade de A Coruña entre o 25 e o 31 de Xullo. Ademais, os días previos, o 23 e 24 de Xullo celebrarase a Akademy-es que é a reunión anual da comunidade de KDE en España.

    Banner de promoción da Akademy 2015 na CoruñaAsí pois, se no 2012 foi GNOME quen tomou sabor galego, este ano será a quenda de KDE, reuníndose na Facultade de Informática de A Coruña dende o vindeiro xoves os principais desenvolvedores deste contorno de escritorio, que traballarán e debaterán sobre o futuro do mesmo.

    [Ler máis]

En profundidade

Solucións de planificación e xestión dos recursos empresarias (ERP) con Software Libre: Odoo/OpenERP Máis información

Repositorio Documental FLOSS

Consulta a documentación no wiki de Mancomún

Máis información