É un proceso no que xa levan tempo, e que teñen como obxectivo rematar a finais de 2008. O Ayuntamiento de Zaragoza estima aforrar entre 800.000 e 1.000.000 de euros.

Esta migración, que se fará en colaboración con Novell, requirirá unha inversión inicial e única de cerca de 700.000 euros para a formación dos traballadores do concello e para a migración ao Software Libre.

Este proceso realizarase en dúas fases. A primeira será a renovación das aplicacións ofimáticas, procesador de textos, folla de cálculo, correo electrónico, ... O concello elixiu as solucións de OpenOffice neste apartado. E a segunda será a migración do sistema operativo.

Asemade, a modernización non suporá graves problemas xa que a interface dos programas informáticos cos que se traballará no concello son similares aos empregados ata agora e son compatibles con case calquera aplicación. Un dos compromisos de Belloch foi o de impulsar o Software Libre ao considerar que é unha tendencia mundial, e que responde ás recomendacións da Administración General del Estado e da Unión Europea.

O Ministerio de Administraciones Públicas, na súa proposta sobre o uso do Software Libre, resalta ca instalación de Linux afecta directamente á libertade de elección, á protección da inversión, á mellor relación custe/rendemento e á garantía de comunicación e interoperabilidade.

O gabinete de prensa e a oficina de relacións co cidadán xa están empregando OpenOffice, e os seguintes en facelo serán os funcionarios do rexistro municipal. Nos próximos dous meses comezará a formación con cursos para solucionar calquera problema de manexo ou comprensión.

Fonte: Libro Blanco  

---

Artigos relacionados

• O Concello de Santiago deseña un plan director para a migración do seu sistema informático a SwL
• Marcelo Branco: "Sempre que possamos explicar que é o SwL teremos éxito na súa difusão"
• Nova versión do xestor de contidos SPIP
• Curso de Impress no concello de Riotorto
• Comeza un curso de procesador de textos Writer no concello de Pontevedra