O Vicerreitorado de Calidade e Harmonización Europea convoca tres contratos de traballo de persoal informático para o desenvolvemento do convenio de colaboración entre a Consellería de Innovación e Industria e a Universidade da Coruña para a realización e mantemento dunha plataforma axeitada para o desenvolvemento de proxectos colaborativos de Software Libre, así como a dinamización, investigación e soporte técnico dos correspondentes proxectos baixo a supervisión da Oficina de Sóftware Libre da UDC...

O obxecto desta convocatoria e a contratación laboral de tres persoas que, baixo a supervisión da Oficina de Software Libre da UDC, faranse cargo do desenvolvemento, instalación e mantemento dunha forxa (espazo web) de software integrada en www.mancomun.org, na que se integrarán subsistemas de control de versións e revisión, listas de correo, foros de discusión, xestión de erros, e unha plataforma de traballo en grupo entre outras para a dinamización dos proxectos de localización ou creación de software, manuais e documentación en galego.

 

Máis información no prego de condicións desta convocatoria na seguinte ligazón: Prego de condicións de contración de persoal para a forxa de mancomun.org