O libro de Jordi Màs Software Libre: tecnicamente viábel, economicamente sostíbel  e socialmente xusto  está á vosa disposición na sección de descargas en formato PDF. O libro  supón unha excelente aproximación ao Software Libre e ao seu contexto para os non iniciados ademais dun gran alegato en favor desta opción tecnolóxica.

 

Jordi Màs é coordinador de Softcatalá , asociación que fomenta o uso de software en catalán e do Software Libre, e traballou con importantes empresas coma experto en tecnoloxías abertas. O libro ten un afán divulgativo e repasa todos os aspectos que rodean ao código aberto coma a súa orixe histórica, cuestións xurídicas e políticas, os diferentes tipos de licenzas existentes, proxectos libres que se están a desenvolver, etc...