Acabamos de subir os ficheiros PO para a tradución do Firefox 2.0 ao galego na aplicación Entrans. A partir de agora todos os usuarios rexistrados do Entrans de mancomun.org poderán colaborar tamén na tradución do navegador Firefox ao galego.

A tradución está parcialmente feita (67,2%) xa que foi importada da tradución ao galego de Jacobo Tarrío para a versión 1.5.x do Firefox.

Esperemos que esta nova iniciativa teña tan boa acollida como a da tradución da interface do OpenOffice 2.0.4.

Tamén recordar que acabamos de subir a guía de estilo de mancomun.org, e que é necesario ler a guía para manter a coherencia nas traducións que se realicen. 

---

Artigos relacionados

• O xestor de contidos XOOPS xa dispoñíbel en galego
• BBpress traducido ao galego
• Liberada nova versión do navegador social Flock
• Liberado material do relatorio "Tradución de aplicativos con Software Libre"
• Nova versión do xestor de contidos SPIP