Abertal é unha empresa de desenvolvemento de aplicacións web e de escritorio, que cede parte do tempo dos seus traballadores para desenvolver proxectos de Software Libre coma parte dos seus esforzos de Investigación, desenvolvemento e innovación. A maioria dos proxectos levados a cabo por Abertal fan uso exclusivamente de Software Libre na súa implementación.

O último software liberado pola empresa, como parte dos seus esforzos de investigación e desenvolvemento, é a libraría Libcolorcombinate e mailo programa ColorCombinate feito con esta libraría. A empresa tamén cede parte do tempo de traballo dos seus operarios, para o desenvolvemento doutros programas libres, coma o Cssed http://cssed.sourceforge.net, incluído en distribucións tan coñecidas coma Gentoo, Debian, Ubuntu, Suse, Archlinux, etc ... Os casos de éxito dos desenvolvementos baseados en Software Libre que foron realizados para terceiros por Abertal, comprenden mais de 200 proxectos.

---