Levo xa varias semanas coa 9.04 instalada co formato ext4, instalei de cero no disco duro que teño co sistema, no outro que segue en ext3 úsoo de almacen de música, pelis, documentos, etc.

A verdade é que arranca moito máis rápido que calquera outra versión pero ata aí o bo, porque me saen de cando en vez algúns problemas:
- Colgouse o pc dous ou tres veces ao navegar por internet, nunca vira isto antes -bo en windows-.
- Ao arrancar ás veces non recoñece o monitor e carga outra resolución, despois de reiniciar unha ou dúas veces ponse ben.
- Algunhas veces ao apagar sáeme unha ventá de aviso dicindo que hai unha aplicación que teño parar para apagar...

Bo estou un pouco intrigado por estas cousas, porque aínda que non son moi frecuentes nunca antes me pasaran, a ver se sabes algo destas cousas.

Chao

Ola diego:

necesitabamos un pouco máis de información sobre os problemas que estás a ter:

-Que navegador estás a usar?? Entendemos que Firefox.. Podes estar a empregar algunha extensión que consuma demasiados recursos e que sexa incompatíbel con algunha páxina web???
Por exemplo, a extensión firebug sábese que ralentiza bastante o navegador ao entrar en determinadas páxinas web..
-O da resolución da pantalla: que tarxeta gráfica tes, que monitor tes? Polo que vimos, parece que hai problemas de detección de resolución con drivers para Nvidia que fornece Ubuntu.. igual pode ir por ahí o teu problema..
-Sobre este problema é a primeira vez que oio/leo que Gnome indica algo sobre rematar programas cando premes en apagar o computador.. sinceramente, descoñeciamos isto..

Outro sitio onde poder preguntar é nos foros en galego de Ubuntu. Isto é, no "LocoTeam" (comunidade local de galego de Ubuntu) galego:

https://wiki.ubuntu.com/GalicianTeam

http://ubuntuforums.org/forumdisplay.php?f=356

Saúdos.

Bos días!

Oxe acábome de descargar o Galinux 9.04 e cando lle dou a saír ou a outro parecido me aparece You will be logged out in 60 seconds e cando me meto nunha páxina web como hotmail me aparece tamén en inglés, tamén teño a axuda en inglés e oitras cousas máis, non hai ningunha maneira de poñelo en galego ou español? Non o podo traducir eu para realizar os cambios no meu computador? Uso firefox.

Boas Fran,

A páxina de hotmail non está traducida ao galego. E, para vela en castelán terás que engadir o idioma "Español" á lista de "idiomas para visualizar páxinas". Cóntoche como:
- Pincha no menú "Editar -> preferencias"
- Vai a "Contido", e en idiomas, preme en "Escoller".
- Debaixo da lista de "Idiomas en orde de preferencia" , dálle a "Seleccione un idioma para engadilo", e busca o Español de España (por exemplo).
- Para que a páxina de hotmail.com apareza en castelán, este debe estar de primeiro na lista, así que terías que darlle a "subir", de lado da lista de idiomas.

Dos erros na tradución da aplicación de "cerrar", "apagar", "cambiar de usuario"... Esta ferramenta foi introducida en ubuntu nesta última versión, e tradúcese mediante Launchpad. Sería unha gran idea darte de alta en Launchpad, e dirixíreste ás ligazóns que podes ver máis arriba neste fío para entrares en contacto coa comunidade, e ver como podes botar unha man para traducir.

Un saúdo,