RSS enviar por correo-e Imprimir

Xornadas

  • Obradoiro de edición de textos con Latex na residencia Altamar

    Publicado por Mancomún
    Venres, 16 de Outubro de 2015
    • Valoración 22
    • Lecturas 436

    O sábado 24 de outubro, celebrarase o próximo obradoiro correspondente ao 3º ciclo dos Sábados Libres na Altamar organizado por GALPon, que desta volta adícase á Edición de textos con LaTeX. Coma sempre, terá lugar na Residencia Xuvenil Altamar.

    Banner do obradoiro de LaTeX

    Este obradoiro de introdución a LaTeX estará dirixido por Miguel Cacho, usuario de LaTeX e profesor investigador na Universidade de Vigo. O horario do mesmo será o habitual, de 10.00 a 14.00 e de 16.00 a 18.30 podendo prologarse o remate en función dos contidos.

    [Ler máis]
  • Nova Mapping party de OpenStreeMap

    Publicado por Mancomún
    Venres, 16 de Outubro de 2015
    • Valoración 11
    • Lecturas 380

    Esta tarde celébrase na Facultade de Informática da Coruña a festa das festas, a Mapping Party FIC’15. Conta cun dobre obxectivo, por un lado descubrir OpenStreetMap e por outro divertirse mentres se contribúe a aumentar os datos xeográficos con licenza libre.

    Cartel da party

    Este obradoiro estará organizado polas asociacións de software libre Xeopesca e GPUL e conta coa colaboración da Facultade de Informática da Coruña e da Amtega.

    [Ler máis]
  • A Compostela maker faire este sábado en Área Central

    Publicado por Mancomún
    Xoves, 15 de Outubro de 2015
    • Valoración 37
    • Lecturas 3230

    Cartel da maker faireEste sábado 17 de outubro terá lugar a Compostela Mini Maker Faire, a primeira feira Maker Faire da historia de Galicia. Celebrarase en Área Central de 10 am a 9 pm.

    Trátase dunha feira de inventores e creadores, dun escaparate da creatividade e do enxeño e un lugar para compartir coñecemento e divertirse ao tempo. Este movemento baséase na cultura do “Do It Yourself” e na aplicación dos principios do software libre á fabricación, como o intercambio de coñecementos e información que se xera nestas comunidades de profesionais.

    Arduino, Impresoras 3D, Open Structures, Open Source Ecology… son só unha mostra das ferramentas que se usan.

    [Ler máis]
  • Xornada de boas prácticas con Software Libre nas ONGs e entidades de acción social

    Publicado por Mancomún
    Xoves, 15 de Outubro de 2015
    • Valoración 22
    • Lecturas 338
    • Mostraranse casos de éxito do uso de Software Libre en entidades do terceiro sector como a Coordinadora Galega de ONGD, CUAC FM ou Enxeñaría sen Fronteiras
    • A Xornada, organizada pola Amtega, celebrarase no Edificio CINC na Cidade da Cultura, o vindeiro xoves, 22 de outubro, a partir das 16.30
    • A asistencia é de balde, previa inscrición na web da xornada http://www.mancomun.org/xornadaterceirosector/
    • Os relatorios poderán seguirse co hashtag #softlibreONG

    Cartel da xornadaA Axencia para a Modernización Tecnolóxica de Galicia (Amtega) celebra a tarde do 22 de outubro a “I Xornada de boas prácticas con Software Libre nas ONGs e Entidades de Acción Social”. O Edificio CINC da Cidade da Cultura acollerá relatorios sobre experiencias de implantación de Software Libre en diferentes entidades asociativas e sociais así como exemplos de uso de ferramentas de Software Libre no ámbito da cooperación e inclusión social.

    A xornada desenvolveranse en horario de 16.30 a 20.30 como peche do ciclo formativo de Software Libre para o terceiro sector no marco das actividades do Programa de Voluntariado Dixital e do Plan de Software Libre 2015 da Amtega.

    Trátase dunha xornada de intercambio de experiencias na que se contará tanto coa visión técnica de profesionais TIC, como coa visión de usuario final das propias entidades.

    O programa do evento atópase dispoñible na páxina web da xornada.

    [Ler máis]
  • A vindeira semana Galicia será novamente referente das tecnoloxías abertas e negocio: LibreCon 2015

    Publicado por Mancomún
    Mércores, 14 de Outubro de 2015
    • Valoración 19
    • Lecturas 3323
    • Os días 29 e 30 de outubro, a Cidade da Cultura acollerá a quinta edición da LibreCon
    • Coñeceremos de primeira man algúns casos de éxito sobre o automóbil conectado e o “Internet das Cousas”, máis relevantes do panorama internacional
    • Por primeira vez, a LibreCon contará cun espazo adicado aos máis pequenos da familia, coa sección LibreKids
    • A asistencia é totalmente gratuíta previo rexistro: Registro LibreCon

    Banner da LibreCon 2015Como xa adiantabamos o mes pasado, AGASOL, ASOLIF e o Cluster TIC Galicia están a organizar a quinta edición de LibreCon, a conferencia de negocio e tecnoloxías abertas, con presencia de importantes poñentes do panorama internacional.

    Durante dous días, a Cidade da Cultura acollerá a responsables do mundo da empresa, a administración e a educación para coñecer as tendencias e casos de éxito baseados en tecnoloxías abertas que están facendo máis competitivas e innovadoras a empresas e administracións públicas.

    Esta mesma semana deuse a coñecer a axenda completa da LibreCon onde se confirma a participación, ademais de Roberto Zompi, de GENIVI e Magnetti Marelli (grupo Chrysler-Fiat), e Victor Tuson Palau, vicepresidente de Canonical, doutros expertos de talla internacional como Dominig Ar Foll de Intel Open Source, Tin Hang Liu de Open Source Vehicle e Jim Groom creador de EDUPUNK que ofrecerán sesións maxistrais sobre o Internet das Cousas, automóbil conectado e educación.

    Co obxectivo de compartir coñecemento, unha trintena de charlas e obradoiros conforman unha axenda cargada de sesións adicadas a dar a coñecer novas inciativas que amosen como as tencnoloxías libres axudan á xeración de negocio en todos os sectores de actividade. Teremos iniciativas galegas como Igalia, Staticboards, CESGA, AGASOL, que moito teñen que dicir e aportar a un sistema socioeconómico en constante cambio; iniciativas estatais como ASPGems, Irontec, IBM, SuSE ou Teléfonica e de organizacións como a Junta de Andalucía ou a Universidade de Granada, entre outros. A zona expositiva, premios e actividades sociais, completan dúas xornadas repletas de tecnoloxía. 

    [Ler máis]
  • Un ano máis, a asociación GHANDALF achega o software libre ás novas xeracións impartindo relatorios en varios centros de ensinanza

    Publicado por Mancomún
    Xoves, 8 de Outubro de 2015
    • Valoración 39
    • Lecturas 307

    Logo de GhandalfComo vén sendo habitual, dende a súa creación, a asociación GHANDALF fai unha importante labor de achegamento do software libre ás novas xeracións.

    Durante o pasado mes de agosto, máis de 250 alumnos, pertencentes a diferentes niveis formativos da ESO, así como de ciclos superiores de ensino, e profesores de 3 centros galegos de ensino, situados nas localidades de A Baña, Negreira e Coristanco, recibiron varios relatorios en torno á filosofía do software e a cultura libre.

    Nestes relatorios, os asistentes puideron coñecer a filosofía detrás do software libre, descubrindo que sen ser conscientes xa estaban a empregar moitas tecnoloxías deste tipo nos seus ordenadores, teléfonos e tablets. Coñeceron tamén algunha iniciativa de cultura libre, como a Wikipedia e outras iniciativas libres, como atopar este tipo de recursos, etc...

    [Ler máis]
  • Melisa organizou a II Xornada de Usuarios do software estatístico R en Galicia

    Publicado por Mancomún
    Martes, 6 de Outubro de 2015
    • Valoración 44
    • Lecturas 318

    A II Xornada de Usuarios de R en Galicia celebrouse o pasado 1 de outubro no Centro de Novas Tecnoloxías de Galicia, en Santiago de Compostela.

    Imaxes do evento

    Máis de 80 persoas participaron nesta xornada que tiña por obxectivo a promoción e coñecemento da linguaxe estatística R e as súas aplicacións, así como proporcionar un punto de encontro para todas aquelas persoas interesadas en intercambiar as súas experiencias e atopar colaboracións do resto da comunidade. A xornada contou coa presentación de 11 relatorios e cun obradoiro práctico, moitos dos cales teñen o material empregado dispoñible para a súa descarga.

    Esta é a segunda edición deste encontro da comunidade galega desta linguaxe, logo do ano pasado ter acollido aquí en Galicia as VI Xornadas hispanas de usuarios do software estatístico R. Unha vez máis estivo organizada pola Asociación de Usuarios de Software Libre da Terra de Melide (MeLiSA), e patrocinada pola AMTEGA (Xunta de Galicia).

    [Ler máis]
  • Obradoiro de ferramentas TIC libres para os procesos participativos

    Publicado por Mancomún
    Luns, 5 de Outubro de 2015
    • Valoración 44
    • Lecturas 290

    O Centro Demostrador TIC acollerá este xoves 8 de outubro a sétima xornada do Programa de Formación en Software Libre para o Terceiro Sector que está a organizar a Axencia para a Modernización Tecnolóxica de Galicia (Amtega) coa colaboración da Rede Galega contra a Pobreza (EAPN).

    Banner do obradoiro de participación dixital

    Trátase do seminario “Colaboración e participación dixital para o terceiro sector con ferramentas libres” que se desenvolverá en horario de tarde, de 17:00 a 20:30 horas, e será conducido por Ana Lorenzo Vila, socia traballadora da cooperativa Cidadanía, cuxo exercicio profesional céntrase no impulso das democracias participativas, principalmente nos ámbitos da participación cidadá nas políticas públicas e no impulso do cooperativismo. 

    [Ler máis]
  • Mañá remata o prazo para participar no Premio ao mellor traballo universitario con licenza libre

    Publicado por Mancomún
    Martes, 29 de Setembro de 2015
    • Valoración 60
    • Lecturas 1887

    Mañá 30 de setembro é o último día para inscribirse ao Premio ao Mellor Proxecto Universitario con Licenza Libre, convocado pola Amtega.

    Banner do premio ao mellor proxecto universitario con licenza libre

    Unha vez rematado o prazo, o xurado seleccionará aos finalistas que presentarán o seu traballo no acto de resolución do premio que se celebrará o día 23 de outubro de 2015, a partir das 15:30 horas, na Sala Eisenman da Cidade da Cultura en Santiago de Compostela

    A día de hoxe hai xa 7 participantes inscritos e agardamos recibir mais inscricións de última hora dos proxectos defendidos nas convocatorias de setembro como ten sucedido en anos anteriores. Dende aquí animamos a todos os que teñan presentado proxecto de fin de carreira, fin de grao ou fin de mestrado que se animen a participar neste premio.

    Lembrar que o premio está dotado con 2.250 euros, repartidos nun primeiro premio de 1.500€ outorgado polo CIXUG (Consorcio para o desenvolvemento de aplicacións para a Xestión Universitaria) e a posibilidade de conceder un segundo premio de 750€, outorgado pola asociación universitaria GPUL (Grupo de programadores e usuarios de Linux).

    [Ler máis]
  • As entidades e organizacións de acción social aprenderán este xoves como OpenStreetMap lles pode axudar no seu traballo

    Publicado por Mancomún
    Luns, 28 de Setembro de 2015
    • Valoración 38
    • Lecturas 1724
    • Este xoves 1 de outubro o CDTIC acolle o obradoiro OpenStreetMap: o uso da xeolocalización nas accións humanitarias e de emerxencias.
    • Rafael Ávila Coya, experto contribuidor de OpenStreetMap e membro do HOT (Equipo Humanitario de OpenStreetMap) será o docente deste obradoiro.
    • É a sexta xornada do Programa de Formación en Software Libre para o Terceiro Sector que está a organizar a Amtega.

    O Centro Demostrador TIC acollerá este xoves 1 de outubro o seminario “OpenStreetMap: o uso da xeolocalización nas accións humanitarias e de emerxencias” que se desenvolverá en horario de 17.00 a 20.30 horas, e será impartido por Rafael Ávila Coya, experto contribuidor de OpenStreetMap e membro do HOT (Equipo Humanitario de OpenStreetMap).

    Imaxe do mapa de Mapkibera en OSM

    Algúns exemplos de proxectos que empregan OpenStreetMap son http://mapkibera.org/, onde os habitantes desta zona traballaron conxuntamente para situala no mapa, ou este outro proxecto máis próximo a nós, que aplicou esta mesma idea a unha zona marxinal de A Coruña. O laboratorio Cartolab da Escola de Enxeñaría de Camiños da UDC colaborou coa asociación de veciños O Campanario para cartografar O Portiño, unha barriada na súa maioría de etnia xitana. Esta asociación de veciños leva toda a súa vida loitando para dignificar as súas condicións de vida e grazas a este proxecto sacaron ao barrio do seu estado de invisibilidade urbana, polo menos dende o punto de vista cartográfico.

    [Ler máis]
Axencia para a Modernización Tecnolóxica de Galicia
Galicia