RSS enviar por correo-e Imprimir

Mancomún

  • Novos desafíos abertos para a elaboración da Axenda Dixital de Galicia 2020

    Publicado por Mancomún
    Martes, 16 de Setembro de 2014
    • Valoración 1.33
    • Lecturas 344

    Logotipo da Axenda Dixital 2020A Axencia para a Modernización Tecnolóxica de Galicia (Amtega) iniciou o pasado mes de xullo unha campaña de participación social para recoller ideas e suxestións de toda a sociedade galega no proceso de elaboración da Axenda Dixital de Galicia 2020, de forma que a administración autonómica e as partes interesadas formen unha rede social para co-deseñar a nova estratexia tecnolóxica global baseada nun modelo de intelixencia colectiva.

    Hoxe publícanse 3 novos desafíos do ámbito da Educación, Empresa e Sector primario, aos que a sociedade pode responder a través dos foros abertos do Blog Xente Dixital ou ben enviando as súas propostas ou suxestións a través do formulario de contacto do blog Xente Dixital: Escríbenos

    Por suposto, neste proceso, os axentes do ecosistema do Software Libre e as persoas e colectivos interesados no mesmo, están chamados tamén a colaborar na identificación de iniciativas nas que o Software Libre pode contribuír a acadar os obxectivos dixitais de Galicia 2020.

     

     

    [Ler máis]
  • Seminario sobre como avaliar proxectos libres para as nosas necesidades

    Publicado por Mancomún
    Luns, 15 de Setembro de 2014
    • Valoración 3.67
    • Lecturas 397

    Os días 23 e 24 de setembro, en horario de 16:00 a 20:00 horas, celebrarase no Centro Demostrador TIC un novo seminario de formación sobre tecnoloxías libres, “Avaliación de proxectos libres para cubrir as necesidades TIC”.

    O obxectivo deste seminario é achegar aos asistentes as pautas a seguir, así como os aspectos máis importantes a avaliar, á hora de seleccionar unha solución que cubra as necesidades TIC da súa empresa.

    Banner do seminario no CDTIC

    A principal motivación dunha empresa á hora de implantar unha solución TIC é obter unha mellora nos seus procesos que redunden nunha maior eficacia e produtividade. Investir certo tempo na avaliación das alternativas existentes permitirá sen dúbida maximizar o retorno da inversión.

    Nos procesos de avaliación de calquera solución TIC, é habitual que se atenda a criterios, sobre todo, funcionais e de custos, mais no caso dos proxectos de software libre, pola súa natureza, é posible, e recomendable, completar esta análise atendendo a outros criterios relativos á comunidade que está detrás destes, xa sexa de carácter empresarial como voluntaria. Esta información permitirá coñecer o nivel de uso do proxecto, o nivel de actualización, como responde a comunidade ante problemas ou erros no proxecto, existencia de provedores de servizos locais, etc.

    [Ler máis]
  • A Amtega participa na “XXVIII Feira do Moble de Galicia”

    Publicado por Mancomún
    Luns, 15 de Setembro de 2014
    • Valoración 1.33
    • Lecturas 301
    • Realizará dúas presentacións sobre solucións tecnolóxicas baseadas en Software Libre orientadas ao sector
    • Contará cun stand propio onde os asistentes poderán recibir información e material sobre diferentes servizos e produtos TIC.

    A Amtega contará cun stand propio na XXVIII Feira do Moble de Galicia, que se celebra entre os días 20 e 28 de setembro nas instalacións da Fundación de Exposicións e Congresos da Estrada. Neste stand, os asistentes á Feira do Moble atoparán información e material sobre diferentes solucións, en materia TIC, que poden ser interesantes para este sector.

    Ademais o día 24 de setembro, celebraranse dúas presentacións, de 45 minutos de duración cada unha, que amosarán algunhas solucións tecnolóxicas do eido do Software Libre, para a mellora dos procesos produtivos, marketing e vendas, orientadas ao sector do moble:

    • Sistema de xestión empresarial ERP Eneboo. Mellora a xestión dos teus procesos produtivos da man do Software Libre.
    • Achégate aos novos clientes da man de Internet. Deseña unha boa estratexia de venda e marketing e abre a túa tenda en liña.
    [Ler máis]
  • Comezan as nominacións aos Premios Portal Programas aos mellores proxectos de software libre 2014

    Publicado por Mancomún
    Venres, 12 de Setembro de 2014
    • Valoración 2
    • Lecturas 343

    PortalProgramas abre o prazo de nominacións para a sexta edición dos Premios PortalProgramas ao Mellor Software Libre do ano.

    Un ano máis, o obxectivo destes premios é recoñecer aos proxectos de software libre que máis teñen contribuído ao avance tecnolóxico durante o ano, como mostra de agradecemento aos esforzo e paixón da comunidade que hai detrás de cada proxecto de software libre.

    Imaxe do banner do portal dos premios 

    As principais novidades deste ano son a ampliación do calendario, de setembro a novembro, para facilitar as nominacións e votacións e a modificación do sistema de votacións incorporando un xurado independente que decidirá o gañador entre os 5 finalistas escollidos polos usuarios do portal, que só poderán emitir un voto por categoría.

    [Ler máis]
  • Coñece a Xestión documental con Software Libre no CDTIC

    Publicado por Mancomún
    Xoves, 11 de Setembro de 2014
    • Valoración 2.67
    • Lecturas 368

    O vindeiro martes 16 de setembro o CDTIC acollerá un novo seminario sobre “Xestión documental con software libre” . Desenvolverase na aula de formación do CDTIC en horario de 16.00 a 20.00 horas.

    Logotipo de gold partner de AlfrescoA través deste seminario, de carácter eminente práctico,  os asistentes coñecerán da man de expertos en Alfresco, que é a xestión documental e os seus beneficios e vantaxes para a empresa, cales son os criterios de selección dun sistema de xestión documental e dun provedor e cales son as diferentes alternativas de xestión documental que existen en software libre. O seminario correrá a cargo da consultora Queres Tecnologías, empresa que proporciona servizos de consultoría e integración de sistemas e especializada en solucións de xestión de contido empresarial.

    Os interesados en asistir a este seminario deben inscribirse a través do espazo de usuario do portal do CDTIC.

    [Ler máis]
  • WordPress 4.0 “Benny” dispoñible 100% en galego

    Publicado por Mancomún
    Mércores, 10 de Setembro de 2014
    • Valoración 2
    • Lecturas 294

    Segundo nos informan dende a comunidade de tradución de Wordpress á nosa lingua, dende o pasado día 4 de setembro está xa dispoñible a nova versión 4.0 do popular CMS Wordpress nomeada “Benny” na honra de Benny Goodman

    Como vén sendo habitual nas últimas versións está dispoñible 100% en galego.

    Captura das estatísticas de tradución de Wordpress 4.0 ao galego

    [Ler máis]
  • Publicada a versión final de MiniNo Ártabros 2.1

    Publicado por Mancomún
    Mércores, 10 de Setembro de 2014
    • Valoración 3.67
    • Lecturas 358

    Imaxe da sección de descargas da Minino 2.1A finais do mes de xullo dabamos conta da publicación da versión candidata da distribución desenvolvida por GALPon, a MiniNo Ártabros 2.1.

    Os prazos estimados para converterse en versión definitiva apuntaban a finais do mes de Agosto, e axustados á planificación, a finais do pasado mes, GALPon anunciou no seu portal a nova MiniNo que está xa dispoñible para a súa descarga en dúas edicións, ambas baseadas en Debian 7:

    • Edición MiniNo Ártabros 2.1 «full» para equipos algo máis modernos, capaces de mover ferramentas como LibreOffice e poden ler DVD e/ou USB.

    • Edición MiniNo Ártabros 2.1 «minimal» para equipos con moi poucos recursos e que só poden ler discos CD.

    Para quen aínda non a coñeza, GALPon MiniNo é unha distribución GNU/Linux, baseada en Debian, que ten por obxectivo dar solución a computadores moi antigos e con moi poucos recursos.

    Nos últimos tempos está a ter un incremento de popularidade pola súa utilidade como reemprazo do sistema operativo Windows XP xa sen mantemento e soporte. Así por exemplo podemos mencionar o caso de éxito na adaptación de MiniNo para a Universidade de Santiago ou a Doazón de equipos antigos da USC ao cárcere de Teixeiro. O uso de MiniNo nestes casos evita ter que realizar inversións en novo hardware, que soporte sistemas operativos máis recentes con necesidades moito maiores de capacidade hardware, así como os gastos asociados ás licenzas de uso asociado a outro sistema operativo privativo.

    [Ler máis]
  • Obradoiro de Bash scripting

    Publicado por Mancomún
    Mércores, 3 de Setembro de 2014
    • Valoración 2.33
    • Lecturas 402

    Despois do verán, GALPon retoma o seu ciclo de Sábados Libres na Altamar, esta vez cun curso de Bash scripting, que terá lugar o vindeiro 27 de setembro.

    Cun contido maiormente práctico, este obradoiro centrarase na realización de interfaces gráficas con Zenity, Yad e KDE Dialogs. Verase tamén como levar a cabo o proceso de internacionalización(i18n) para facer que os scripts poidan ser traducidos a diferentes idiomas.

    [Ler máis]
  • Owncloud inaugura o novo CDTIC Virtual, o servizo de demostración de solucións TIC na nube

    Publicado por Mancomún
    Xoves, 28 de Agosto de 2014
    • Valoración 1
    • Lecturas 359
    • Empresas e autónomos terán a súa disposición un entorno para coñecer e avaliar as solucións TIC existentes para as súas necesidades
    • A primeira aplicación dispoñible é Owncloud, unha solución libre que permite dispoñer de almacenamento de ficheiros e aplicacións en liña

    Esta mañá, a directora da Amtega, Mar Pereira, acompañada do presidente do Clúster TIC, Antonio Rodríguez del Corral, e presidente da Federación de Autónomos de Galicia (Feaga), Francisco Javier Pérez Bello, presentou os novos servizos do Centro Demostrador TIC dirixidos ás Pemes e autónomos co obxectivo de que poidan acceder máis facilmente á oferta tecnolóxica que existe no mercado.

    Imaxe da presentación dos novos servizos do CDTIC

    Entre estes novos servizos, destacamos o CDTIC Virtual. Trátase dun servizo a través do que ser porá a disposición de empresas e persoas usuarias a posibilidade de analizar e probar solucións empresarias libres aloxadas na nube. A primeira aplicación dispoñible é Owncloud.

    [Ler máis]
  • O proxecto Trasno presenta Trasno Translation Toolkit

    Publicado por Mancomún
    Venres, 8 de Agosto de 2014
    • Valoración 1.5
    • Lecturas 589

    A través dunha noticia na súa web, o proxecto Trasno ven de presentar o Trasno Translation Toolkit, ou como eles mesmos o traducen: Trebellos de Traducción de Trasno.

    Este novo toolkit preséntase en formato ISO, dispoñible para ser executado como en modo vivo (live) o a través dunha máquina virtual. Trátase dun sistema GNU/Linux completo, baseado na súa distribución GALPON MiniNo Ártabros, adaptada especialmente para o seu uso nos obradoiros de tradución de software que con frecuencia soen realizar.

    [Ler máis]
Sindicación RSS Sindicación RSS: Novas