OpenOffice.org é un conxunto de aplicativos de oficina que inclúe un procesador de textos, folla de cálculo, presentacións, base de datos, debuxo vectorial e outras ferramentas.

As aplicacións que conforman o OpenOffice.org son:

• Writer (procesador de texto)
• Calc (folla de cálculo)
• Draw (deseño gráfico)
• Impress (programa de presentacións)
• Math (editor de fórmulas matemáticas)
• Base (base de datos)
• Un editor visual de páxinas web.
• Un gravador de macros.
• Filtros para a importación de ficheiros con formatos de Microsoft Word e outros e para exportación a PDF e Macromedia Flash.

Foi creado a partir do StarOffice de Sun Microsystems adquirida no ano 2009 por Oracle . Está licenciada como software libre baixo os termos da LGPL (Lesser General Public License) ou da SISSL.

DESCARGA:

Dende esta ligazón é posible descargar a última versión dispoñible para outros sistemas operativos ou idiomas.

Web oficial do OpenOffice.org en galego: gl.openoffice.org

Coordinación oficial da tradución ao galego do OpenOffice.org

Actualmente tamén está dispoñible LibreOffice, unha evolución de OpenOffice baseada nunha xestión de proxecto guiada pola comunidade sen requisitos de asignación de Copyright. Esta versión conta co apoio da comunidade galega de tradutores e está dispoñible integramente en Galego.