RSS enviar por correo-e Imprimir

Mancomún

  • Oviedo e Barcelona reutilizan o software do portal de participación cidadá liberado polo concello de Madrid

    Publicado por Mancomún
    Luns, 1 de Febreiro de 2016
    • Valoración 2
    • Lecturas 188

    O pasado mes de Setembro, o concello de Madrid fixo público o seu portal de participación cidadá, Madrid Decide. A plataforma software desenvolvida polo concello para o desenvolvemento deste portal foi tamén publicaba en github con licenza aberta, concretamente AGPL v3.0, baixo o proxecto Consul. Este software foi reutilizado xa por outras cidades como Oviedo ou Barcelona.

    Captura do portal Madrid Decide

    O obxectivo deste portal de participación cidadá é basicamente establecer unha canle de comunicación directa entre a cidadanía e os seus representantes municipais. Que a cidadanía poida participar activamente nos procesos de toma de decisión municipal e que a súa opinión sexa tida en conta. E un exemplo de goberno aberto.

    [Ler máis]
  • Publicadas as actividades do GPUL Labs

    Publicado por Mancomún
    Xoves, 28 de Xaneiro de 2016
    • Valoración 2
    • Lecturas 221

    Logo de GPUL labsO pasado mes de novembro GPUL anunciaba a súa nova iniciativa para, segundo as súas palabras, “recuperar o P de Programadores do nome da asociación e tratar de volver a xerar ese sentimento de comunidade dentro do software libre da cidade da Coruña”; os GPUL Labs.

    De xeito resumido, os GPUL Labs son unha serie de talleres, charlas e hackatons de programación baseados en tecnoloxías libres co fin de realizar, de comezo a fin, un proxecto de desenvolvemento software traballando cunha Raspberry Pi, creando unha aplicación web, falando de metodoloxías áxiles de desenvolvemento ou incluso de boas prácticas como code review ou integración continua.

    Esta semana informaron da dispoñibilidade xa de toda a información das actividades do evento no web dos <Labs/>. Practicamente cada semana, para facilitar o seu seguimento, realizarase unha actividade sobre unha tecnoloxía diferente, ao longo duns 3 meses, todo co obxectivo final de montar unha enorme e activa comunidade de Software Libre na Coruña.

    [Ler máis]
  • Aberto o prazo de inscrición nos cursos de CNTG do segundo trimestre

    Publicado por Mancomún
    Xoves, 21 de Xaneiro de 2016
    • Valoración 2
    • Lecturas 277

    Imaxe do CNTGXa está aberto o prazo de inscrición para aqueles cursos do CNTG que se van impartir ao longo do segundo trimestre do ano 2016.

    A programación inclúe temáticas e áreas diversas e vai dirixida aos diversos perfís profesionais do sector TIC: xestión e dirección de proxectos, infraestruturas, redes de comunicacións, sistemas e desenvolvemento e programación. Nesta programación inclúense cursos relacionados co software libre ou con metodoloxías de programación:

    • Administración avanzada de ssoo Red Hat Linux
    • Big Data. Cloudera para Apache Spark
    • Desenvolvemento de aplicacións móbiles con PhoneGap
    • Configuración de servizos de seguridade con tecnoloxía baseada en sw libre
    • Certified Scrum Developer de Scrum Alliance
    • Prince2 foundation
    [Ler máis]
  • O I Hackatón solidario “Intro para todos” consegue un prototipo de escritorio adaptado ás necesidades das persoas con discapacidade intelectual

    Publicado por Mancomún
    Mércores, 20 de Xaneiro de 2016
    • Valoración 2
    • Lecturas 231

    Cartel de convocatoria do hackaton

    O I Hackatón Solidario “Intro para todos”, organizado pola Axencia para a Modernización Tecnolóxica de Galicia (Amtega) e o Concello de Padrón conseguiu o seu obxectivo: deseñar unha solución que mellore a usabilidade e accesibilidade dos ordenadores da aula CeMIT local coas achegas da cidadanía. 

    Trátase dunha solución, baseada en software libre, que permite instalar nos ordenadores da aula un sistema de autenticación alternativo, adaptado a colectivos especiais, con ou sen competencias en lectoescritura, e un perfil de escritorio accesible, que recolla en pictogramas as principais ferramentas e aplicacións utilizadas polas persoas con discapacidade intelectual.

    Esta solución piloto foi validada pola AMIPA o pasado mes de decembro e agora instalarase nos equipos da aula CeMIT de Padrón.

    [Ler máis]
  • Publicada a beta1 da distribución MiniNo Queiles 3.0

    Publicado por Mancomún
    Martes, 19 de Xaneiro de 2016
    • Valoración 2
    • Lecturas 259

    Dende GALPon informan que xa está dispoñíbel a versión de probas «beta1» da futura MiniNo Queiles 3.0.

    Captura de MiniNo Queiles 3.0Todas aquelas persoas interesadas en probar todas as novidades e colaborar na detección de posibles fallos, pode descargar a imaxe ISO e o ficheiro de comprobación md5 dende a portal do proxecto MiniNo, e informar de calquera cuestión ou problema que detecten coa beta no foro específico.

    Unha das principais novidades que destaca nesta nova versión da distribución MiniNo é a instalación de «Cronopete» para paliar un eventual problema de perda de datos por fallos no disco duro. En palabras do equipo de desenvolvemento “Tendo en conta que as máquinas obxectivo desta distribución adoitan seren bastante vellas é frecuente que teñamos temor á perda de datos por seren o disco tamén moi vello.”

    [Ler máis]
  • Publicados os casos de éxito presentados na xornada de software libre para o terceiro sector

    Publicado por Mancomún
    Martes, 19 de Xaneiro de 2016
    • Valoración 2
    • Lecturas 238
    • Xa dispoñibles na canle de Youtube da Amtega as 6 experiencias de organizacións sociais que empregan o software libre para xestionar a súa actividade
    • Ademais, no portal do CDTIC están publicados tamén os vídeos dos obradoiros de software libre do ciclo formativo dirixido ao terceiro sector
    • Esta iniciativa forma parte das actividades impulsadas polo Voluntariado Dixital e do Plan de Software Libre 2015 da Amtega

    A Axencia para a Modernización Tecnolóxica de Galicia (Amtega) vén de publicar na súa canle de Youtube os vídeos correspondentes aos casos de éxito de uso de Software Libre por parte de entidades do terceiro sector presentados durante a “I Xornada de boas prácticas con Software Libre nas ONGs e Entidades de Acción Social”, que tivo lugar o pasado 22 de outubro no edificio CINC da Cidade da Cultura.

    Banner da xornada do terceiro sector

    Un total de 6 vídeos están agora dispoñibles para que as persoas que non tiveron a oportunidade de asistir á xornada poidan coñecer experiencias de implantación de Software Libre en diferentes entidades asociativas e sociais así como exemplos de uso de ferramentas de Software Libre no ámbito da cooperación e inclusión social.

    [Ler máis]
  • A Amtega incorpora ao repositorio de software libre da Xunta unha ferramenta do proxecto Abalar

    Publicado por Mancomún
    Martes, 29 de Decembro de 2015
    • Valoración 7
    • Lecturas 389
    • A Amtega publica o Centro Software Abalar, que permite a personalización dos menús do software do programa Abalar para primaria e secundaria Publica
    • Publicase unha nova versión de XEA, a aplicación que permite a xestión unificada e coordinada das actividades, axentes e usuarios das aulas CeMIT

    A Axencia para a Modernización tecnolóxica de Galicia (Amtega) vén de actualizar os contidos do Repositorio de Software Libre da Xunta, coa publicación dunha ferramenta do Proxecto Abalar e dunha nova versión de XEA , a aplicación de xestión das aulas da rede CeMIT. Amplíase así o contido do repositorio incrementando as aplicacións e ferramentas que a Xunta facilita para a súa reutilización.

    Abalar O proxecto Abalar, impulsado pola Axencia para a Modernización Tecnolóxica de Galicia e a Consellería de Cultura, Educación e Ordenación Universitaria, ten como obxectivo a integración das TIC na práctica educativa en Galicia, sendo unha das áreas prioritarias de intervención. Actualmente está en funcionamento en 5º e 6º de Primaria e 1º e 2º de ESO de 531 centros, beneficiando a 52.000 alumnos. Grazas a este proxecto avanzouse tamén na formación e fomento da cultura dixital, xa que se formaron a máis de 23.000 docentes, e se impartiron actividades destinadas a alumnado, profesorado e familias (Navega con Rumbo), en preto de 900 centros. XEA-CeMIT, aplicación de xestión da rede CeMIT A rede CeMIT é unha iniciativa posta en marcha pola Amtega que integra un total de 98 aulas, repartidas por toda a xeografía galega, e que ten por obxectivo a redución da fenda dixital, impulsando, potenciando e difundo os coñecementos nas tecnoloxías da información e a comunicación da cidadanía galega. A rede CeMIT ten rexistrados máis de 52.000 usuarios e leva impartidas máis de 184.000 horas de formación gratuíta. XEA facilita a xestión de todos os recursos da redes, adaptándose ás necesidades de axentes TIC e usuarios. Repositorio de Software Libre da Xunta Estas publicacións enmácanse no Plan de Acción en materia de Software Libre da Xunta de Galicia que pon á disposición da Administración Pública galega o servizo de certificación de liberación de software. Centro Software Abalar foi liberado cunha licenza libre dual, GPL2 (Genaral Public License Version 2) e EUPL (European Union Public License). Tanto esta solución como a nova versión de XEA poden descargarse dende o Repositorio de Software Libre da Xunta de Galicia, na forxa de Mancomún (http://forxa.mancomun.org).O Centro Software Abalar  é unha ferramenta que permite aos profesores xestionar facilmente a visibilidade das iconas das aplicacións nos equipos do proxecto Abalar para adaptalos ao uso dos alumnos de primaria ou secundaria. Os usuarios que descarguen eta ferramenta poderán configurar a visibilidade das iconas das aplicacións no escritorio do seu equipo.

    Por outra banda, a nova versión da aplicación de xestión XEA inclúe novas funcionalidades e melloras, sendo xa a terceira versión publicada dende a súa liberación a principios de ano.

    [Ler máis]
  • A OSHWDEM 2015 bate o seu récord de participación

    Publicado por Mancomún
    Mércores, 16 de Decembro de 2015
    • Valoración 10
    • Lecturas 414

    O pasado mes de novembro celebrouse na Domus de A Coruña a OSHWDem 2015, un evento con filosofía BarCamp sobre electrónica e Open Source Hardware, que vai xa pola súa cuarta edición e que este ano bateu tódolos récords.

    Imaxe da OSHDEM

    Organizada dende BricoLabs, co apoio da Asociación GHANDALF, durante o sábado, día principal do evento, pasaron polo mesmo máis de 1600 persoas, o que supuxo un aumento de 600 persoas sobre os datos da edición anterior.

    No aspecto técnico tamén se notou unha mellora significativa, contando con máis participantes de toda España, con montaxes máis sofisticados nos seus stands.

    [Ler máis]
  • Novidades en MiniNo e PicarOs

    Publicado por Mancomún
    Martes, 15 de Decembro de 2015
    • Valoración 7
    • Lecturas 437

    O equipo de desenvolvemento de MiniNo e o seu sabor para cativos PicarOs, achégannos información sobre as últimas novidades do seu traballo. A publicación da versión alfa de MiniNo 3.0, unha versión de PicarOs para tabletas entre outras.

    Imaxe de PicarOs correndo nunha tableta

    Lembramos que GALPon MiniNo é unha distribución GNU/Linux, baseada en Debian, que ten por obxectivo dar solución a computadores moi antigos e con moi poucos recursos. A partir desta distribución, os seus desenvolvedores elaboraron unha adaptación da mesma orientada ao seu uso principalmente por nenos á que deron en chamar PicarOs.

    O pasado mes de outubro vía a luz a versión PicarOs 2015, mais os desenvolvedores, no seu constante esforzo por achegar esta distribución aos usuarios e facilitar o seu uso, non deixan de traballar e infórmannos de varias novidades.

    [Ler máis]
  • Cursos de administración avanzada de GNU/Linux e de desenvolvemento en Angular.js no CNTG

    Publicado por Mancomún
    Xoves, 26 de Novembro de 2015
    • Valoración 5
    • Lecturas 569

    Logo de LPIC2Aberto o prazo de inscrición para dous novos cursos que se impartirán no CNTG a finais de Xaneiro. Trátase do Curso de administración avanzada de sistemas operativos Linux (LPI2) e do Curso de desenvolvemento de aplicacións web con Angular.js. Cada curso contará con dúas edicións cun máximo de 20 alumnos cada unha, polo que cada curso conta cun total de 40 prazas.

    A asistencia a estes cursos é totalmente de balde. O prazo de inscrición para ambos cursos estará aberto ata o día 4 de xaneiro de 2016. Logo de Angular.js

    Os inscritos a estas accións formativas deberán realizar unha proba previa da que sairán as persoas finalmente seleccionadas para asistir ao curso. Esta proba previa, dunha duración duns 30 minutos, determinará se a/o candidato solicitante posúe os coñecementos requiridos para acceder ao curso e permitirá configurar grupos o máis homoxéneos posibles en relación co seu nivel de coñecemento e perfil técnico. Os interesados poden consultar no portal do CNTG os criterios de selección.

    [Ler máis]
Axencia para a Modernización Tecnolóxica de Galicia
Galicia