RSS enviar por correo-e Imprimir

Mancomún

  • Éxito da Mapping Party de Poio organizada por Xeopesca

    Publicado por Mancomún
    Mércores, 15 de Abril de 2015
    • Valoración 1
    • Lecturas 138

    Imaxe de OSM antes e despois da XornadaO pasado sábado 11, como vos anunciamos no seu día, a asociación xeoPesca organizou a súa primeira Mapping Party no concello de Poio cun gran éxito de convocatoria.

    Máis de 20 persoas déronse cita no lugar para aprender a mapear e contribuír a mellorar a cartografía libre da zona, así como pasar un bo rato en boa compaña. A idea era pois ter unha xornada lúdica de aprendizaxe de creación de mapas de información aberta. E á vista dos resultados e das imaxes da xornada, o obxectivo foi acadado.

    Segundo datos proporcionados pola organización, o grupo estaba formado concretamente por vintedúas persoas de diferentes localidades galegas, de diversos rangos de idade e inquedanzas variadas. O obxectivo perseguido era ter unha xornada de aprendizaxe lúdico sobre a creación de mapas de información aberta.

    [Ler máis]
  • Obradoiro Drupal de 0 a 100 nos Sábados Libres na Altamar

    Publicado por Mancomún
    Martes, 7 de Abril de 2015
    • Valoración 2.5
    • Lecturas 363

    Dende GALPon infórmannos que xa está en marcha o obradoiro correspondente ao mes de Abril do 3º ciclo de Sábados Libres na Altamar.

    Aproveitamos para lembrar que o obradoiro que terá lugar este próximo sábado 11 de abril, Seguridade nas comunicacións e nas transaccións en entornos libres, realmente corresponde ao mes de marzo, aínda que tivo que ser adiado por mor das festividades de finais de marzo.

    Cartel do obradoiro

    Así pois o 4º obradoiro deste ciclo celebrase como é costume, o último sábado de mes, o sábado 25 de abril e leva por título Drupal de 0 a 100”. Tratarase dun obradoiro eminentemente práctico, que estará dirixido por Alberto Permuy, responsábel técnico de //Codery e membro de O Zulo.

    O obradoiro vai dirixido a quen:

    • Teña na súa organización, empresa, escola, etc. un sitio web sobre Drupal e queira aprender a administralo.
    • Estea interesado en aprender a instalar e deseñar servizos sobre Drupal e antes queira coñecer en detalle que posibilidades lle ofrece.
    • Sexa un curioso da tecnoloxía e queira coñecer mellor este CMS.
    [Ler máis]
  • Xoves Libres: Wikimaratón da Galipedia na UDC e modelos de negocio con software libre

    Publicado por Mancomún
    Martes, 7 de Abril de 2015
    • Valoración -
    • Lecturas 251

    Cartel da wikimaratón da Galipedia na UDCGPUL ten xa unha axenda completa de eventos para o mes de Abril para o seu ciclo dos Xoves Libres.

    Así temos un relatorio para o primeiro dos xoves deste mes, Modelos de negocio colaborativos. Por que o Software Libre domina no mercado?, da man de Roberto Brenlla.

    Mais tamén anunciaron xa unha importante actividade a celebrar os días 16 e 17 de abril en colaboración coa Galipedia, da Facultade de Informática da Universidade da Coruña e co apoio do Servizo de Normalización Lingüística da Universidade da Coruña. Trátase da primeira Wikimaratón da Galipedia na UDC.

    [Ler máis]
  • Novo hacklab de impresción 3D de GPUL

    Publicado por Mancomún
    Xoves, 26 de Marzo de 2015
    • Valoración 4
    • Lecturas 348

    Cartel do hacklab de impresión 3DEsta tarde, a partir das 17:00 horas, GPUL desenvolve un novo HackLab de impresión 3D. Terá lugar no laboratorio 0.1w da Facultade de Informática da Coruña.

    Este HackLab é a continuación do realizado en Outubro do pasado ano, co que GPUL anunciaba o inicio da súa andaina no mundo do hardware libre cunha serie de obradoiros co obxectivo final de rematar montando unha impresora 3D, partindo da información dispoñible no proxecto Clone Wars onde documentan como crear a nosa propia impresora 3D.

    Dende GPUL agradecen que as persoas interesadas neste HackLab que non se teñan inscrito no formulario do evento, que o fagan tan pronto poidan aínda que non poidan acudir a esta sesión.

    [Ler máis]
  • Día da liberdade dos documentos

    Publicado por Mancomún
    Mércores, 25 de Marzo de 2015
    • Valoración 2
    • Lecturas 363

    Hoxe, mércores 25 de marzo, é o Día Internacional da liberdade dos Documentos (DFD), unha iniciativa a nivel mundial promovida pola Free Software Foundation Europe que se celebra o derradeiro mércores do mes de marzo co obxectivo de chamar a atención sobre a importancia de conservar os nosos documentos dixitais en formatos libres e estándares abertos. Día da Liberdade dos Documentos 2015

    Para contribuír á consecución dos obxectivos de difusión deste día, organízanse numerosos actos e xornadas de difusión por todo o planeta. En anos anteriores, a nosa comunidade amosouse moi activa nestas celebracións, celebrando xornadas de debate, xornadas de difusión, obradoiros de libreoffice, etc. Este ano, non contamos con ningunha xornada específica na nosa comunidade, pero como nos lembran dende GALPon, podemos contribuír igualmente facendo difusión.

    Así GALPon, comparte unha vez máis unha historieta que resumen moi ben a necesidade de uso dos estándares abertos.

    [Ler máis]
  • Lugo acolle a celebración do Arduino Day 2015 en Galicia

    Publicado por Mancomún
    Martes, 24 de Marzo de 2015
    • Valoración 1
    • Lecturas 455

    Mapa de celebracións do Arduino Day 2015 en EspañaA asociación makers.lugo únese por segundo ano ás celebracións globais do Arduino Day 2015, nas que máis de 250 cidades contarán con eventos para conmemorar a creación desta plataforma de hardware libre.

    Makers.lugo organiza pois o vindeiro sábado 28 de Marzo un evento aberto e para todos os públicos, no que se haberá unha exposición de distintas iniciativas relacionadas con Arduino, provenientes de toda Galicia. Haberá makers chegados de todos os recunchos de Galicia: Coruña, Pontevedra, Santiago, Ourense, Vigo, … que configuran unha axenda do máis interesante.

    Ao longo de todo o día, os visitantes poderán coñecer unha ampla variedade de proxectos, dende impresoras 3D ata control enerxético do fogar, pasando por robótica educativa, árbores de nadal ou invernadoiros controlados por Arduino.

    [Ler máis]
  • Xeopesca organiza a Mapping Party Poio 2015

    Publicado por Mancomún
    Luns, 23 de Marzo de 2015
    • Valoración 1
    • Lecturas 427

    Cartel da Mapping PartyA asociación Xeopesca, organiza para o vindeiro sábado 11 de abril, a Mapping Party Poio’15, no Centro Xaime Illa de Raxó ( Poio) co obxectivo de mellorar a cartografía da contorna marítima do Concello de Poio en OpenStreetMap.

    Unha mapping party, é un encontro de persoas con intereses comúns no proxecto OpenStreetMap, nos datos xeográficos e na cultura libre, que se reúnen para cartografar de forma colectiva un determinado lugar, zona, etc. Estes encontros soen contar coa participación de xente experta e tamén teñen o interese de atraer a principiantes para introducilos na forma de traballar e contribuír a proxecto colectivo OpenStreetMap e contribuír deste xeito a incrementar os datos xeográficos libres.

    [Ler máis]
  • Seminario de xestión avanzada de Wordpress no CDTIC

    Publicado por Mancomún
    Luns, 23 de Marzo de 2015
    • Valoración 1
    • Lecturas 330

    O CDTIC organiza un novo obradoiro de formación sobre sistemas de xestión de contidos con licenza libre, desta volta trátase do seminario “Xestión avanzada de WordPress”. Terá lugar o próximo xoves 26 de Marzo, de 16:00 a 20:00 horas nas instalacións do CDTIC en Santiago de Compostela.

    Banner do seminario de Wordpress

    O seminario está fundamentalmente dirixido a profesionais das TIC, responsables da xestión web da empresa, autónomos etc. que queiran crear unha páxina web en WordPress ou ben xa administran unha e desexan afondar na súa utilización e na incorporación de máis funcións

    Os asistentes profundarán na utilización e configuración de WordPress con características avanzadas do sistema. Contarán cun equipo informático para pór en práctica os conceptos e as ferramentas descritas na clase.

    O seminario será impartido por D. David Arias Vázquez, responsable de desenvolvemento de software en Ingenyus, Marketing Inteligente S.L.

    [Ler máis]
  • Contribúe co Software Libre no verán e consegue que che paguen por elo

    Publicado por Mancomún
    Martes, 10 de Marzo de 2015
    • Valoración 2
    • Lecturas 649

    Cartel do relatorioVolven os XovesLibres de GPUL un ano máis á Facultade de Informática da UDC. Este xoves 12 de marzo, a partir das 17:00 horas terá lugar no Lab 0.1w da FIC unha pequena charla informativa sobre os programas de colaboración con proxectos libres promovidos por Google e Gnome, como son o Google Summer of Code, o Outreachy (antigo Outreach Program for Women), o Google Code-In, etc.

    Tanto se xa coñeces estes programas e estás interesado en participar como se non os coñeces, esta charla será de moito interese e axuda. Persoas que participaron nestes programas en anos anteriores falarán da súa experiencia, e darán consellos á hora de participar neles.

    Para quen non coñeza estas iniciativas, trátase a grandes rasgos, de programas de mentorización de estudantes nos que estes poden colaborar no desenvolvemento dun proxecto de software libre durante un breve período de tempos (en torno a 3 meses) e a cambio, ademais de aprender as dinámicas de traballo do software libre, colaborar con proxectos e comunidades interesantes, obteñen unha remuneración económica polo traballo desenvolvido.

    [Ler máis]
  • Xornada divulgativa sobre a aplicación Xeshostal no CDTIC o mércores 11 de Marzo

    Publicado por Mancomún
    Luns, 9 de Marzo de 2015
    • Valoración 1
    • Lecturas 485
    • Trátase dunha ferramenta pioneira, creada pola Axencia de Turismo, para mellorar a xestión dos pequenos aloxamentos turísticos.
    • Xeshostal está dispoñible no CDTIC Virtual, un servizo permite ás empresas a posibilidade de analizar e probar solucións empresarias libres que están aloxadas na nube.

    O CDTIC acolle, este mercores 11 de marzo, unha sesión demostradora sobre Xeshostal, un software para a xestión hoteleira, desenvolvido pola Axencia de Turismo da Xunta e liberado no Repositorio de Software Libre de Galicia en colaboracion coa Amtega.
    Banner da xornada de demostración de Xeshostal
    Na  xornada, que se desenvolverá en horario de 16.30 a 18.00 horas, amosarase o funcionamento da aplicación Xeshostal, unha ferramenta deseñada para que os pequenos establecementos hoteleiros poidan xestionar as súas reservas e facturas nunha base de datos ordenada de clientes. Así mesmo, permite fixar e modificar os prezos dos cuartos en función das súas características e obter informes de xestión e planificación semanais ou mensuais de limpeza, de datos de ocupación etc.   

    Esta sesión está destinada a profesionais do sector turístico, principalmente os do sector hoteleiro. A demostración correrá a cargo de Antón Macías de Miguel, enxeñeiro en Informática de Sistemas cunha longa experiencia como programador tanto no sector público coma no privado, e con experiencia no mantemento do aplicativo Xeshostal.

    [Ler máis]
Sindicación RSS Sindicación RSS: Novas