Mozilla acaba de anunciar a primeira beta oficial do futuro Firefox 3.6, a cal trae integrado a compatibilidade cos temas (Personas), un mellor rendemento no inicio e no uso de JavaScript, aviso de complementos desactualizados (para evitar problemas de seguranza) e máis.

Ademais, pódese descargar unha versión en galego da mesma desde as seguintes ligazóns:

Outras das novas características son:

• Compatibilidade coas novas características das tecnoloxías CSS, DOM e HTML5.
• Compatibilidade cos tipos de letra WOFF.
• Modo a pantalla completa para a compatibilidade co estándar Open Vídeo
• e máis...

Esta versión é unha beta, polo que se atopa nunha das primeiras fases de desenvolvemento e non se recomenda o seu uso en contornas de produción. Se aínda así, te animas a probalo, poder facer as túas apreciacións, comentarios, ou informes de erro na lista de coordinación oficial do proxecto de tradución ao galego de Firefox en http://galician.mozdev.org

Para un uso diario, recoméndase usar a versión actual de Firefox, o Firefox 3.5.4, actualizado recentemente e tamén dispoñíbel en galego e que corrixe diversos problemas de seguranza sobre a súa versión anterior.