Anualmente, o Plan en materia de Software Libre define a senda das políticas e das actuacións a desenvolver para o incremento do uso do Software Libre en Galicia, nos ámbitos empresarial, da administración pública e da cidadanía, sempre dentro do marco da Axenda Dixital 2014.gal.

Dende que no ano 2010 a Xunta de Galicia puxera en marcha, por primeira vez en Galicia, un plan específico orientado ao fomento do Software Libre, na nosa Comunidade téñense conseguido grandes avances na súa adopción e uso nos diversos ámbitos da nosa sociedade. Subliñar por exemplo o incremento do uso do Software Libre nos equipos dos empregados públicos onde se pasou dun 46% no ano 2009 ata un 94% no 2012. Salientar tamén a importante evolución no uso de software libre tanto nas empresas, onde se pasa de apenas un 33% das empresas que usaban software libre a finais de 2008 ata case un 74% no 2012; como nas empresas do sector TIC que aínda que partían dunha mellor posición, con case un 70% das empresas, tamén presentan unha mellora acadando un 82% das empresas TIC no 2012.

Os resultados obtidos dende o ano 2010 están a ser pois moi satisfactorios, reflectíndose os principais aspectos dos mesmos nos respectivos informes anuais de seguimento do plan de acción en materia de software libre.

Plan de acción en materia de Software Libre 2013

Durante o ano 2013 a Xunta de Galicia mantén a súa aposta decidida polo fomento e promoción do Software Libre e dos estándares abertos, considerando tales tecnoloxías como ferramentas de gran valor para avanzar cara un modelo produtivo máis sostible, cara unha sociedade máis competente no ámbito tecnolóxico, e cara unha administración pública máis eficiente e próxima á cidadanía.

O Plan de Acción Software Libre 2013 será un ano máis o motor para continuar o traballo a prol do software libre na nosa Comunidade. Neste Plan non só se materializa a continuidade coas accións dos anos anteriores e o aproveitamento eficaz e eficiente das diversas ferramentas implementadas nestes anos, senón que se promove a transversalidade do software libre aos diferentes proxectos de promoción da sociedade da información dende a AMTEGA, como o CDTIC, o programa de Voluntariado Dixital, a rede CeMIT ...

A colaboración cos axentes do ecosistema do software libre galegos, Asociacións de Usuarios de Software Libre, a Asociación Galega de Empresas de Software Libre, as tres Universidades Galegas, os colexios profesionais, xunto con CENATIC, permite xuntar esforzos e executar unha estratexia global e integradora.

O plan de acción en materia de Software Libre 2013 continuará desenvolvendo as liñas estratéxicas marcadas nos anos anteriores no contexto da Axenda Dixital 2014.gal:

1. Impulsar unha oferta de solucións baseada en FLOSS de calidade
2. Promover a implantación efectiva dos estándares abertos
3. Fortalecer os mecanismos de formación e difusión dos modelos baseados en Software Libre e as súas vantaxes competitivas

Para a execución destas liñas estratéxicas farase fincapé nas accións e actividades dirixidas a acadar en Galicia un maior uso do Software Libre nos ámbitos da Administración Pública, da Cidadanía e da Empresa.

Para coñecer con maior detalle o alcance das accións promovidas nos plan de acción anuais da Xunta de Galicia está dispoñible para a súa descarga tanto os plan como os informes anuais dende o ano 2010:

Ano 2013

• Plan de acción 2013 en materia de Software Libre (en galego).
• Presentación resumida do plan de acción 2013 (en galego).

• Plan de acción 2013 en materia de Software Libre (en castelán).
• Presentación resumida do plan de acción 2013 (en castelán).

Ano 2012

• Informe de seguimento do Plan de acción 2012 (en galego).
• Presentación resumida do balance do plan de acción 2012 (en galego).

• Informe de seguimento do Plan de acción 2012 (en castelán).
• Presentación resumida do balance do plan de acción 2012 (en castelán).

• Plan de acción 2012 en materia de Software Libre (en galego).
• Presentación resumida do plan de acción 2012 (en galego).

• Plan de acción 2012 en materia de Software Libre (en castelán).
• Presentación resumida do plan de acción 2012 (en castelán).

Ano 2011

• Informe de seguimento do Plan de acción 2011 (en galego).
• Presentación resumida do balance do plan de acción 2011 (en galego).

• Informe de seguimento do Plan de acción 2011 (en castelán).
• Presentación resumida do balance do plan de acción 2011 (en castelán).

• Plan de acción 2011 en materia de Software Libre (en castelán).
• Presentación resumida do plan de acción 2011 (en castelán).

Ano 2010

• Informe de seguimento do Plan de acción 2010