Tegnix é unha empresa galega que vén desenvolvendo a súa actividade como consultora altamente especializada en Software Libre dende o ano 2004, despregando proxectos tecnolóxicos como realizando accións formativas a través de Aula Tegnix con calidade certificada.

Agora mesmo está implicada nun proceso de ampliación de negocio na liña de formación en software libre para o que busca cubrir ata 13 prazas; un perfil de desenvolvemento de negocio e 12 docentes especializados en software libre.

Todas as persoas interesadas en algún dos postos deberán enviar o seu curriculum por correo electrónico en formato estándar ISO, como pode ser ODF ou PDF, ao enderezo rrhh@tegnix.com ou ben ao enderezo postal de Tegnix:

A empresa 3.14 Financial Contents busca un enxeñeiro informático para incorporación inmediata á súa plantilla.

A persoa seleccionada traballará en proxectos internacionais de e-business integrándose dentro dun equipo novo e con clara orientación á innovación. Traballará con tecnoloxías de código aberto.

Os requisitos para acceder ao posto de traballo son os seguintes:

• Enxeñeiro Informático (Técnico ou Superior)
• Coñecementos en sistemas GNU/Linux
• Experiencia en desenvolvementos Django/Python
• Valoraranse coñecementos de Javascript e AJAX
• Valoraranse coñecementos de SOAP, XML, REST, JSON 

A empresa Sdweb, socia de AGASOL, e ubicada en Santiago de Compostela, infórmanos que oferta un posto de traballo para incorporar un enxeñeiro técnico ou superior en Informática para realizar proxectos de desenvolvemento software. As tarefas a realizar consistirían na análise, deseño e desenvolvemento de aplicacións informáticas en diferentes tecnoloxías así como a redacción de documentación funcional e técnica.

Requírese unha persoa seria e profesional, con moitas ganas aprender, e medrar profesionalmente. Requírese titulados en Enxeñería Técnica ou Superior en Informática ou en disposición de obter o título en breve. Non é imprescindible ter rematado o proxecto de fin de carreira, ofrecéndose a posibilidade de realizar o Proxecto Fin de Carreira dentro da empresa.

Valoraranse especialmente os coñecementos demostrables en xestores de contidos (Drupal, LifeRay, OpenCMS)

A empresa 3.14 Financial Contents busca un enxeñeiro informático para incorporación inmediata á súa plantilla. A persoa seleccionada traballará en proxectos de innovación e proxectos e-business integrándose dentro dun equipo novo e con clara orientación á innovación. Traballará con tecnoloxías de código aberto e unirase a proxectos de investigación cunha aposta internacional.

Os requisitos para acceder ao posto de traballo son os seguintes:

• Enxeñeiro Informático (Técnico ou Superior) ou no último ano de carreira
• Coñecementos en sistemas GNU/Linux
• Valoraranse coñecementos de Python, Javascript e AJAX
• Habilidades Comunicativas
• Coñecementos de Inglés
• Posibilidade de incorporación inmediata

A empresa 3.14 Financial Contents busca un enxeñeiro informático para incorporación inmediata á súa plantilla. A persoa seleccionada traballará en proxectos de innovación e proxectos e-business integrándose dentro dun equipo novo e con clara orientación á innovación. Traballará con tecnoloxías de código aberto e unirase a proxectos de investigación cunha aposta internacional.

Os requisitos para acceder ao posto de traballo son os seguintes:

• Enxeñeiro Informático (Técnico ou Superior)
• Experiencia en contornos de traballo Unix / Linux
• Coñecementos de Python e/ou PHP
• Coñecementos de Frameworks (Django, Zend Framework, etc.)
• Valoraranse coñecementos de Javascript e AJAX
• Interese en Innovación e mellora continua
• Habilidades Comunicativas
• Coñecementos elevados de Inglés

A empresa ofrece:

• Posto permanente e indefinido con posibilidade de ascenso.
• Retribución segundo experiencia.
• Xornada completa.
• Horario adaptable e posibilidade de teletraballo 1 ou 2 días á semana.

As persoas interesadas deben dirixir as súas candidaturas ao contacto info @ 3.14financialcontents.com

Igalia busca dúas persoas para cubrir dous postos de traballo, un de desenvolvedor web e outro no seu grupo de traballo de WebKit.

Perfil de desenvolvedor web

Búscase unha persoa apaixonada polo software libre, con boas habilidades técnicas en desenvolvemento web así como un alto dominio da lingua inglesa.

Requisitos requiridos:

• Titulación superior en Informáticas ou Enxeñería do Software ou equivalencia profesional equivalente.
• Coñecementos en GNU/Linux – Ubuntu, Debian e RH ES etc.
• Coñecementos de frameworks de desenvolvemento web e experiencia en desenenvolvemento web, incluíndo bos coñecementos do protocolo HTTP e os servizos web.
• Coñecementos profundos dos estándares web HTML, CSS e XML.
• Amplo coñecemento de JavaScript.
• Alto dominio do Inglés.
• Fortes habilidades comunicativas.
• Capacidade de traballo en equipo.
• Capacidade para a toma de decisións e vontade de unirse a unha empresa para se converter en socio responsable.

Dende o grupo de Investigación Galabra (de Estudos nos Sistemas Culturais Galego-Luso-Brasileiro e Africanos de Lingua Portuguesa) da Universidade de Santiago de Compostela (USC) fannos chegar unha oferta de contratación para unha persoa para a realización das seguintes tarefas:

• Adaptación e xestión da páxina web (html).
• Construción, normalización e preenchemento de Bases de Datos (X/LAPM, php, sql, openoffice).
• Apoio na solicitude e execución de proxectos de investigación.

Cidadanía, cooperativa que traballa desde o ano 2000 en procesos de democracia participativa e participación cidadá, foi adxudicataria dunha bolsa de innovación da Fundación Caixanova, para apoio ao desenvolvemento do Proxecto e-cidadania.
O proxecto consiste na creación dunha plataforma que posibilite procesos participativos a través de internet, seguindo os criterios metodolóxicos de Cidadania.

Para concorrer á bolsa e colaborar neste proxecto buscan un perfil de persoa de ata 27 anos, con formación en software libre (capacidade básica de programación) e no funcionamento de redes sociais e web 2.0.

CartoLab, o Laboratorio de Enxeñería Cartográfíca da ETS de Caminos, Canales e Portos, busca incorporar novo persoal para o Grupo de Desenvolvemento. Busca persoas interesadas na programación sobre Sistemas de Información Xeográfica baixo a filosofía do software libre para afianzar o traballo que veñen realizando nos últimos anos, consolidar unha serie de proxectos en marcha e avanzar en novas iniciativas.

Para iso oferta bolsa/contrato para participar nos proxectos relacionados coas tecnoloxías da información e os sistemas de información xeográfica. O perfil requirido é de Enxeñeiro Técnico ou Superior de Informática, ou estudante dos últimos cursas das titulacións mencionadas.

A Universidade de Santiago de Compostela oferta un contrato de investigación para participar no equipo de investigación do proxecto: "Ontopédia: Extração automática de informação ontológica e enciclopédica sobre entidades mencionadas", financiado polo Ministerio de Ciencia e Innovación.

Titulación requirida:Enxeñería Informática, Enxeñería Técnica Informática ou Lingüista Computacional.

Actividades a realizar:

• Estudo de repositorios de información enciclopédica libres: freebase, YAGO, ...
• Extracción de información enciclopédica a partir de dados semi-estruturados da Wikipedia: infoboxes, categorías, wikitables, ...
• Creación dun novo repositorio libre de información enciclopédica a partir dos xa existentes e da extracción automática da Wikipedia