- Inicio >
- Coñece Mancomún > Misión e visión
Mancomún (Def. na Galipedia, a wikipedia en galego):
Úsase o termo mancomún para referirse a unha unión de persoas, esforzos, intereses, institucións ou cousas para acadar un determinado fin común, ou atender servizos e problemas comúns.
Aínda que a acepción máis empregada é para referirse a unións de concellos ou veciños ("montes en mancomún"), tamén pode empregarse en expresións como "traballar en mancomún" co significado de traballar para conquerir unha propiedade colectiva.
Misión e visión
O Goberno galego e a Consellaría de Innovación e Industria, con este portal dá un paso máis no cumprimento do seu acordo de Goberno do pasado mes de xullo de 2005, apostando decididamente pola implantación do software libre en Galicia con catro obxectivos principais:
- Facilitar o desenvolvemento industrial e innovador da PEME do sector TIC en Galicia
- Achegar a sociedade da información e do coñecemento á sociedade galega.
- Potenciar o uso de aplicativos informáticos na nosa lingua.
- Impulsar a utilización de estándares abertos para acadar a independencia tecnolóxica.
Neste senso, Mancomún - Centro de Referencia e Servizos de Software Libre pretende ser o punto de encontro das diferentes iniciativas sobre software libre que se están desenvolvendo dende os diferentes ámbitos: institucional, empresarial, educativo, voluntariado, etc.
Os eixos principais de Mancomún están baseados nun modelo de traballo colaborativo, compartido, aberto e estandarizado, público, transparente e de calidade.
MISIÓN
Fornecer recursos e servizos que promovan a implantación do software libre e dos estándares abertos para fomentar a innovación e o desenvolvemento tecnolóxico de Galicia.
VISIÓN
Consolidar un tecido TIC endóxeno capaz de dar resposta ás necesidades tecnolóxicas da cidadanía, as empresas e as institucións de Galicia para acadar a plena independencia tecnolóxica dende unha perspectiva integradora e global.
Sindicación RSS: Novas