A Universidade de Yale comezou a publicar algúns dos seus cursos na plataforma do consorcio OpenCourseWare, plataforma que engloba xa a máis de 160 universidades de todo o mundo, as cales decidiron abrir as portas das súas clases a calquera con unha conexión a internet e o desexo de aprender.

O MIT foi o pioneiro ao poñer desde 2002 na páxina http://ocw.mit.edu parte do contido das súas aulas. A Universidade de Yale, en vez de ofrecer tantos cursos como o MIT, concentrouse en ofrecer un pequeno número deles, pero con grabacións en vídeo de alta calidade e son en MP3.

• Xoves, 03-01-2008: Límite de presentación de documentación candidaturas.
• Martes, 08-01-2008: Presentación de reclamacións a candidaturas provisionais.
• Mércores, 09-01-2008: Proclamación definitiva de candidaturas.
• Venres 10-01-2008: Inicio campaña electoral.
• Xoves, 17-01-2008: Eleccións á xunta directiva de GPUL en asemblea, primeira convocatoria 19:00, segunda convocatoria 19:30

CG Madness é un xogo de habilidade inspirado en clásicos como Marble Madness ou Neverball. Neste tipo de xogos hai que de dirixir unha bóla ao longo dun circuíto ata a casa final, tratando de evitar en todo momento que a bóla caia ao baleiro ou se destrúa. Ten licenza [[GPL]] e está dispoñible para varias plataformas.

Publicouse a versión 1.2 de CG Madness, na que se vai vendo o traballo de mellora de detalles que lle faltaba á versión 1.0. Agora os niveis teñen un aspecto visual máis agradable, ten un menú onde se pode configurar varias opcións e escoller o nivel no que se quere xogar. Tamén se engadiu un sistema de puntuacións no que se pode rexistrar os mellores tempos para cada nivel, e grazas ao cal  se compite con outro usuario por facelo no menor tempo posible.

Canonical Ltd., a empresa que está detrás de Ubuntu, anunciou esta semana o lanzamento da versión 1.0 de Bazaar. Un gran fito para calquera proxecto polo grao de madurez que implica. Esta nova versión incorpora miles de contribucións, ducias de novos colaboradores, centos de erros corrixidos. Un sistema flexible, poderosamente simple e moi doado de usar.

As Direccións Xerais de Promoción Industrial e da Sociedade da Información e a de Ordenación e Innovación Educativa veñen de resolver os seus Premios a Recursos Educativos para a Sociedade da Información concedendo os premios a:

• 1º Premio (6.000 €) Traducíndote, Manuel Morán Vaquero
• 2º premio (4.000 €) Websqusr, Francisco Javier Taboada Aguado
• 3º premio (3.000 €) Galinux-Slax, Teodosio Francisco Ramírez Jorquera

Ambas direccións xerais queren, con estes premios de importante dotación económica e divididos en varias modalidades, promover a creación e divulgación de contidos dixitais de calidade na rede, impulsar o coñecemento do Software Libre por parte da comunidade educativa e recoñecer e valorar o esforzo do profesorado na adopción das tecnoloxías de información e comunicación no seu traballo cotián.

Segundo o sitio TechIQ, hai unha serie de empresas que están destinadas a triunfar no seu negocio o ano que vén, todas elas teñen un denominador común, o Software Libre:

• Red Hat: Inalterada  fronte á incursión de Oracle no mercado de Linux e a alianza entre Microsoft e Novell, Red Hat espera conseguir o 50% do mercado dos servidores para o 2015.
• Untangle: Descoñecida por aquí, Untangle ofrece un gateway Open Source que bloquea spam, spyware, adware e virus.
• WordPress: Segue emerxendo desde a plataforma de blogging máis popular ata o verdadeiro estándar de facto.
• OpenBravo: O Enterprise Resource Planning (ERP) Open Source que tamén ten ambicións no mercado dos PoS (Point of Sale).
• JasperSoft: O software de "business intelligence" de código aberto que é a extensión lóxica de SugarCRM e MySQL.