Ars Technica vén de publicar un interesante debate sobre os motivos polos que Mozilla seguirá usando Gecko a pesar da popularidade de WebKit.

WebKit é un motor de renderizado de HTML de código aberto, desenvolvido por Apple a partir do código do proxecto KTHML, e que é recoñecido por ser sumamente livián, ter unha base de código extensa e limpa, cumprir estritamente cos estándares e usar pouca memoria para o seu funcionamento. Gecko, por outra parte, apunta a ser moito máis ca un motor HTML. Ademais de renderizar HTML, ofrece un marco para o desenvolvemento de interfaces de usuario baseadas en XML (XUL), incorpora un modelo de compoñentes multiplataforma (XPCOM) que lle permite ser completamente modular e fornece de servizos para soportar extensións no navegador (unha das características máis valiosas de Firefox).

Google Chrome non para de dar que falar e, aínda que xa presentou diversas vulnerabilidades e só é empregado -polo de agora- por un un por cento dos internautas, o navegador anunció que nas vindeiras semanas lanzará ao mercado unha versión para os sistemas operativos Linux e Mac.

No seu portal para os usuarios Mac, a empresa de Mountain View afirma que debido ás numerosas peticións dos usuarios da rede, pronto haberá un anuncio das novas versións. De feito, o Google habilitou un par de páxinas onde, co rexistro do contacto electrónico, os interesados poderán ser informados a cerca de novas, actualizacións e a data para a descarga en Mac e en Linux.

Estas novas versións, segundo explica a autora do artigo do blog, estarán tamén baseadas en tecnoloxía de código aberto para que outros desenvolvedores poidan participar na súa mellora.

A tradución ao galego de KeepassX, a aplicación homóloga para Linux deste xestor de contrasinais, atópase dispoñible na Forxa de Mancomún

Atópase dispoñible para a súa descarga unha nova revisión de Keepass, neste caso a versión 1.13.

Keepass é un programa baseado en código aberto que permite almacenar os nosos contrasinais encriptados e ordenalo por categorías e grupos que non precisan instalación. Deste xeito a aplicación pode ser gardada nunha chave USB que nos permita levalo connosco a onde queiramos e de xeito seguro, posto que incluso para abrir o programa é preciso crear unha clave mestra (o cal o programa garda cifrado ou aparte, mesmo noutro dispositivo esterno).

A distribución de Linux pretende ofrecer unha virtualización completa en servidores e sobremesa provistos de Software Libre

Red Hat vén de adquirir Qumranet, una compra que axudará á compañía líder mundial de solucións de código aberto a transformar o mercado de virtualización e a impulsar unha tecnoloxía de virtualización e solucións de xestión completas en todo os sistemas.

A adquisición comprende solucións de virtualización compostas pola plataforma KVM (Kernerl Virtual Machine) e SolidIce. Ademais, o equipo de profesionais de Qumranet, que desenvolve, proba e dá soporte ás solucións da empresa, e os líderes do proxecto KVM da comunidade open source uniranse a Red Hat.

Elastix, segundo os seus creadores, é unha distribución GNU/Linuxque integra baixo unha única interface as mellores ferramentas dispoñibles para montar unha centralita (PBX) baseada en Asterisk. Os obxectivos desta distribución son a fiabilidade, a modularidade así como a usabilidade.

Entre as súas características atopamos o soporte para videollamadas, reenvío de faxes recibidos ao correo electrónico, configuración  gŕáfica dos parámetros de rede, interface para facturación...Na súa web teñen dispoñibles numerosas capturas de pantalla.

Acaban de publicar a versión estable 1.2, na que ademais de actualizar as aplicacións incluídas, ás últimas versións, corrixen numerosos erros e engaden novas funcionalidades.

A consola dispón, ademais, dunha ranura para un cartón SD e un conector USB 2.0. Inclúe tamén unha pantalla de 320x240 (QVGA) e unha batería de Ion-Litio que promete até 5 horas de diversión.

Co lanzamento de Chrome aínda facendo eco en todos os medios, a xente de Mozilla tiña que contrarrestar dalgún xeito o incrible bo recibimento que está tendo este navegador de Google. Para isto os desenvolvedores de Firefox veñen de informar máis detalladamente das cualidades que terá a nova versión 3.1, a cal supostamente será lanzada a finais de ano.

Entre estas características, Mozilla quixo destacar a rapidez coa que funcionará o Firefox 3.1 coma unha das principais vantaxes fronte o resto de navegadores.

Aínda que actualmente, Crome corre baixo V8, un motor JavaScript open source que, segundo explica Google, é o máis rápido que se pode ver na web, Firefox 3,1 utilizará TraceMonkey.

TraceMonkey é un novo motor, do que xa deramos conta en Mancomún e  que segundo o programador Brendan Eich, eclipsará calquera esforzo que a xente de Chrome poida realizar.