IBM anunciou a sua intención de expandir o seu soporte e ferramentas para a plataforma de desenvolvemento Eclipse Open Source. Dende o seu lanzamento en xuño, a última versión de Eclipse (Eclipse 3.2) foi descargada cerca dun millón e medio de veces e segundo un recente estudo do IDC, está sendo usada por máis de 2 millóns de usuarios ...

O coordinador xeral de Softcatalá, Jordi Màs, presentará o vindeiro xoves 28 de setembro o seu libro Software Libre. Tecnicamente viábel, economicamente sostíbel e socialmente xusto, traducido ao galego por Daniel Romero e Ana Salgado. O acto será na Galería Sargadelos (rúa nova, 16) en Santiago de Compostela ás 20 horas. O libro, que está editado por Biblos Clube de lectores, conta co patrocinio do proxecto mancomun.org

A Universida Oberta de Catalunya (UOC) poñerá en marcha este curso un proxecto piloto no que se pretende impulsar o uso do Software Libre, tanto a nivel académico como institucional. Esta iniciativa reforza a aposta da UOC polo Software Libre que xa estaba plasmada a través do seu máster en Software Libre, que está coordinado por Jordi Màs, e que ten os materiais dispoñibles baixo licenza [[Creative Commons]].

O Observatorio galego de Software Libre vén de publicar o informe da evolución da situación do Software Libre nas políticas estatais e internacionais , correspondente ao período maio-xullo, feito pola Universidade da Coruña. Este informe é froito do traballo desenvolvido dentro do convenio asinado co CESGA para a realización de accións encamiñadas a impulsar o Software Libre na nosa comunidade, e complementa ao informe inicial sobre a situación do Software Libre no ámbito das políticas estatais e internacionais publicado en maio. ...

Dende o pasado 1 de setembro está aberto o prazo para inscribirse no Primeiro Concurso Universitario de Software Libre. Esta iniciativa pretende estimular aos estudantes universitarios para que se involucren na participación e creación de proxectos baseados en Software Libre.

O repositorio de software libre da “Junta de Andalucía” foi posto en funcionamento en febreiro de 2006 para dar cumprimento á Orde do 21 de febreiro de 2005, sobre dispoñibilidade pública dos programas informáticos da “Junta de Andalucía” e dos seus Organismos Autónomos.

A Junta de Extremadura presentará o día 31 de agosto, no evento organizado polo United Nations Institutte for Training and Research (UNITAR) e a Conferencia das Nacións Unidas sobre Comercio e Desenvolvemento (UNCTAD) o seu modelo de Sociedade da Información baseado no Software Libre.