Acabamos de poñer a funcionar unha nova lista de distribución de correo electrónico, chamada "Ofertas de traballo relacionadas co Software Libre", coa pretensión de que esta sirva para a publicación de ofertas de emprego relacionadas co Software Libre.

E para dar exemplo, enviamos á lista a oferta de emprego publicada onte en mancomun.org para o desenvolvemento da forxa.

Para enviar unha oferta de emprego relacionada con Software Libre a esta lista hai que mandar un correo electrónico co texto da oferta á seguinte dirección de correo electrónico:

ofertas_emprego_software_libre@mancomun.org  

Máis información na páxina de información da lista en
http://listas.mancomun.org/mailman/listinfo/ofertas_emprego_software_libre.

O Vicerreitorado de Calidade e Harmonización Europea convoca tres contratos de traballo de persoal informático para o desenvolvemento do convenio de colaboración entre a Consellería de Innovación e Industria e a Universidade da Coruña para a realización e mantemento dunha plataforma axeitada para o desenvolvemento de proxectos colaborativos de Software Libre, así como a dinamización, investigación e soporte técnico dos correspondentes proxectos baixo a supervisión da Oficina de Sóftware Libre da UDC...

O Pleno do Congreso dos Deputados vén de aprobar case por unanimidade (299 votos a favor, 1 en branco e unha abstención) unha proposición non de lei que insta ao goberno a promover o Software Libre entre a administración e os cidadáns.

Favorecerase deste xeito o uso de estándares abertos e o desenvolvemento de solucións libres. Entre as vantaxes salientadas polos deputados están a interoperabilidade, a adaptabilidade a todas as linguas do Estado, o aforro económico en licenzas e a racionalidade técnica e tecnolóxica.

Segundo Lourdes Muñoz, deputada do Partit dels Socialistes de Catalunya, que defende esta iniciativa no pleno do Congreso "o contido da proposición non de Lei ten como obxectivo fundamental a promoción do Software Libre e, ademais, o de garantir que as persoas, ao relacionarse coas distintas administracións públicas, non sexan discriminadas en función do software que utilicen".

O Observatorio galego de Software Libre vén de publicar o informe da evolución da situación do Software Libre nas políticas estatais e internacionais, correspondente ao período agosto-outubro, feito pola Universidade da Coruña. Este informe é froito do traballo desenvolvido dentro do convenio asinado co CESGA para a realización de accións encamiñadas a impulsar o Software Libre na nosa comunidade, e complementa ao informe inicial sobre a situación do Software Libre no ámbito das políticas estatais e internacionais publicado en maio e ao segundo correspondente ao período maio-xullo.

SOLES WS 1.0 é unha distribución GNU/Linux dirixida a PC de escritorio en contornas corporativas da economía social e a usuarios con calquera nivel de experiencia tanto con computadores como con GNU/Linux. Dispoñible para procesadores [[Intel]] e [[AMD]] de 32 bits, SOLES WS 1.0 ofrece un escritorio completo, estable e intuitivo que facilita o acceso a GNU/Linux e que inclúe todas as posibilidades que calquera usuario pode demandar: ofimática, Internet, multimedia, educación, lecer, etc, xunto cos máis completos sistemas de seguridade, como unha devasa persoal, un analizador de virus de Windows e un filtro de correo lixo. En definitiva, SOLES WS 1.0 combina a robustez e estabilidade de GNU/Linux, a potencia e versatilidade de [[Debian]] e a amigabilidade e usabilidade do escritorio [[KDE]]...

Dende hoxe contamos cunha nova sección dentro do noso apartado Software Libre na PEME. Trátase de Software Libre para a PEME onde iremos recompilando as aplicacións máis interesantes para o eido empresarial. Estarán dispoñibles para a descarga as ferramentas máis interesantes neste ámbito coa intención de solventar os problemas máis comúns das empresas: programas de contabilidade, facturación, CRM, ERP, xestión de existencias...