Recentemente, Mancomún adheriuse como proxecto ao Centro Europeo de Interoperabilidade Semántica (SEMIC).

O SEMIC é un proxecto europeo que pretende intercambiar datos para servizos de administración electrónica pan-europeos. No proxecto crearase un repositorio de recursos de interoperabilidade que poidan ser usados por calquera proxecto de administración electrónica e grupos de interese.

O punto de partida do SEMIC será o 17 de xuño coa conferencia de lanzamento do proxecto en Bruxelas...

• Sf.net
  
• DVD da peme de Mancomun.org

Avisamos a todos os nosos usuarios que está previsto para hoxe unha parada temporal de todos os servizos de mancomún debido a un corte programado do suministro eléctrico nas instalacións do CESGA por cuestións de mantemento.

O corte terá lugar ás 13:30 da tarde. Agardamos que os nosos servixos se restablecen á maior brevidade posible.

Como informamos onte brevemente, grazas aos voluntarios que adicaron parte das súas horas de lecer no XGN a traducir no Entrans, conseguiuse traducir as máis de 1500 cadeas da interface da futura versión 3.0 do OpenOffice.org, cuxo lanzamento está previsto para outubro de 2008. Mais iso non foi todo.

En previsión de que se conseguise o reto, e para que ninguén se quedara sen a posibilidade de traducir e participar no sorteo do concurso, o equipo de mancomún subimos ao Entrans moitos máis proxectos nos que tamén se avanzou bastante na súa tradución durante o XGN. Así, entre outras, traducíronse case 400 cadeas do Celestia , proxecto de código aberto de simulación do espazo que permite explorar o noso universo en tres dimensións; case 200 cadeas do futuro Firefox 3.0 e outras tantas do QDVDAuthor, aplicación para a creación de DVDs con menús doadamente.

Dende mancomún queremos agradecer unha vez máis a boa acollida que tivo o noso reto e a estupenda resposta ao mesmo como demostran os números anteriores. Informámosvos tamén que todos estes proxectos van seguir dispoñibles no Entrans para que todos os que queirades seguir colaborando o poidades facer e xuntos conseguir o maior número de aplicacións libres e en galego.

Da rolda de correo de desenvolvedores de Mailman, chéganos o correo-e do anuncio da versión de Mailman 2.1.10 b4. Esta versión principalmente é unha bug fix release (versión de corrección de erros) e é recomendable que todos os sitios web que executen Mailman se actualicen á mesma. No entanto, esta versión ten unha importancia especial para Galiza xa que é a primeira que ten a tradución oficial ao galego integrada:

"Changes since 2.1.10b3 include the Galician translation and updates to the French translation (Vietnamese and Danish translations were updated in 2.1.10b3)."

Para máis información e ligazóns de descarga, podedes visitar as seguintes ligazóns:
http://www.list.org
http://mailman.sf.net
http://www.gnu.org/software/mailman

Segundo informa a páxina da Consellería de Innovación e Industria, o consello da Xunta aprobará hoxe, a instancias da citada Consellaría, a sinatura do convenio de colaboración entre a Consellaría e as tres universidades galegas mediante o cal se financiará a posta en marcha e mantemento de oficinas de software libre nos tres órganos educativos.

Ademais, establecerase o marco de coordinación con Mancomún, Centro de Referencia e Servizos de Software Libre de Galiza. A cantidade que a Consellaría dispón para tal fin é de 240.000 euros.

Con este convenio realizaranse actuacións destinadas á creación e consolidación das oficinas de Software Libre nas tres universidades que respondan ás seguinte características: que conten cun coordinador a tempo completo responsable da coordinación con outras oficinas de software libre universitarias e o Centro de Referencia e Servizos de Software Libre de Galiza da Consellaría; contar cun coordinador e un equipo de apoio; a creación dun espazo web específico da oficina de software libre universitaria onde se recolla os seus obxectivos, estrutura, contacto e principais actividades; o compromiso de presentar nos dous primeiros meses de vixencia deste convenio un plano anual de actuación da oficina correspondente ao 2008 e 2009; e a proposición de novas iniciativas para o desenvolvemento do software libre no ámbito das súas institucións.

Asemade, tamén se fixará o marco de coordinación e colaboración co Centro de Referencia e Servizos de Software Libre de Galicia mediante a creación dunha comisión de coordinación técnica das actividades desenvolvidas polas tres oficinas universitarias de software libre e o Centro de Referencia e Servizos de Software Libre de Galiza da Consellaría. As oficinas tamén terán que incorporar contidos á web de mancomun.org e colaborar na difusión das actividades e información da Dirección Xeral de Promoción Industrial e da Sociedade da Información...