No futuro non haberá novas versións de LinEx-Edu distintas ás de Debian-Edu. As versións para Educacións de ambas distribucións de software libre integrarán as mesmas aplicacións, que ademais serán desenvoltas a través de fórmulas colaborativas aínda máis afinadas. Esta é unha das conclusións que destacan os técnicos da Junta de Extremadura participantes na Work Sessions Extremadura 2008 que reuniu a fin de semana pasada na capital autonómica a dezasete dos integrantes do equipo de traballo de Debian-Edu procedentes de seis países distintos...

A Ciberirmandade da Fala nos avisa da nova versión dun dos sistemas para foros máis estendidos, o phpBB3. Esta nova versión tamén conta con unha nova tradución ao galego revisada por eles mesmos a raíz dos erros detectados: "aproveitamos a ocasión de actualizar a tradución ao galego para facer unha pequena revisión xeral na que corriximos algúns erros da mesma, seguindo co traballo de mantemento que vimos facendo de continuo."...

Dentro das actividades de observación levadas a cabo por Mancomún, Centro de Referencia e Servizos de Software Libre de Galiza destaca o estudo sobre o nivel de implantación do Software Libre na nosa comunidade. Este estudo abrangue catro ámbitos ben diferenciados: concellos, os centros de ensino non universitario, a PEME e a PEME TIC. 

Hai algo máis dun mes publicamos o informe comparativo entre estes catro ámbitos, que nos daba unha boa idea da evolución ocorrida nestes dous últimos ano no uso do Software Libre en Galiza. Nos resultados dese informe percibíase que o aumento do uso do SwL nestes dous anos é unha constante en todos os ámbitos de estudo, deixando de ser unha tecnoloxía case exclusiva da PEME do sector TIC penetrando con forza nos demais sectores.

Como xa comentamos entón, o máis destacable é a evolución da PEME onde se duplica o uso do SwL e dos Centros de Ensino onde se triplica. A esta evolución únese, por unha banda, que as entidades que usan o SwL están moi satisfeitas co seu uso de maneira que llo aconsellarían a outras entidades e, por outra, que a previsión de uso futuro é claramente positiva.

Hoxe publicamos na sección do Observatorio os catro estudos individuais de cada sector nos que se presentan con maior detalle os resultados de cada un deles.

Informe do uso do SwL na PEME
Informe do uso do SwL na PEME TIC  
Informe do uso do SwL nos Centros de Ensino
Informe do uso do SwL nos Concellos

O proxecto Decathlon é un proxecto coordinado polo organización de tradución de software de Suráfrica que ten como obxectivo principal conseguir traducir 10 ou máis programas a distintos idiomas.

Outros dos obxectivos son:

A Dirección Xeral do Libro, Arquivos e Bibliotecas do Ministerio de Cultura convoca axudas para a conservación de material cultural dixitalizado mediante repositorios, de acordo coa Open Archives Initiative. O prazo está aberto até o 30 de abril.

A Open Archives Initiative pretende facilitar o acceso a artigos en electrónico ("e-print") e un incremento da dispoñibilidade dos mesmos para o mundo educativo...

O corpus de Mancomún é un servizo que ata o de agora só se podía traballar con él facendo uso dun navegador. Agora é posible integrar o servizo dentro doutras aplicacións facilitando o traballo e realizando procuras sen ter que abrir o navegador.

Para a integración co corpus de Mancomún desenvolvéronse dúas interfaces: unha vía XML e outra empregando XML-RPC. Deste xeito é posible facer procuras no Corpus dende outras aplicacións que fagan uso do servizo web e non limitarse a ter que utilizar o navegador web.