Mancomún

  • Seminarios sobre Big Data e cloud con software libre no CNTG

    Publicado por Mancomún
    Martes, 3 de Maio de 2016

    Imaxe do CNTG

    O CNTG organiza durante o mes de maio diversos seminarios sobre Big Data e cloud baseados no uso de ferramentas libres. Así, o 12, 18 e 23 de maio respectivamente terán lugar nas súas instalacións os seminarios:

    O acceso a calquera dos tres seminarios, é de balde e condicionado ao aforo do local, polo que se recomenda realizar a inscrición previa en liña a través do portal web do CNTG. O acceso para aquelas persoas NON inscritas estará condicionado á existencia de prazas libres o día de celebración do evento. A data límite de inscrición é o día antes de cada un dos seminarios.

    As persoas interesadas en asistir a estes seminarios que non poidan desprazarse a Santiago, poden consultar na rede de aulas CeMIT, http://cemit.xunta.es, cal é a aula CeMIT máis próxima ao seu domicilio na que se vai emitir o evento e solicitar a súa participación vía videoconferencia.

    [Ler máis]
  • A FIC acolle o sábado o Scratch Day organizado polo CPETIG

    Publicado por Mancomún
    Luns, 2 de Maio de 2016

    O vindeiro sábado 7 de maio a Facultade de Informática da Coruña (FIC) acolle o “Scratch Day” organizado polo Colexio Profesional de Enxeñaría Técnica en Informática (CPETIG) en colaboración coa propia FIC.

    Imaxe da comunidade Scratch

    O obxectivo deste evento é difundir os valores da programación informática entre os nenos e os seus pais. Diríxese fundamentalmente a rapazas e rapaces de entre 10 e 14 anos, que acompañados dun adulto, poderán compartir unha xornada aprendendo, profundando e divertíndose coa informática a través do contorno de programación Scratch.

    O evento comezará cunha breve presentación e demostración de Scratch para pasar logo á parte totalmente práctica con dous obradoiros paralelos de programación con Scratch de nivel iniciación e nivel avanzado.

    [Ler máis]
  • Ubuntu 16.04, a nova versión LTS, xa está dispoñible en galego

    Publicado por Mancomún
    Venres, 29 de Abril de 2016

    Ranking de idiomas na tradución de Ubuntu 16.04A semana pasada publicouse a nova versión de Ubuntu 16.04 (LTS), que terá mantemento e actualizacións durante 5 anos. Dende o proxecto Trasno, infórmannos que esta nova versión está dispoñible ao 93% na nosa lingua.

    Aínda que poida parecer unha cifra baixa, comparada co 100% doutras versións, compre aclarar que as estatísticas de tradución agora recollen tanto software do ambiente de escritorio coma do novo sistema móbil polo que o 100% de nivel de tradución non estivo desta volta ao alcance de ningún idioma, nin sequera para a mínima adaptación do inglés británico.

    [Ler máis]
  • Novos videotitoriais de MiniNo PicarOS

    Publicado por Mancomún
    Martes, 26 de Abril de 2016

    Logo de PicarOSO equipo de desenvolvemento de MiniNo e o seu sabor para cativos PicarOs, achégannos información sobre as últimas novidades do seu traballo. Concretamente sobre a publicación de novos videotitoriais sobre PicarOs e sobre a participación nas Xornada de boas prácticas docentes 2016 en Tudela, Navarra.

    Así mesmo estarán tamén presentes na próxima xornada que organiza AGASOL o vindeiro 30 de abril, Libreteo, da que vos falamos hai uns días.

    Así infórmannos da publicación de oito novos videotitoriais de uso de PicarOs, que deesta volta van adicados á edición gráfica, presentando solucións para actividades útiles para a educación primaria. Os novos vídeos dispoñibles son:

    [Ler máis]
  • 2º Hackatón de desenvolvemento dos GPUL Labs

    Publicado por Mancomún
    Venres, 22 de Abril de 2016

    Logo de GPUL labsGPUL anuncia o segundo Hackathon de desenvolvemento de Software Libre. A cita será o vindeiro sábado día 30 de abril.

    Igual que no anterior hackaton IoT, desenvolvido o pasado 9 de abril, o obxectivo é facer piña e crear unha comunidade de desenvolvedores preocupados polas tecnoloxías libres que impulsen proxectos de código aberto na nosa comunidade galega.

    Desta volta o evento decántase polo desenvolvemento colaborativo de ferramentas que dean resposta a necesidades comúns do día a día dos participantes ou do seu entorno laboral ou familiar. Trátase polo tanto dunha temática aberta polo que convértese nunha xornada ideal para compartir coñecementos e motivacións cos demais participantes.

    [Ler máis]
  • Agasol organiza LibreTeo, evento de software, cultura e coñecemento libre

    Publicado por Mancomún
    Mércores, 13 de Abril de 2016

    Agasol organiza o evento “LibreTeo, Software libre. Cultura libre. Coñecemento libre” en colaboración co Concello de Teo, Melisa, GALPon, Comunidade O Zulo, Boa idea, Orienta Galicia e Imaxin software.

    Imaxe de portada de LireTeo 2016

    A filosofía detrás deste evento é achegar ao público de xeito sinxelo os diferentes aspectos da cultura libre. Será posible coñecer xente que traballa ou constrúe software libre; xente que comparte a idea de que a cultura faise entre todos, e gusta de crear e compartir as súas creacións; e xente que comparte os seus coñecementos e desfruta facéndoo convencida de que o coñecemento compartido chega máis lonxe.

    O evento terá lugar o 30 de abril no Auditorio da Ramallosa do Concello de Teo.

    [Ler máis]
  • O CEPIG organiza un curso de Hardening Linux

    Publicado por Mancomún
    Mércores, 13 de Abril de 2016

    Logo de CPEIGO CPEIG organiza o curso Hardering Linux co obxectivo de presentar diferentes técnicas para fortificar sistemas Linux e os servizos que se poden executar en dito sistema. O curso vai guiado polo modelo de defensa en profundidade (DiD), o cal permite ir protexendo diferentes capas ou escenas da organización.

    O curso terá unha duración de 20 horas presenciais que se distribuirán en 4 sesións intensivas os venres pola tarde e sábados pola mañá durante dous fins de semana, o 29 e 30 de abril, e 6 e 7 de maio de 2016. O horario será de 16:30 a 21:30 os venres e de 09:00 á 14:00 os sábados. O curso celebrarase na ESEI da Universidade de Ourense.

    [Ler máis]
  • Celebración do 1º Hackatón GPUL IoT

    Publicado por Mancomún
    Mércores, 6 de Abril de 2016

    Logo de GPUL labsComo xa anunciamos no seu día, GPUL vai celebrar o seu primeiro hackatón dentro do marco das actividades do seu programa GPUL Labs.

    Este hackatón celebrase este sábado 9 de abril en Coruña, nas oficinas da empresa Igalia, que é patrocinador de ouro desta iniciativa dos GPUL labs.

    Segundo anunciaban onte no seu facebook, xa están cubertas todas as prazas para participar no hackaton, boa proba do interese que está a espertar esta inciativa promovida por GPUL entre a comunidade de desenvolvedores galega.

    [Ler máis]
  • Liberada a tradución de GNOME 3.20 en galego

    Publicado por Mancomún
    Martes, 5 de Abril de 2016

    Logo de GNOME en galegoRecentemente foi anunciada a publicación da nova versión da contorna de escritorio GNOME. Esta versión está dispoñible 100% na nosa lingua, grazas como sempre aos esforzos do equipo galego de tradución de GNOME

    Así o anunciaban a finais do pasado marzo que xa tiñamos dispoñible a nova versión da contorna de escritorio GNOME 3.20 completamente traducida ao galego. Este fito completa o ciclo de desenvolvemento que supuxo unha continuación do traballo iniciado na anterior publicación.

    [Ler máis]
  • Xamarin será liberado coma Open Source coma parte da .NET Foundation

    Publicado por Mancomún
    Luns, 4 de Abril de 2016

    Logo de XamarinO pasado 31 de Marzo, Nat Friedman, actual CEO e co-fundador de Xamarin, anunciou publicamente no blog oficial de Xamarin o compromiso de abrir o código de SDK de Xamarin, incluindo o runtime, as bibliotecas e ferramentas de liña de ordes, como parte dos proxectos da .NET Foundation nos vindeiros meses.

    Estos proxectos uniranse aos que Microsoft vén liberando en torno á platorma .NET dende finais de 2014.

    [Ler máis]
Axencia para a Modernización Tecnolóxica de Galicia
Galicia