A OTAN, por iniciativa do Ministerio de Defensa de Holanda e en cumprimento dos ditames do seu goberno de utilizar estándares abertos na súa administración, vén de incluir o formato ISO 26300:2006 (ODF 1.0) na súa lista de estándares para lograr a interoperabilidade.

A lista de estándares da OTAN non incluirá, non obstante, o formato OOXML (Office Open XML), competidor directo do formato ODF promovido por Microsoft e sometido actualmente a un polémico proceso de certificación ISO.