Mancomún intervirá no encontro cunha presentación do metapaquete Araos

Os amantes da informática teñen este fin de semana unha cita inexcusable na cidade de Lugo, onde, dende esta tarde e até o vindeiro 8 de decembro, terá lugar a Ludus Party .Net 2008. A terceira edición deste encontro prevé reunir na Feira de Mostras e Exposicións de Lugo a preto de 650 persoas, as cales poderán participar dos obradoiros, xogos, concursos e conferencias preparadas pola organización.

O software libre, como en anos anteriores, terá un apartado de especial relevancia. O Centro de Referencia e Servizos de Software Libre de Galiza participará no encontro para impartir unha charla sobre oa adaptación de Ubuntu GNU/Linux do araOS. Óscar García, técnico e desenvolvedor de Mancomún, achegará aos asistentes as características técnicas do produto, pero sobre todo o seu valor de usabilidade.

Visto en Agasol.org:

"O líder do sector panadeiro en Galicia exemplifica que non é excluínte a utilización de solucións baseadas en s oftware libre con aquelas propietarias que requiren o pago dunha licenza.

Dentro dunhas poucas semanas a vida será máis sinxela para os traballadores de Ipasa-Sanbrandán, a firma líder a nivel galego na elaboración de pan e empanada que conta cunha ampla rede de distribuidores. Desde o seu departamento de informática están a piques de implementar unha ferramenta que mellorará o control da produción en tempo real, o que redundará nun mellor servizo ao cliente.

Tras esta pequena revolución está Wireless Galicia, unha das compañías que conforman a Asociación Galega de Empresas de Software Libre. Fai uns meses recibiron un encargo desde Ipasa-Sanbrandán, empresa que modernizara o seu fluxo interno de información nas oficinas cun software de xestión ERP e quería facer o propio nas súas plantas de produción e na conexión destas cos distribuidores..."

O curso será impartido polo profesor Manuel Morán entre o 13 de xaneiro e o 03 de febreiro no IES Francisco Sánchez en Tui. Entre os contidos abordaranse estratexias para a migración a software libre do parque informático dun centro educativo e se informará sobre sistemas e aplicacións multiplataforma que propicien o coñecemento das tendencias de innovación e dos últimos desenvolvementos.

Sun Microsystems acaba de liberar a versión final do seu sistema operativo libre derivado do código de Unix System V, que inclúe algunhas das características de calquera distribución GNU/Linux.

OpenSolaris, desenvolvemento dirixido por Ian Murdock, fundador de Debian, libérase baixo licenza aberta Common Development and Distribution License Version 1.0 (CDDL). Segundo esta licenza, o código fonte está dispoñible e pode ser utilizado, copiado e redistribuído coa definición de software libre, aínda que non se plasmou de momento o uso de licenza dobre, que, coma se está a rumorear, afectaría á GPLv3 .

Está a piques de chegar xa ext4, a nova versión do sistema de ficheiros máis estendido no mundo GNU/Linux. No entanto, ext4 segue sendo un sistema de ficheiros "da vella escola" e non ofrece novas características como os "snapshots" en liña, versionado e máis cousas. Estas novas características si que son ofrecidas por ZFS pero non é unha opción para contornos GNU/Linux por motivos de licenciamento.

Btrfs é un novo sistema de ficheiros que si prové estas características e que moitos desenvolvedores do Kernel de Linux piden que se inclúa no mesmo para acelerar o seu desenvolvemento. Durante o próximo ano espérase que se estabilice o formato de sistema de ficheiros e que publiquen unha versión beta para probas.

oVirt

oVirt é unha pequena imaxe dun servidor que prové servizos libvirt e que fornece máquinas virtuais. Ademais posúe un sistema de xestión baseado en web. O obxectivo deste proxecto é proporcionar ás empresas un servidor de máquinas virtuais listo para funcionar e que sexa capaz de manter desde grandes clústers cunha grande cantidade de máquinas virtuais ata configuracións moito máis simples...

Semella que a longa historia de demandas por parte da empresa SCO ao mundo linux achégase ao seu fin.

O 7 de marzo do 2003, unha compañía chamada SCO Group fixo público que ían demandar a IBM por considerar que o xigante azul fixera contribucións ao núcleo de Linux con código da súa propiedade.

En maio dese mesmo ano, os dirixentes de SCO comezaron a enviar cartas ás 1.500 corporacións máis importantes do mundo para advertirlles de que si utilizaban algunha distribución de GNU/Linux poderíanse ver involucrados en problemas legais con eles xa que estarían a atentar contra os seus dereitos de propiedade intelectual sobre o código orixinal de UNIX.

 Nesta páxina podemos atopar un interesante diagrama representando as diferentes capas e funcións do kernel.

 Dende aí, facendo zoom, e movéndonos polas partes que máis nos interesen, teremos ocasión de navegar por varias ligazóns, que nos levarán directamente a un sistema de navegación e busca no que poderemos consultar o código de linux, liña por liña, con abundantes ligazóns.