Barcelona acollerá do 15 ao 17 de xullo a primeira conferencia Internacional entorno o Software Libre como instrumento que favoreza a educación, a Free Knowledge, Free Technology Conference (FKFT), No encontro participarán uns 200 profesionais de administracións públicas, empresas, do sector pedagóxico e de ONG de todo o mundo.

O congreso analizará, entre outros temas, as posibilidades de que as tecnoloxías libres contribúan a universalizar a educación, a abaratala e a aplicala, polo menos, na educación pública.

No seu propósito de facer extensible a tradución de software a calquera persoa, tanto do eido informático como allea a el, a Ciberirmandade da Fala vén de rematar a guía de “tradución de software na CIF”. Ademais, o colectivo fai un chamamento á colaboración para, segundo din, "podermos facer máis pola nosa lingua".

Esta guía trátase dun manual online, construído sobre a plataforma Moodle da asociación, onde os iniciados á tradución de software poden coñecer detalladamente o procedemento para traducir de forma online a través do traduCIF, o tradutor Entrans habilitado pola Ciberirmandade da Fala.

Rubén Díaz Lázaro é técnico de investigación da Universidade de Santiago de Compostela e membro do Clube de Astronomía Vega de Santiago. Mañá será o encargado de impartir en Rianxo un Obradoiro de Software Libre para Astronomía.

Este encontro, enmarcado dentro do curso de verán da USC sobre Astronomía e Contaminación Lumínica e organizado en colaboración con Mancomún, afondará no estudo e análise de aplicacións de tecnoloxía aberta vencelladas ao eido da astronomía.

Mancomún falou con Rubén Díaz para coñecer máis de preto os contidos deste obradoiro.

A Rede de Dinamización da Sociedade da Información está celebrando un curso de formación en base de datos de 40 horas de duración.

O curso desenvolverase até o próximo día 30 durante os martes, mércores, xoves e venres de 10.00 a 13.00 horas.

O lugar de celebración do mesmo será o Baixo da Biblioteca Pública Municipal, situada na Praza Rafael Dieste...

Un grupo de estudantes da Universidade Complutense de Madrid desenvolveu a extensión FVE para DotProject. FVE é un módulo adicional para o sistema libre e de código aberto dotProject, o xestor de proxectos con interface web, e que introduce numerosas melloras. 

A extensión incorpora un asistente para a importación de definicións de proxectos (OpenUP, Scrum, XP e algún outro); a xestión de control de versións con Subversion (dotproject só permite etiquetar a man os ficheiros); o concepto de rol como responsable de tarefas; e a posibilidade de definir dependencias de tipo produce/consome entre tarefas e produtos do proceso de desenvolvemento.

O software distribúese baixo GPLv3 e pódese descargar en SourceForge. Os desenvolvedores habilitaron un sitio web no que está dispoñible o manual de instalación e de uso da extensión, as demos ou o wiki da extensión, entre outras cousas.

Sudoku-Savant é unha aplicación para solucionar e xerar quebracabezas Sudokus de xeito lóxico e con formatos de táboa de 3x3 , 5x6 ou 6x5 celas.

A aplicación funciona proporcionando paso a paso a solución de calquera quebracabezas Sudoku que poida atoparse nun xornal ou revista. Ademais, Savant recurre ao método do “ensaio-erro” para actuar cando se lle presenta unha opción realmente complexa.

Mancomún en colaboración coa Rede de Dinamización da Sociedade da Información e máis o concello do Grove está impartindo un curso de contabilidade durante este mes.

Desde o día 7 até o 22 de xullo desenvolverase no Grove o curso de Contabilidade, no que se empregará o programa de software libre AbanQ, coñecido anteriormente como FacturaLux. O curso levarase a cabo na Aula da Rede de Dinamización situada no primeiro andar da Casa de Cultura Manuel Lueiro Rey, en horario de luns a venres de 20 a 22 horas.

Con este curso preténdese que os e as asistentes adquiran coñecementos sólidos das ferramentas de cálculo e de análise para poder levar a contabilidade dunha empresa, aprendendo a pechar un exercicio contábel e analizando os resultados e balances, así como familiarizarse cos supostos de contabilidade financeira e de sociedades actualizados, traballando coas situacións producidas nunha empresa real...

A Consellaría de Innovación e Industria promocionará o uso do Software Libre entre o colectivo de traballadores autónomos galegos, subvencionando a adquisición de ordenadores persoais con ferramentas de tecnoloxía aberta, especialmente no referente ás aplicacións ofimáticas e de acceso á internet (Linux, Firefox e OpenOffice).

Con esta medida, dotada cun orzamento próximo a un 1,7 milóns de euros, o goberno galego quere incrementar a presenza das tecnoloxías abertas entre o tecido empresarial galego como forma viable para o seu desenvolvemento sostible. A iniciativa enmárcase dentro das estratexias operativas do PEGSI 2007-2010, deseñado pola Consellaría de Innovación e Industria.

O programa de axudas, previsto para o bienio 2008-2009, convocarase proximamente, unha vez se faga público o listado de de entidades colaboradoras que participarán na xestión das subvencións.