Visto na páxina de GPUL:

"O ano pasado en GPUL decidimos organizar unhas das actividades máis arriscadas da nosa historia.Non dependíamos de ponentes internacionais, nin era un evento de varios días. Nin sequera esixía unha gran preparación técnica pola nosa parte. ¡Eran unhas xornadas de iniciación!
A nosa asociación nunca organizara unhas actividades fora da Facultade de Informática, o cal facía que non superamos canta xente estaría interesada.
A nosa sorpresa o comprobar como a asistencia superaba con moito as nosas expectativas, e ademáis con asistentes que tiñan un grande interese, foi maiúscula. Así que, ¿Cómo non íamos querer repetir a experiencia?"

Tennix é un xogo de pimpón feito en C usando Simple DirectMedia Layer. Algunhas das características son a posibilidade de xogar contra o computador ou contra outro contrincante.

O código fonte de Tennix está dispoñible baixo GNU General Public License, Version 2 ou posterior, e pode executarse en GNU/Linux, MacOS X e Windows, pero pode portarse a outras plataformas que soporten SDL.

Canonical Ltd., o sponsor comercial de Ubuntu, anunciou onte o soporte a usuarios domésticos e de empresas para Ubuntu.

O programa "Ubuntu Desktop Training" prové simulacións, exercicios prácticos e información para facer as tarefas diarias moito máis sinxelas. Non é necesario ningún coñecemento previo de sistemas operativos baseados en Linux. O curso é máis efectivo se Ubuntu 7.10 está instalado no computador antes de comezar.

Pencil é un software para animación en 2D baseado en debuxos a man alzada e técnicas de animación clásicas cunha interface sinxela de usar pero que dá un resultados de grande calidade.

A ventá da aplicación contén un liña do tempo que che permite navegar por cada un dos frames da animación incorporando capas (en formato de mapa de bits ou vectorial). As ferramentas dispoñibles están limitadas ás básicas: lápiz, boli, pincel, poliliña, goma e caldeiro de recheo; pero para aqueles posuidores dunha tableta dixitalizadora, estas ferramentas son todas sensibles á presión exercida na mesma de maneira que os trazos que usemos co lápiz poden definirse como visibles na animación final ou non...

En Wireless Galicia precisan dun analista/programador PHP con ampla experiencia en contornas LAMP. Requírese unha persoa familiarizada con metodoloxías de desenvolvemento áxiles e con gusto pola programación e o Software Libre. As funcións do posto serán principalmente a consultoría e desenvolvemento de aplicacións baseadas en LAMP e a implantación e personalización de aplicacións libres como Joomla, Typo3, osCommerce. 

A Ciberirmandade da Fala nos avisa da nova versión dun dos sistemas para foros máis estendidos, o phpBB3. Esta nova versión tamén conta con unha nova tradución ao galego revisada por eles mesmos a raíz dos erros detectados: "aproveitamos a ocasión de actualizar a tradución ao galego para facer unha pequena revisión xeral na que corriximos algúns erros da mesma, seguindo co traballo de mantemento que vimos facendo de continuo."...