“Por que o facemos?

Wine finalmente está listo para conxelar o código e publicar a primeira versión candidata de wine 1.0.

Wine é unha implementación da API de Windows que fai posible executar aplicacións para Windows dende o sistema GNU/Linux, por exemplo, Photoshop, Iexplorer, e o seu punto forte, multitude de xogos populares, sendo esta última a categoría con maior número de aplicacións.

O desenvolvemento de Wine remóntase ao ano 1993 coma un intento de dar soporte a aplicacións de Windows 3.1 en Linux. Dende entón, ano a ano, o equipo de desenvolvemento foi acadando soporte a un maior número de aplicacións de Windows e actualizándose ao tempo que o facía o sistema de Microsoft.

O Software Libre será protagonista indiscutible na celebración do 17 de maio ao incorporarse esta iniciativa dentro do programa de eventos que a Consellaría de Innovación e Industria celebra con motivo do día das Letras Galegas. Máis Internet, Máis Galego, Máis Futuro é o nome da campaña que ao longo das primeiras semanas do mes de maio botará a andar actividades orientadas á reflexión sobre o emprego das TIC (Tecnoloxías da Información e do Coñecemento) e do seu desenvolvemento no ámbito do galego.

A directora xeral de Promoción Industrial e Sociedade da Información, Helena Veiguela, presentou este mediodía o programa de actos que comporán a iniciativa. Entre eles, dun total de sete eventos previstos, o Centro de Referencia e de Servizos de Software Libre de Galicia organizará a xornada G11n: eu traduzo o teu software . O encontro, con ocasión do segundo aniversario de Mancomún.org, reunirá os días 10 e 11 de maio aos membros máis activos da comunidade de tradución de software en Galicia.

Con esta iniciativa, xunto coa súa incorporación ao programa de actividades do Día das Letras Galegas, a Consellaría de Innovación e Industria quere poñer de manifesto a súa aposta decidida polo Software Libre como elemento fundamental de dinamización do idioma galego e como forma indiscutible de superación do desarraigo da poboación máis nova coa cultura galega.

Seis meses despois da última versión oficial de Puppy Linux, a nova versión, a 4.0 sae finalmente ao público. Nesta nova versión os desenvolvedores fixeron un gran traballo con esta versión minimalística de Linux que tan só ocupa 87,1 MB.

A nova versión inclúe todo o necesario para usar escáners, cámaras dixitais, impresoras ou gravación/edición/conversión de son. Puppy Linux é agora un sistema operativo moi estable para contornos multimedia.

Esta versión, debido ao seu pequeno tamaño e baixos requirimentos, é óptima para computadores vellos, para resolución de problemas ou para instalar nunha chave USB...

Hai uns días faciámonos eco do lanzamento de VIA-LINUX, o portal de Software Libre dun dos maiores fabricantes de procesadores x86, VIA.

Pois ben, VIA xa comezou a publicar software no portal e xa hai dispoñibles controladores para a nova Ubuntu 8.04LTS e SUSE Linux Enterprise Desktop 10 do chipset VIA CN896. A documentación e o código fonte aínda non están dispoñibles máis esperan presentalo nas próximas semanas, e contra finais de ano implementarán os foros e ferramentas de notificación de erros...

Mañá martes día 6 de maio ás 17:20 horas terá lugar un relatorio de achegamento ao Software Libre e coñecemento libres dirixido ao alumnado de 3º da ESO e que dará o grupo de usuarios AGNIX no IES Eduardo Pondal de Compostela.

Ademais, na páxina de GPUL xa están preparando a segunda edición da Dudesconf, reunión oficial de desenvolvedores de Debian. Para iso contan cun blogue onde se pode seguir as actividades que se levarán a cabo...

Adobe vén de anunciar a liberación das especificacións de SWF, FLV e F4V para traballar conxuntamente con outras empresas (ARM, CISCO, Intel, Motorola, Nokia, LG, Sony Ericsson, ...) no proxecto Open Screen Project.

Este novo proxecto pretende facilitar o desenvolvemento e deseño de novas aplicacións e contidos en formato Flash, de modo que sexan compatibles con todo tipo de dispositivos, e eliminando as restricións existentes sobre a tecnoloxía Flash.

Ata o de agora a tecnoloxía de Adobe presentaba importantes inconvenientes como: 

A folla de ruta comunitaria de GNOME é unha "gran foto" da funcionalidade que se espera incluír nas futuras versión de GNOME, tanto a curto como a longo prazo. A folla de ruta está baseada no "feedback" dos actuais desenvolvedores de GNOME e distintos membros da comunidade.

A folla de ruta está organizada segundo os grupos obxectivos: usuarios, desenvolvedores, administradores e todos. Moitos dos cambios a nivel usuario non conlevan un cambio visible pero si melloran a experiencia do usuario dalgunha maneira...

Acaba de saír a versión 6.1 da plataforma de desenvolvemento NetBeans. Con esta nova versión veñen a dar soporte a novas linguaxes de scripting ademais dun rendemento mellorado (até un 40% máis rápido). Esta versión mellora o soporte das linguaxes, provendo un conxunto moito máis amplo de características para C/C++, JavaScript e a linguaxe de programación Ruby, incluíndo o framework Ruby on Rails. Tamén inclúe un mellor soporte para bases de datos MySQL no explorador de bases de datos.

Actualmente as tecnoloxías soportadas por NetBeans son:
Ajax, C/C++, Databases, Debugger, Desktop, Editor, GUI Builder, Java EE, Java ME, Java SE, JavaScript, Mobile, PHP, Profiler, Refactor REST, Rich Client Platform, Ruby, SOA, SOAP, UML, Web, WSDL, XML...