O goberno de Noruega prometeu unha inversión para promover o uso no sector público de OpenOffice.org, co fin de reducir a súa dependencia dos programas proporcionados por outras empresas.

A ministra de Administración e Reforma Pública, Heidi Grande Roeys, dixo que concedería o equivalente a 285.000 $ ao centro nacional de programas libres, co fin de adaptar e promover OpenOffice.org para o seu uso na elaboración de informes públicos, contabilidade e arquivos.

"Desexo un aumento na competencia no mercado dos programas para oficinas. OpenOffice.org é unha boa alternativa aos programas propietarios nesta área", afirmou.

Xa está dispoñible a versión 2.3 do motor e a versión 2.2 dos módulos de Facturación e Contabilidade de AbanQ, un software libre con licenza GPLv2, anteriormente coñecido como FacturaLUX, orientado a ofrecer solucións ás empresas de tipo ERP (planificador de recursos), CRM (relacións con clientes), MRP (produción), comercio electrónico, facturación, financeira, almacén, etc.

Aínda que todo o software de AbanQ é GPL, só están dispoñibles para a súa descarga gratuíta o motor 2.3 e os módulos 2.2. Para conseguir o resto dos compoñentes hai que compralos (ou conseguir que alguén que os teña regálechos, a GPL permite iso). Os módulos oficiais 2.3 de facturación e financeira (sen extensións), por exemplo, custan 49 euros. Os módulos especiais para empresas son algo máis caros. Un exemplo de que é posible establecer modelos de negocio de software libre baixo pago...

Os desenvolvedores de Mozilla deixarán de dar soporte para a familia de navegadores Firefox 2.0.0.x, a anterior xeración deste desenvolvemento que conviviu con Firefox 3 durante meses e cuxo soporte oficial chega ao seu fin. De feito, ese fin de soporte baséase no fin do proxecto Gecko 1.8, o motor de render no que se baseaban non só Firefox 2.x, senón tamén outras aplicacións como Thunderbird ou Camiño.

A chegada de Firefox 3 en xuño e a súa rápida popularidade acelerou os acontecementos: probablemente algúns usuarios previos de Firefox 2.0.0.x pensaban que aguantarían máis co seu navegador "de sempre", pero agora Mozilla está a tratar de acelerar esa migración de Firefox 2 a Firefox 3 con avisos aos usuarios das versións previas. Iso non impediu, no entanto, que o navegador seguise actualizándose con parches de seguridade e correccións de certas características, como demostrou a recente actualización a Firefox 2.0.0.18 que Mozilla puxo a disposición dos usuarios.

Kdenlive é un editor de vídeo non-linear para o escritorio KDE. Ademais, acaba de saír a versión 0.7 que é a primeira versión para KDE 4.

Esta é unha primeira lista de melloras sobre a anterior versión de KDE 3:

MuseScore é un programa de notación musical libre multiplataforma, con licenza GNU GPL do que xa falamos hai tempo.

Esta aplicación está a ter un desenvolvemento  activo e acadando unha importante comunidade. O pasado setembro publicouse a versión 0.9.3 da que, segundo as estatísticas de sourceforge, xa houbo unhas 10.000 descargas.

Esta aplicación vén de ser traducida ao galego polo voluntario “Xosé” quen a enviou ao proxecto á espera de que a inclúan no programa e tamén a incorporou no noso wiki na lista de aplicacións dispoñibles en galego.

Na aula do Centro da Rede de Dinamización da S.I. de Monteporreiro (concello de Pontevedra) comeza hoxe un curso de Writer, procesador de textos da suite ofimática OpenOffice.org).

O curso ten unha duración de 6 horas e comeza hoxe día 17 de novembro e remata o día 21 deste mesmo mes. O horario do curso é: luns, mércores e venres de 11:00h á 13:00h...

Evento engadido á "Axenda de Eventos" de Mancomún...

Os vindeiros días venres 28 e sábado 29 de Novembro celebraranse na Escola Técnica Superior de Enxeñaría as Primeiras Xornadas de Coñecemento Libre e Dereito nas TIC, organizadas pola Oficina de Software Libre da USC conxuntamente coa Asociación de Usuarios de Linux da USC e o Grupo de Usuarios de GNU/Linux da Galiza, coa colaboración da Asociación de Técnicos de Informática e o patrocinio da Consellaría de Innovación e Industria e Mancomún.

Os relatorios versarán sobre o actual marco legal da informática e a información, a fenda dixital, a política interna da USC sobre licenciamento de contidos, privacidade e protección de datos, e propiedade intelectual.

A aplicación do gañador, así como o do resto de participantes, está accesible na Forxa de Mancomún

O Premio ao Mellor Proxecto Fin de Carreira, organizado pola empresa galega Igalia co respaldo da Consellaría de Innovación e Industria, a través de Mancomún, así como das tres universidades galegas, deu a coñecer o pasado mércores ao seu gañador tras a exposición de todos os proxectos finalistas e a resolución do xurado, o cal fallou a favor da aplicación desenvolta por Miguel Álvarez Úbeda, “Ferramentas de análises de redes”.

Este proxecto trátase dunha ferramenta que estende a funcionalidade de gvSIG para permitir facer cálculos de análise de calquera rede. Por exemplo, do que podería ser a rede de estradas, a rede eléctrica ou a rede de abastecemento de auga.

750 novos membros e doadores antes do 31 de xaneiro

“O noso obxectivo é conseguir 750 novos membros e doadores antes do 31 de xaneiro, para axudarnos a financiar os nosos obxectivos para a campaña do 2009”

Tal como contan na súa páxina :

"Hoxe lanzamos a nosa campaña para recadar fondos de fin de ano para conseguir os nosos obxectivos no ano 2009 para a liberdade do software."

Acaba de saír a versión 3.0.4 de Firefox que contén as seguintes actualizacións:

Lista completa de problemas arranxados...

Podes descargar o Firefox en galego desde as seguintes ligazóns: