O curso será impartido polo profesor Manuel Morán entre o 13 de xaneiro e o 03 de febreiro no IES Francisco Sánchez en Tui. Entre os contidos abordaranse estratexias para a migración a software libre do parque informático dun centro educativo e se informará sobre sistemas e aplicacións multiplataforma que propicien o coñecemento das tendencias de innovación e dos últimos desenvolvementos.

Sun Microsystems acaba de liberar a versión final do seu sistema operativo libre derivado do código de Unix System V, que inclúe algunhas das características de calquera distribución GNU/Linux.

OpenSolaris, desenvolvemento dirixido por Ian Murdock, fundador de Debian, libérase baixo licenza aberta Common Development and Distribution License Version 1.0 (CDDL). Segundo esta licenza, o código fonte está dispoñible e pode ser utilizado, copiado e redistribuído coa definición de software libre, aínda que non se plasmou de momento o uso de licenza dobre, que, coma se está a rumorear, afectaría á GPLv3 .

Está a piques de chegar xa ext4, a nova versión do sistema de ficheiros máis estendido no mundo GNU/Linux. No entanto, ext4 segue sendo un sistema de ficheiros "da vella escola" e non ofrece novas características como os "snapshots" en liña, versionado e máis cousas. Estas novas características si que son ofrecidas por ZFS pero non é unha opción para contornos GNU/Linux por motivos de licenciamento.

Btrfs é un novo sistema de ficheiros que si prové estas características e que moitos desenvolvedores do Kernel de Linux piden que se inclúa no mesmo para acelerar o seu desenvolvemento. Durante o próximo ano espérase que se estabilice o formato de sistema de ficheiros e que publiquen unha versión beta para probas.

oVirt

oVirt é unha pequena imaxe dun servidor que prové servizos libvirt e que fornece máquinas virtuais. Ademais posúe un sistema de xestión baseado en web. O obxectivo deste proxecto é proporcionar ás empresas un servidor de máquinas virtuais listo para funcionar e que sexa capaz de manter desde grandes clústers cunha grande cantidade de máquinas virtuais ata configuracións moito máis simples...

Semella que a longa historia de demandas por parte da empresa SCO ao mundo linux achégase ao seu fin.

O 7 de marzo do 2003, unha compañía chamada SCO Group fixo público que ían demandar a IBM por considerar que o xigante azul fixera contribucións ao núcleo de Linux con código da súa propiedade.

En maio dese mesmo ano, os dirixentes de SCO comezaron a enviar cartas ás 1.500 corporacións máis importantes do mundo para advertirlles de que si utilizaban algunha distribución de GNU/Linux poderíanse ver involucrados en problemas legais con eles xa que estarían a atentar contra os seus dereitos de propiedade intelectual sobre o código orixinal de UNIX.

 Nesta páxina podemos atopar un interesante diagrama representando as diferentes capas e funcións do kernel.

 Dende aí, facendo zoom, e movéndonos polas partes que máis nos interesen, teremos ocasión de navegar por varias ligazóns, que nos levarán directamente a un sistema de navegación e busca no que poderemos consultar o código de linux, liña por liña, con abundantes ligazóns.

O centro da Rede de Dinamización da Sociedade de Información do Concello de Cuntis vai impartir un curso de iniciación á informática con GNU/Linux para persoas con diversidade funcional.

O curso comeza o día 9 deste mes e rematará o 15, e terá unha duración aproximada de 10 horas.

Gran parte das escolas cambodianas de educación secundaria está a empregar software libre grazas aos esforzos da organización non gobernamental Open Institute a través do proxecto KhmerOS. Este proxecto adícase a localizar ao idioma e escritura jemer aplicacións básicas como o OpenOffice.org, o Firefox ou o Thunderbird.

Detrás da iniciativa está o aragonés Javier Solá , un informático que chegou a Cambodia en 2003 e que, á fronte de Open Institute, conseguiu facer máis accesible a informática á mocidade dese país asiático. Segundo conta el mesmo, conseguiron reducir "de 100 a 20 as horas necesarias para aprender informática, porque os mozos non teñen que memorizar conceptos noutro idioma e outra escritura como a do inglés, senón que traballan con nocións que xa coñecen".

Acaba de saír o primeiro portátil que funciona con software libre exclusivamente para o cal non é necesario ningún tipo de firmware non libre; e mesmo a BIOS é libre. É un mini portátil de pantalla TFT LCD a 8.9". Vén equipado cunha CPU, de deseño Chinés baseado na arquitectura MIPS, chamado Loongson 2F 64bit a 900MHz. Ten un consumo de 20 W e 12 W para a versión con disco de estado sólido. Máis información de características na páxina web do fabricante Chinés Lemote.